ဘေဂျင်း၊ စက်တင်ဘာ ၅
တရုတ်သမ္မတ ရှီကျင့်ဖျင်က သူ့ရဲ့ အမေရိကန် ခရီးစဉ်အတွင်း စီးပွားရေး ခေါင်းဆောင် အများအပြား ပါဝင်တဲ့ ကိုယ်စားလှယ် အဖွဲ့ကို ဦးဆောင်သွားမှာ ဖြစ်ကြောင်း သတင်းရင်းမြစ် နှစ်ခုက ပြောပါတယ်။
တရုတ် ရင်းနှီးမြှုပ်နှံမှုတွေနဲ့ ပတ်သက်လို့ အမေရိကန်က ပြစ်တင် ဝေဖန်နေပြီး ပုဂ္ဂလိက လုပ်ငန်းတွေနဲ့ ဘေဂျင်းရဲ့ ဆက်ဆံရေး တင်းမာနေချိန် ဒါက ပုံမှန်မဟုတ်တဲ့ ကြိုတင် ပြင်ဆင်မှု ဖြစ်ပါတယ်။
သမ္မတ ရှီကျင့်ဖျင်ဟာ ပြည်ပခရီးစဉ်တွေမှာ စီးပွားရေး လုပ်ငန်းရှင်တွေကို ခေါ်ယူခဲပြီး ၂၀၂၀ ပြည့်နှစ်မှာ စတင်ခဲ့တဲ့ နည်းပညာ၊ ပညာရေးနဲ့ အဆောက်အဦဆိုင်ရာ ကဏ္ဍတွေအပေါ် ဘေဂျင်းက ဥပဒေအရ နှိမ်နှင်းခဲ့ပြီးနောက် လုပ်ငန်းရှင် အများစုက အစိုးရအပေါ် မကျေနပ် ဖြစ်နေတာ ဖြစ်ပါတယ်။
တရုတ်လုပ်ငန်း အမှုဆောင်အရာရှိတွေ ပါဝင်တဲ့ ကိုယ်စားလှယ် အဖွဲ့ကို အိမ်ဖြူတော်က ခြေရာခံနေတာ မရှိဘူးလို့ အရာရှိ တစ်ဦးက ပြောပါတယ်။
ခြေရာခံတယ်လို့ တရုတ်က ပြောဆိုတာ ဘာကိုဆိုလိုသလဲ ဆိုတာနဲ့ ပတ်သက်လို့ အိမ်ဖြူတော်က ရှင်းမပြထားပါဘူး။
စက်တင်ဘာ ၂၄ ရက် ထိပ်သီး ဆွေးနွေးပွဲမှာ စီးပွားရေး ကိုယ်စားလှယ်အဖွဲ့ ပါဝင်မယ်ဆိုတာကို အရင်က သတင်းတွေမှာ ဖော်ပြထားတာ မရှိခဲ့ပါဘူး။
တရုတ် စီးပွားရေး ကိုယ်စားလှယ် အဖွဲ့မှာ ဘယ်သူတွေ ပါဝင်မှာလဲဆိုတာကို မသိရသေးဘူးလို့ ရိုက်တာ သတင်းဌာနက ဖော်ပြပါတယ်။
အဲဒီ လုပ်ရပ်က အမေရိကန်နဲ့ ရင်းနှီးမြှုပ်နှံရေးနဲ့ စီးပွားရေးဆိုင်ရာ ဆက်ဆံရေးကို တရုတ်က အထောက်အကူ ဖြစ်စေဖို့ ဆန္ဒရှိကြောင်း ဖော်ပြမှု တစ်စိတ်တစ်ပိုင်း ဖြစ်နိုင်ပါတယ်။
သက်တမ်းဝက် ရွေးကောက်ပွဲမတိုင်ခင် အမေရိကန်ကို စီးပွားရေးအရ အသာပေးမှု တချို့ တရုတ်က ပြုလုပ်လာမှာ ဖြစ်တယ်လို့ ဆွေးနွေးမှုနဲ့ ပတ်သက်လို့ နီးစပ်တဲ့ သတင်းရင်းမြစ်တွေထဲက တစ်ခုက ပြောပါတယ်။
