စိန့် ပီတာစဘာ့ဂ် ၊ အောက်တိုဘာ ၂၁
ယူကရိန်း သမ္မတ ဗိုလိုဒီမာ ဗီလန်စကီးနဲ့ အပြုသဘော ဆွေးနွေးမှုတွေ ရှိခဲ့တယ်လို့ အမေရိကန် နိုင်ငံခြားရေးဝန်ကြီး မာကို ရူဘီယိုက ပြောကြားအပြီး ရုရှား သမ္မတ ဗလာဒီမာ ပူတင်နဲ့ တွေ့ဆုံ ဆွေးနွေးဖို့ စိန့် ပီတာစဘာ့ဂ်မြို့သို့ အောက်တိုဘာ ၂၁ ရက်က မနက်ပိုင်းက အမေရိကန် ကိုယ်စားလှယ် စတိဗ် ဝစ်ကော့ဖ် ရောက်ရှိလာခဲ့ပါတယ်။
ရုရှားနဲ့ ဖြစ်ပွားနေတဲ့ စစ်ပွဲနဲ့ ပတ်သက်လို့ ဇီလန်စကီးနဲ့ သူနဲ့ကြား ရှိနေတဲ့ ခါးခါးသီးသီး အငြင်းပွားမှုအတွက် စည်းခြားဖို့ ကြိုးပမ်းမှု တစ်စိတ်တစ်ပိုင်း အနေနဲ့ သမ္မတ ဒေါ်နယ် ထရန့်ရဲ့ ကိုယ်စားလှယ် မော်စကိုကို ခရီးထွက်တာ ဖြစ်ပါတယ်။
အော်စလိုမှာ ဝစ်ကော့ဖ်နဲ့ ဆွေးနွေးမှုတွေ ပြုလုပ်ပြီးနောက် ဇီလန်စကီးက ရုရှား တိုက်ခိုက်မှုတွေနဲ့ ပတ်သက်တဲ့ အမေရိကန်ရဲ့ ထောက်လှမ်းရေး သတင်း ဝေမျှမှု ပြန်လည် စတင်ပေးတဲ့အတွက် ကျေးဇူးတင်ကြောင်း ပြောပါတယ်။
ရုရှား ရေနံ သန့်စင် စက်ရုံတွေကို မတိုက်ခိုက်ဖို့ တိုက်တွန်းချက်ကို ယူကရိန်းက ပယ်ချခဲ့ပြီးနောက် ဇီလန်စကီး နေရာမှာ လူစားထိုးရေး တိုက်တွန်းပြီး ပူတင်နဲ့ ဒီဇယ် ထောက်ပံ့ရေး သဘောတူညီမှု ထရန့် ရယူခဲ့ပြီးနောက် ကိဗ်နဲ့ ဝါရှင်တန်ကြား သဘောထား ကွဲလွဲမှု ရက်များစွာကြာ ရှိခဲ့တာပါ။
ထောက်လှမ်းရေး သတင်းတွေ မိမိတို့ကို ပြန်လည် ဝေမျှပေးတဲ့အတွက် ကျေးဇူး တင်ကြောင်း ဇီလန်စကီးက အော်စလိုမြို့မှာ သတင်းထောက်တွေကို ပြောပါတယ်။
အိန္ဒိယ ခရီးစဉ်အတွင်း ရူဘီယိုက ဝစ်ကော့ဖ်အနေနဲ့ ရုရှား ခရီးစဉ်ကို ဦးဆောင်မှာ ဖြစ်ကြောင်း ပြောဆိုခဲ့တာပါ။
ပူတင်နဲ့ ဝစ်ကော့ဖ် တွေ့ဆုံမှုအတွင်း ထရန့်ရဲ့ သမက် ဂျာရက် ကူရှ်နာလည်း အွန်လိုင်းက တက်ရောက် ဆွေးနွေးမှာ ဖြစ်တယ်လို့ဆိုပါတယ်။
ယူကရိန်း စစ်ပွဲ စောစောပိုင်းမှာ ရုရှား စစ်သားတွေ ဖမ်းဆီးထားတဲ့ အမေရိကန် နိုင်ငံသား စတီဖန် ဟာ့ဘက်ကို ပြန်လွှတ်ပေးဖို့ ပူတင်ထံ ပြောဆိုထားကြောင်း ထရန့်က ပြောပါတယ်။
ထရန့်က ယူကရိန်းကို ဖိအားတွေ ပိုပေးနေပြီး စစ်ပွဲ အဆုံးသတ်ရေး ရုရှားနဲ့ သဘောတူညီမှု တစ်ရပ် ရယူစေလိုတယ်လို့ အိမ်ဖြူတော်က ပြောဆိုထားပါတယ်။
Ref:AFP

