ဝါရှင်တန်၊ အောက်တိုဘာ ၅
အမျိုးသား ထောက်လှမ်းရေး ညွှန်ကြားရေးမှူး ဂျေး ကလေတွန် ဦးဆောင်မယ့် ဉာဏ်ရည်တု နည်းပညာကို အဓိကထား ကိုင်တွယ်မယ့် အထူးတာဝန် တပ်ဖွဲ့သစ်တစ်ဖွဲ့ ဖန်တီးထားကြောင်း အမေရိကန် သမ္မတ ဒေါ်နယ် ထရန့်က ပြောလိုက်ပါတယ်။
စူပါ ဉာဏ်ရည် တပ်ဖွဲ့အနေနဲ့ AI နည်းပညာ ဖန်တီးရေးမှာ အမေရိကန် ဆက်လက် ဦးဆောင်နိုင်ရေး သေချာအောင် ဆောင်ရွက်မှာ ဖြစ်ပြီး အများပြည်သူနဲ့ အစိုးရ စေ့စပ်ရေး ညှိနှိုင်းဆောင်ရွက်သွားမှာ ဖြစ်ကြောင်း ထရန့်က အောက်တိုဘာ ၄ ရက်က လူမှုမီဒီယာမှာ ဖော်ပြထားပါတယ်။
ဖက်ဒရယ် ကုန်သွယ်ရေး ကော်မရှင် ဥက္ကဋ္ဌ အန်ဒရူး ဖာဂူဆန်နဲ့ သုတေသနနဲ့ အင်ဂျင်နီယာဆိုင်ရာ ကာကွယ်ရေး လက်ထောက်ဝန်ကြီး အီမေးလ် မိုက်ကယ်တို့လည်း အဲဒီ အထူးတာဝန် တပ်ဖွဲ့မှာ ပါဝင်မှာ ဖြစ်ပါတယ်။
AI နည်းပညာအပေါ် ဥပဒေစည်းကြပ်ရေး ကျင့်ဝတ်အရ ချည်နှောင်မှု ရှိတယ်လို့ ထရန့်က ပြောတဲ့ သဘောတူညီမှု တစ်ရပ်ကို ထိပ်တန်း နည်းပညာ သူဌေးတွေနဲ့ လက်မှတ်ရေးထိုးပြီးနောက် AI ဘေးကင်းရေးး ကြီးကြပ်ဖို့ ဘုတ်အဖွဲ့ တစ်ဖွဲ့ တည်ထောင်သွားမှာ ဖြစ်ကြောင်း ပြီးခဲ့တဲ့ သီတင်းပတ်မှာ ပြောထားပါတယ်။
စူပါမှတ်ဉာဏ် တပ်ဖွဲ့က အသုံးပြုသူတွေ၊ အများပြည်သူ အကျိုးစီးပွားဆိုင်ရာ အဖွဲ့တွေ၊ ဘာသာရေး အဖွဲ့အစည်းတွေ၊ အရေးကြီးတဲ့ အခြေခံ အဆောက်အအုံ ဖန်တီးပေးသူတွေနဲ့ စူပါ မှတ်ဉာဏ် ကုမ္ပဏီတွေနဲ့ ဖက်ဒရယ် အစိုးရ စေ့စပ် ဆက်ဆံမှုကို ညှိနှိုင်း လုပ်ဆောင်ပေးသွားမှာ ဖြစ်ကြောင်း ထရန့်က ရေးသားထားပါတယ်။
ဉာဏ်ရည်တု နည်းပညာအပေါ် ဥပဒေစည်းကြပ်မှု ပိုမို တင်းကြပ်ဖို့ လုပ်ငန်း နယ်ပယ်တွင်းက ထင်ရှားတဲ့ ပုဂ္ဂိုလ်တွေက ဖိအားပေးမှု ပိုများလာပြီးနောက် အခုလို အထူးတာဝန် တပ်ဖွဲ့သစ် ဖွဲ့စည်းကြောင်း ကြေညာချက် ထွက်ပေါ်လာတာ ဖြစ်ပါတယ်။
Ref:BBC

