ကယ်လီဖိုးနီးယားမှာ မဲစာရွက်တွေ ဘေးဖယ်ထားရေး ထရန့် တောင်းဆိုချက် နိုင်ငံတော် တရားရုံး ပယ်ချ

ဝါရှင်တန်၊ နိုဝင်ဘာ ၃

ကယ်လီဖိုးနီးယားပြည်နယ်မှာ မဲ စာရွက်ထောင်ပေါင်းများစွာကို ဘေးဖယ်ထားဖို့အမေရိကန် သမ္မတ ဒေါ်နယ် ထရန့်ရဲ့ ကြိုးပမ်းမှုကို နိုင်ငံတော် တရားရုံးက ပယ်ချလိုက်ပါတယ်။

ကယ်လီဖိုးနီးယားပြည်နယ်မှာ အမေရိကန်နိုင်ငံသား မဟုတ်သူတွေကို ထုတ်ပေးထားတဲ့ မဲစာရွက်တွေ ထောင်နဲ့ချီ ရှိနေတယ်လို့ စွပ်စွဲပြီး ဘေးဖယ်ထားရေး ထရန့်က တောင်းဆိုခဲ့တာ ဖြစ်ပါတယ်။

ထရန့်ရဲ့ လက်ကျန် သမ္မတ သက်တမ်းအတွင်း လွှတ်တော်ကို ဘယ်ပါတီက ထိန်းချုပ်နိုင်မလဲ အဆုံးအဖြတ်ပေးမယ့် အမေရိကန် သက်တမ်းဝက် ရွေးကောက်ပွဲအတွင်း နိုဝင်ဘာ ၂ ရက်ဟာ နောက်ဆုံး မဲဆွယ်ရက် ဖြစ်ပါတယ်။

ရွေးကောက်ပွဲ ရလဒ်တွေအရ အမေရိကန် မူဝါဒတွေ ဘယ်လို ပုံစံ ပြောင်းလဲလာမလဲ ဆိုတာကိုလည်း မြင်တွေ့ရမှာ ဖြစ်ပါတယ်။

တခြားနေရာတွေမှာ အမေရိကန်နိုင်ငံသား သန်းပေါင်းများစွာ မဲပေးထားပြီး ဖြစ်ပါတယ်။

ဂျော်ဂျီယာပြည်နယ်မှာ မှတ်ပုံတင်ထားတဲ့ မဲပေးသူ စုစုပေါင်းရဲ့ သုံးပုံ တစ်ပုံ မဲပေးပြီးပြီ ဖြစ်ပြီး သက်တမ်းဝက် ရွေးကောက်ပွဲ စံချိန်သစ်တင်ခဲ့ပါတယ်။

အဲဒီ အရေးပါတဲ့ ရွေးကောက်ပွဲတွေအတွက် ဒီမိုကရက်တွေ အများကြီး မျှော်လင့်ချက်ရှိနေကြောင်း သဘောထား စစ်တမ်းတွေမှာ ဖော်ပြထားပါတယ်။

ထရန့်ရဲ့ ရီပက်ဘလေကန်ပါတီက လောလောဆယ်မှာ အထက်လွှတ်တော်ရော အောက်လွှတ်တော်ကိုပါ လွှတ်တော် နှစ်ရပ်စလုံးကို ထိန်းချုပ်ထားပါတယ်။

ဒီမိုကရက်တို့က လူများစု အမတ်နေရာရရှိရေး လုံလောက်တဲ့အထိ ပြောင်းပြန်လှန်နိုင်ဖို့ မျှော်လင့်ထားကြပါတယ်။

အမေရိကန်နိုင်ငံသား သန်း ၅၀ ကျော် စောစောစီးစီး မဲထည့်ထားပြီး ဖြစ်ပါတယ်။

နိုဝင်ဘာ ၃ ရက် ရွေးကောက်ပွဲမှာ နောက်ထပ် သန်းပေါင်းများစွာ မဲပေးကြဦးမှာ ဖြစ်ပါတယ်။

ရီပက်ဘလေကန်တွေနဲ့ ဒီမိုကရက်တို့က တက္ကဆက်၊ မီချီဂန်နဲ့ အိုင်အိုဝါတို့ အပါအဝင် အကြိတ်အနယ် ယှဉ်ပြိုင်ရမယ့် ပြည်နယ်တွေမှာ မဲဆွယ်ခဲ့ကြပြီး နိုင်ငံတစ်ဝန်း မဲပေးသူတွေကို စည်းရုံးဖို့ နောက်ဆုံး ကြိုးပမ်းခဲ့ပြီး ဖြစ်ပါတယ်။

တက္ကဆက်ပြည်နယ်မှာ ပြည်နယ်တဝန်း ဒီမိုကရက်တို့ အနိုင်မရတာ ဆယ်စုနှစ် သုံးစုကျော် ရှိနေပြီ ဖြစ်ပေမယ့် သဘောထား စစ်တမ်းတွေမှာ ဒီမိုကရက် ကိုယ်စားလှယ်လောင်း တယ်လာရီကိုနဲ့ ရီပက်ဘလေကန် ကိုယ်စားလှယ်လောင်း ကန် ပက်စတွန်တို့ကြား အကြိတ်အနယ် ယှဉ်ပြိုင်ရနိုင်ကြောင်း ဖော်ပြထားပါတယ်။

တက္ကဆက်ပြည်နယ်မှာ ယှဉ်ပြိုင်မယ့် ရီပက်ဘလေကန် ကိုယ်စားလှယ်လောင်းကို ဒေသတွင်း ဥပဒေအရာရှိတွေက အကျင့်ပျက် ခြစားမှုနဲ့ စွပ်စွဲ ပြစ်တင်ခဲ့ပြီး နောက်ပိုင်းမှာ တရားသေ လွတ်လာသူ ဖြစ်တာကြောင့် ရွေးကောက်ပွဲဝင်ဖို့ အရေအချင်း မမီကြောင်း ဒီမိုကရက်အမတ် တယ်လာရီကိုက ပြောထားပါတယ်။

ဘယ်ကိုယ်စားလှယ်လောင်းကို မဲပေးရမလဲ မဆုံးဖြတ်ရသေးတဲ့ ခြံစည်းခွထိုင်နေတဲ့ ရီပက်ဘလေကန် ထောက်ခံသူတွေအနေနဲ့ ဘက်ပြောင်းကြဖို့လည်း သူက တိုက်တွန်းထားပါတယ်။

ဒီအတောအတွင်း ထရန့်က အိမ်ဖြူတော်နဲ့ လွှတ်တော်ကို ရီပက်ဘလေကန်တွေ ထိန်းချုပ်ထားတဲ့ နှစ်နှစ်တာကာလဟာ ကြီးကျယ်တဲ့ ကာလတွေ ဖြစ်တယ်လို့ ပြောပါတယ်။

ဒေါ်နယ် ထရန့်က ရွေးကောက်ပွဲ မဲမသာမှုရှိကြောင်း အကြိမ်ကြိမ် စွပ်စွဲခဲ့ဖူးပေမယ့် သူ့ရဲ့ စွပ်စွဲချက်တွေအတွက် အထောက်အထား ဖော်ပြတာ မရှိပါဘူး။

သူက စာတိုက်က ပေးပို့တဲ့ မဲတွေဟာလည်း လိမ်လည်မှုတွေ ရှိနေတယ်လို့ စွပ်စွဲ ပြောဆိုခဲ့ပါတယ်။

Ref:BBC