ဝါရှင်တန်၊ သြဂုတ် ၃၁
အမေရိကန် သမ္မတ ဒေါ်နယ် ထရန့်က မကြာသေးခင်က ဇင်နီဇွဲလားနဲ့ ရယူထားတဲ့ သဘောတူညီမှုက ရရှိမယ့် ရေနံတွေကို မဟာဗျူဟာမြောက် ရေနံ အရန်အားမှာ ပြန်လည် ဖြည့်တင်းသွားမှာ ဖြစ်ကြောင်း သြဂုတ် ၃၀ ရက်မှာ ပြောလိုက်ပါတယ်။
ရေနံဈေးနှုန်းတွေ မြင့်တက်နေမှုနဲ့ ကမ္ဘာလုံးဆိုင်ရာ ထောက်ပံ့မှု အနှောင့်အယှက် ဖြစ်နေတာကို တုံ့ပြန်ရေး မကြာသေးခင်နှစ်တွေက အမေရိကန်က ရယူဖို့ကြိုးပမ်းတဲ့ ရေနံတွေနဲ့ ထရန့်က အမေရိကန် ရေနံ အင်အားကို ဖြည့်တင်းဖို့ ကြိုးပမ်းတာ ဖြစ်ပါတယ်။
ထရန့်က လူမှုမီဒီယာပို့စ်မှာ ရေနံအားဖြည့်တင်းရေး လုပ်ငန်းစဉ် အချိန်တိုအတွင်း စတင်သွားမှာ ဖြစ်ကြောင်း ဖော်ပြထားပြီး ဗင်နီဇွဲလားရေနံတွေဟာ အမေရိကန် ပြည်သူတွေအတွက် ဗင်နီဇွဲလားက ပေးတဲ့ လက်ဆောင် ဖြစ်တယ်လို့ ဖော်ပြထားပါတယ်။
အမေရိကန် ယာဉ်မောင်းတွေအတွက် မဝေးလှတဲ့ အနာဂတ်မှာ ဓာတ်ဆီ၊ ဒီဇယ် ဘယ်လို ပေးမှာလဲ ဒါမှမဟုတ် အမေရိကန် အရန်ရေနံအတွက် ဘယ်လိုစီမံပေးနိုင်မလဲဆိုတာ လောလောဆယ် ရှင်းရှင်းလင်းလင်း မသိရသေးပါဘူး။
သြဂုတ် ၂၈ ရက်မှာ ထရန့် ကြေညာတဲ့ ကြေညာချက်က ဗင်နီဇွဲလားရဲ့ ဒုက္ခရောက်နေတဲ့ ရေနံလုပ်ငန်း နယ်ပယ်ကို ပြန်လည် အသက်ဝင်စေဖို့ ရည်ရွယ်တာ ဖြစ်ပါတယ်။
ဒါပေမဲ့ အဲဒီ အစီအစဉ်အနေနဲ့ သိသာထင်ရှားတဲ့ ရင်းနှီးမြှုပ်နှံမှု အခြေခံ အဆောက်အဦတွေ တည်ဆောက်ရမှာ ဖြစ်ပြီး ထုတ်လုပ်မှုက နောက်ပိုင်းမှ အမြဲ အမြတ် တိုးတက်လာမှာ ဖြစ်ပါတယ်။
ဩဂုတ် ၂၁ ရက်အထိ အမေရိကန်ရဲ့ အရန် ရေနံဟာ စည်ပေါင်း သန်း ၂၉၀ လောက်ရှိတယ်လို့ သိရပါတယ်။
ရုရှားက ယူကရိန်းကို ကျူးကျော် တိုက်ခိုက်မှုနဲ့ အီရန် စစ်ပွဲ အပါအဝင် ကမ္ဘာလုံး ဆိုင်ရာ ထောက်ပံ့မှု အနှောင့်အယှက် ဖြစ်ပြီးနောက် တုံ့ပြန်ခဲ့တဲ့ ဘိုင်ဒန် အစိုးရနဲ့ ထရန့် အစိုးရ နှစ်ခုစလုံး လက်ထက်မှာ အမေရိကန်ရဲ့ အရန် ရေနံ လုံလောက်မှု လျော့ကျသွားပါတယ်။
ဗင်နီဇွဲလား ယာယီ သမ္မတ ဒဲလ်စီ ရိုဒရီဂွက်ဇ်က အမေရိကန်နဲ့ စွမ်းအင်ဆိုင်ရာသဘောတူညီမှုဟာ ၂၅နှစ်အထိ ဆက်ရှိနေမယ်လို့ သြဂုတ် ၂၉ ရက်မှာ ပြောပါတယ်။
တစ်ရက်ကို ရေနံစည် ၁ ဒသမ ၅ သန်းအထိ ထုတ်လုပ်ရေးနဲ့ နိုင်ငံရဲ့ သဘာဝ ရင်းမြစ်တွေအပေါ် အချုပ်အခြာ အာဏာ တည်မြဲအောင် လုပ်ဆောင်ထားတယ်လို့ သူက ပြောပါတယ်။
မစ္စစ် ရိုဒရီဂွက်ဇ်က သဘောတူညီမှုဟာ ဗင်နီဇွဲလားအတွက် စီးပွားရေး ပြန်လည် နှိုးထစေမယ့် အစိုးရ ဝင်ငွေ အားဖြည့်ပေးမယ့် အစီအစဉ် ဖြစ်ကြောင်းနဲ့ နိုင်ငံအနာဂတ်ကိုလည်း ပုံသွင်းပေးမယ့် သဘောတူညီမှု ဖြစ်ကြောင်း သြဂုတ် ၂၉ ရက် ညပိုင်း နိုင်ငံတော် မိန့်ခွန်းမှာ ပြောပါတယ်။
ဒီနှစ်နိုင်ငံ စီမံကိန်းက မဟာဗျူဟာမြောက် ရေနံမြေ ၁၇ ခုကို ဖော်ဆောင်နိုင်မှာ ဖြစ်ပြီး အဲဒီရေနံမြေတွေကနေ တစ်နေ့ကို ရေနံ ထုတ်လုပ်မှု စည်ပေါင်း ၁ ဒသမ ၅ သန်းကျော် ထွက်ရှိဖို့ ရည်ရွယ်ထားတယ်လို့ သိရပါတယ်။
ကနဦး ရေမှန်းချက်အရ ဗင်နီဇွဲလားနဲ့ အမေရိကန်ရဲ့ ကနဦး သဘောတူညီမှုအရ တစ်နေ့ကို ရေနံစည် ၁ ဒသမ ၅သန်း ထုတ်လုပ်ဖို့ စီစဉ်ထားကြောင်း ဗင်နီဇွဲလား ယာယီ သမ္မတက ပြောဆိုထားပါတယ်။
Ref:AFP