ကိဗ်၊ အောက်တိုဘာ ၉
အောက်တိုဘာ ၈ ရက်က ရုရှားရဲ့ ဗုံးကြဲ တိုက်ခိုက်မှုကြောင့် နိုင်ငံ အရှေ့ပိုင်းမှာ လူ ၃၅ ဦးထက်မနည်း သေဆုံးခဲ့ပြီး ရုရှားရဲ့တိုက်ခိုက်မှုတွေကြောင့် နှစ်ရက်အတွင်း သေဆုံးသူ ၇၀ ကျော် ရှိလာပြီးနောက် အမေရိကန်က ယူကရိန်းကို ကူညီဖို့ ဆန္ဒ မရှိဘူးလို့ ယူကရိန်း သမ္မတ ဗိုလိုဒီမာ ဇီလန်စကီးက စွပ်စွဲလိုက်ပါတယ်။
ညနေပိုင်းမှာ ဒရုန်းနဲ့ ထပ်မံ တိုက်ခိုက်မှုကြောင့် လူ ၂ ဦး သေဆုံးခဲ့ကြောင်း ကိဗ်မြို့ အရာရှိတွေက ပြောပါတယ်။
ဒါကြောင့် ကိဗ်မြို့မှာ စုစုပေါင်း သေဆုံးသူ ၃၅ ဦး ၏အထိ ရှိခဲ့ပါတယ်။
အရှေ့တောင်ပိုင်း ဒနီပီထရိုဗက်စ်မြို့ရှိ ကျေးရွာ တစ်ရွာမှာ ရုရှားရဲ့ လေကြောင်းက ပဲထိန်းဗုံးနဲ့ တိုက်ခိုက်မှုကြောင့် လူ နှစ်ဦး သေဆုံးခဲ့တယ်လို့ ဆိုပါတယ်။
အနောက်ပိုင်း အီဗန်နို-ဖန့်ကီဗက်စ်မြို့မှာ ရုရှား တိုက်ခိုက်မှုကြောင့် လူ တစ်ဦး သေဆုံးခဲ့ရပါတယ်။
စစ်ပွဲ အဆုံးသတ်ရေး အမေရိကန်၊ ယူကရိန်းတို့ ကြိုးပမ်းနေပြီး ရုရှားကလည်း စစ်ပွဲ အဆုံးသတ်နိုင်ခြေရှိကြောင်း ပြောထားချိန်မှာ နှစ်ဖက် အပြန်အလှန် တိုက်ခိုက်မှုတွေ ပိုမို ပြင်းထန်လာနေပါတယ်။
ယူကရိန်းက ရုရှားရဲ့ စွမ်းအင် တည်နေရာတွေကို တိုက်ခိုက်နေပြီး အဓိက ရုရှားရဲ့ ရေနံ သန့်စင်စက်ရုံတွေကို ဒရုန်းတွေနဲ့ ပြင်းပြင်းထန်ထန် တိုက်ခိုက်နေပါတယ်။
ရုရှားရဲ့ ဒရုန်းတွေနဲ့ ကြီးကြီးမားမား တိုက်ခိုက်မှုကြောင့် ယူကရိန်း နိုင်ငံတဝှမ်း လူဒါဇင်နဲ့ချီ သေဆုံးခဲ့ပြီးနောက် တစ်ရက် အကြာမှာ ရုရှားက အခုလိုမျိုး ထပ်မံ တိုက်ခိုက်ခဲ့တာ ဖြစ်ပါတယ်။
အဲဒီ တိုက်ခိုက်မှုတွေထဲက ၂၂ ခုဟာ ကိဗ်မြို့ အရှေ့ဖက် မိုင် ၈၀ အကွာ အလယ်ပိုင်းမြို့ ပရီလူကီမြို့ရှိ လူနေ အဆောက်အဦ တစ်ခုကို တိုက်ခိုက်မှု ပါဝင်ပါတယ်။
ယူကရိန်း နိုင်ငံတဝှမ်း ပြီးခဲ့တဲ့ နှစ်ရက်က တိုက်ခိုက်မှုတွေကြောင့် လူ ၇၈ ဦး သေဆုံးပြီး ၂၁၅ ဦး ထိခိုက် ဒဏ်ရာရရှိခဲ့တယ်လို့ သမ္မတ ဇီလန်စကီးက ပြောပါတယ်။
သမ္မတ ဇီလန်စကီးက ရုရှားရဲ့ ပဲ့ထိန်းဒုံးကျည် ပစ်လွှတ်နေတဲ့ လောင်ချာတွေကို ပစ်မှတ်ထား တိုက်ခိုက်နိုင်ရေး Starlink ဂြိုဟ်တု ဝန်ဆောင်မှုကို ယူကရိန်းအသုံးပြုခွင့် ပိုပေးရေး ပန်ကြားချက်ကို လိုက်လျောပေးဖို့ အမေရိကန်ကိုတိုက်တွန်းထားပါတယ်။
မိမိတို့ရဲ့ ဝေဟင်ကို ကောင်းစွာ ကာကွယ်နိုင်ရေး ကူညီပေးပြီး ရုရှားမှာ ကြီးစိုးနိုင်ဖို့ ကူညီပေးမယ်ဆိုရင် ပူတင်အနေနဲ့ ညှိနှိုင်းရေး စားပွဲဝိုင်းဆီ ရောက်လာလိမ့်မယ်လို့ ဇီလန်စကီးက ပြောဆိုထားပါတယ်။
Ref:Reuters