ဝါရှင်တန်၊ နိုဝင်ဘာ ၄
အမေရိကန် သက်တမ်းဝက် ရွေးကောက်ပွဲအတွင်း သမ္မတ ဒေါ်နယ် ထရန့်ရဲ့ ရီပက်ဘလေကန်တွေကို မဲပေးသူ အများစုက ငြင်းပယ်ခဲ့ကြပြီးနောက် သူ့ရဲ့ လက်ကျန် ရာထူး သက်တမ်း နှစ်နှစ်အတွင်း လွှတ်တော် နှစ်ရပ်စလုံးကို ဒီမိုကရက်တို့ ထိန်းချုပ်ခွင့် ရရှိခဲ့ပါတယ်။
အထက်လွှတ်တော်နဲ့ အောက်လွှတ်တော် အမတ်နေရာတွေအတွက် ယှဉ်ပြိုင်မှု နှစ်ခုစလုံးမှာ ဒီမိုကရက်တို့ အနိုင်ရရှိခဲ့ပြီးနောက် ထရန့်က ဒီမိုကရက်တို့ တော်ကြောင်း ပြောကြားခဲ့ပါတယ်။
ရီပက်ဘလေကန်တို့ ရှုံးနိမ့်ရမှုဟာ အီရန် စစ်ပွဲ၊ လောင်စာဈေးနှုန်း မြင့်တက်မှု နှစ်ခုစလုံးနဲ့ သက်ဆိုင်နေကြောင်း သူက ပြောပါတယ်။
ဒါပေမဲ့ သူ့အနေနဲ့ ဒီမိုကရက်တို့နဲ့ လက်တွဲ အလုပ်လုပ်သွားမှာ ဖြစ်ပြီး မိမိတို့ အနေနဲ့ တစ်ခုခု အဆင်ပြေအောင် ဆောင်ရွက်နိုင်လိမ့်မယ်လို့ ပြောပါတယ်။
ဒီရလဒ်ဟာ အံ့သြစရာ မဟုတ်ဘဲ စားဝတ်နေရေး ကုန်ကျစရိတ် မြင့်တက်နေချိန်မှာ မဲပေးသူတွေက သမ္မတအပေါ် အပြစ်တင်နေကြတာကြောင့် ဖြစ်တယ်လို့ လေ့လာသူတွေက ပြောပါတယ်။
အထက်လွှတ်တော် ရွေးကောက်ပွဲအတွင်း ဒီမိုကရက်တို့ဟာ တက္ကဆက်၊ အိုဟိုင်းအိုးနဲ့ ကန်ဆက် အပါအဝင် ရီပက်ဘလေကန်တို့ရဲ့ အမာခံ နေရာတွေမှာ အနိုင်ရရှိခဲ့တာ ဖြစ်ပါတယ်။
ကန်ဆက်မှာဆိုရင် ဒီမိုကရက်တို့ ရွေးကောက်မခံခဲ့ရတာ နှစ်ပေါင်း ၁၀၀ လောက် ရှိပြီ ဖြစ်ပါတယ်။
မီချီဂန်ပြည်နယ်မှာ ဒီမိုကရက် အဘဒူလ် အယ်လ် ဆာယက် အနိုင်ရရှိခဲ့ပြီး အထက်လွှတ်တော်မှာ ရွေးကောက်ခံရတဲ့ ပထမဆုံး မွတ်စလင်အမတ် ဖြစ်လာမှာ ဖြစ်ပါတယ်။
လွှတ်တော်ကို ဒီမိုကရက်တို့ ထိန်းချုပ်ထားမှုနဲ့အတူ လာမယ့် နှစ်နှစ်မှာ ထရန့်ရဲ့ အစီအစဉ်တွေနဲ့ ပတ်သက်လို့ သူ့ကို စိတ်ပျက်အောင် လုပ်ဆောင်နိုင်တော့မှာ ဖြစ်ပါတယ်။
သူတို့အနေနဲ့ ထရန့်ကို တတိယအကြိမ်အနေနဲ့ စွပ်စွဲ ပြစ်တင်ဖို့တောင် ဖြစ်လာနိုင်ခြေ ရှိနေပါတယ်။
ရွေးကောက်ပွဲ ရလဒ်တွေ ထွက်ပေါ်မလာခင် ဒီမိုကရက်တို့အနေနဲ့ အောက်လွှတ်တော်ကို ထိန်းချုပ်နိုင်ခြေရှိနေပေမယ့် အထက်လွှတ်တော်ကို ထိန်းချုပ်နိုင်ဖို့ မသေချာသေးဘူးလို့ လေ့လာသူတွေက ခန့်မှန်းထားခဲ့ကြတာ ဖြစ်ပါတယ်။
ဒါပေမဲ့ ငွေဖောင်းပွမှု၊ နေထိုင်စားသောက်မှု စရိတ် မြင့်တက်မှု၊ အီရန် စစ်ပွဲနဲ့ ပတ်သက်လို့ ရီပက်ဘလေကန်တို့ရဲ့ လုပ်ရပ်တွေကြောင့် အမေရိကန် နိုင်ငံသားအများအပြား စိတ်ပျက်နေခဲ့ကြတာ ဖြစ်ပါတယ်။
ဒါကြောင့် ရီပက်ဘလေကန် အမာခံ ပြည်နယ်တွေမှာ ဒီမိုကရက်တို့ အနိုင်ရဖို့ ဖြစ်လာခဲ့တာ ဖြစ်ပါတယ်။
လွှတ်တော်နှစ်ရပ်စလုံးကို ဒီမိုကရက်တို့ ထိန်းချုပ်ထားရင် ထရန့်အနေနဲ့ သူ့စိတ်ကြိုက် မူဝါဒတွေ အကောင်အထည် ဖော်နိုင်တော့မှာ မဟုတ်တော့ဘဲ အမေရိကန် မူဝါဒ တချို့သာ ပြောင်းလဲလာနိုင်ပါတယ်။
သမ္မတ ထရန့်ဟာ သူ့ရဲ့ ရာထူး သက်တမ်းကုန်ဆုံးချိန်အထိ သမ္မတအဖြစ် ဆက်ရှိနေမှာ ဖြစ်ပြီး သူ့ရဲ့ နိုင်ငံခြားရေးမူဝါဒတွေကို ဆက်လက် ဆောင်ရွက်သွားမှာ ဖြစ်ကြောင်း ရုရှားသမ္မတ ဗလာဒီမာ ပူတင်ရဲ့ ပြောရေးဆိုခွင့်ရှိသူ ဒီမီထရီ ပက်စကော့က အောက်တိုဘာ ၂ ရက်မှာ ပြောပါတယ်။
အဲဒီ သတင်းစကားက ရုရှားအနေနဲ့ ဘာရလဒ်ပဲ ထွက်ပေါ်ထွက်ပေါ် သူတို့ရဲ့ အလုပ်တွေ အရင်အတိုင်း ရှိနေဦးမယ်လို့ ဖော်ပြလိုက်တာ ဖြစ်ပါတယ်။
သမ္မတဟောင်း ဘားရက် အိုဘားမားကတော့ အမေရိကန်တွေအနေနဲ့ အပြောင်းအလဲကို အလိုရှိကြောင်း ရှင်းရှင်းလင်းလင်းဖော်ပြလိုက်တာ ဖြစ်တယ်လို့ ပြောထားပါတယ်။
Ref:BBC