တရုတ် ကုမ္ပဏီတွေအနေနဲ့ အမေရိကန်မှာ ရင်းနှီးမြှုပ်နှံတာတွေ စီးပွားရေး လုပ်ငန်း ဖွင့်လှစ်တာတွေနဲ့ ပတ်သက်လို့ မကြာသေးခင် နှစ်တွေက စတင်ပြီး ပိုများလာတဲ့ စစ်ဆေးမှုတွေနဲ့ ရင်ဆိုင်နေရပါတယ်။
တရုတ်က တင်သွင်းတဲ့ လျှပ်စစ်ကားတွေအပေါ် ဝါရှင်တန်က အခွန် ၁၀၀ ရာခိုင်နှုန်း ကောက်ခံနေပြီး နိုင်ငံခြား ဒရုန်းတွေ လမ်းကြောင်း ရှာဖွေရေး ကိရိယာတွေနဲ့ စက်ရုပ် တင်သွင်းမှုတွေကို တားမြစ်ထားပါတယ်။
TikTok ရဲ့ အမေရိကန်ရှိ လုပ်ငန်းတွေကိုလည်း အမေရိကန် ပိုင်ဆိုင်မှုအောက်သို့ အများအပြား ရွှေ့ပြောင်းထားပါတယ်။
အမေရိကန် အမျိုးသား လုံခြုံရေးကို ထိခိုက်စေနိုင်တဲ့ လုပ်ငန်းတွေနဲ့ အဖွဲ့အစည်းတွေအဖြစ် တရုတ် နည်းပညာ လုပ်ငန်းတွေကို စာရင်းသွင်းထားပြီး အမေရိကန် စစ်ဌာနချုပ် ပင်တဂွန်ရဲ့ အမည်ပျက်စာရင်းမှာ ထည့်သွင်းထားပါတယ်။
၂၀၁၅ ခုနှစ်မှာ အမေရိကန်သို့ သွားရောက်ခဲ့တဲ့ သမ္မတ ရှီရဲ့ အမေရိကန် ခရီးစဉ်မှာ အလီဘာဘာ ကုမ္ပဏီ တည်ထောင်သူ ဂျက်မား အပါအဝင် တရုတ် ဘဏ်လုပ်ငန်းရှင်တွေနဲ့ နိုင်ငံပိုင် လုပ်ငန်းတွေက အရာရှိ အနည်းငယ်ကို ခေါ်ဆောင်သွားခဲ့ပါတယ်။
အဲဒီ ခရီးစဉ်အတွင်း တရုတ်က ဘိုးရင်း လေယာဉ် ၃၀၀ အတွက် ကန်ဒေါ်လာ ၃၈ ဘီလီယံ တန်ဖိုးရှိ သဘောတူညီမှု တစ်ရပ် လက်မှတ်ရေးထိုးခဲ့ပြီး Apple ကုမ္ပဏီရဲ့ တင်မ်ကွန်ခ်၊ Meta ကုမ္ပဏီရဲ့မက် ဇူကာဘက်၊ Amazon ကုမ္ပဏီ တည်ထောင်သူ ဂျက်ဖ် ဘီးဇို့တို့နဲ့လည်း တွေ့ဆုံခဲ့ပါတယ်။
အလားတူပဲ အမေရိကန် သမ္မတ ဒေါ်နယ် ထရန့်က ၂၀၁၇ ခရီးစဉ်နဲ့ အခုနှစ် မေလ ခရီးစဉ် အပါအဝင် တရုတ်နိုင်ငံ ခရီးစဉ်တွေအတွင်း အမေရိကန် လုပ်ငန်းရှင် အများအပြားကို ခေါ်ဆောင်သွားခဲ့တာ ဖြစ်ပါတယ်။
ထရန့် မေလက ခေါ်သွားခဲ့တဲ့ အမေရိကန် စီးပွားရေး လုပ်ငန်းရှင်တွေထဲမှာ Nvidia ကုမ္ပဏီ အမှုဆောင် အရာရှိချုပ် ဂျန်ဆန် ဟွန်နဲ့ အီလွန်မက်စ်တို့ အပါအဝင် ၁၈ ဦးအထိ ပါဝင်တယ်လို့ သတင်းရင်းမြစ်တွေက ပြောပါတယ်။
Ref:Reuters