နယူးဒေလီ၊ အောက်တိုဘာ ၁၂
ပိုးဟပ် လှုပ်ရှားရေး အဖွဲ့ တည်ထောင်သူ အဗ္ဗဟီဂျစ် ဒီပကီနဲ့ တခြား အကြီးတန်း ခေါင်းဆောင်နှစ်ဦးကို လွှတ်ပေးရေး တရားရုံးက ညွှန်ကြားလိုက်ပြီး အိန္ဒိယ ရွေးကောက်ပွဲ အကြီးအကဲ ရာထူးက နုတ်ထွက်ပေးရေး တောင်းဆိုတဲ့ ဆန္ဒပြပွဲများ ပြတ်တောင်းပြတ်တောင်း ဖြစ်ပွားနေတဲ့ အောက်တိုဘာ ၁၁ ရက်က ဆန္ဒပြသူ ရာပေါင်းများစွာကို ရဲတပ်ဖွဲ့က ဖမ်းဆီးခဲ့ပါတယ်။
ဆန္ဒပြပွဲတွေမတိုင်ခင် ဒေလီမြို့မှာ လုံခြုံရေး တင်းကြပ်ထားပြီး တချို့လမ်းမတွေကို အတားအဆီးတွေနဲ့ ပိတ်ထားခဲ့တာ ဖြစ်ပါတယ်။
ဒီပကီနဲ့ တခြား ပိုးဟပ် ဂန်ဂျာပါတီ CJP ခေါင်းဆောင်တွေ လိုက်ပါလာတဲ့ လေယာဉ် အောက်တိုဘာ ၁၀ ရက်က ဒေလီမြို့သို့ ဆင်းသက်ချိန် သူတို့ကို ဖမ်းဆီးခဲ့တာ ဖြစ်ပါတယ်။
အဲဒီ အဖွဲ့က ဒေလီမြို့ မြို့လယ်ခေါင်ရှိ ဂျန်တာ မန်တာ နက္ခတာရာ လေ့လာရေး အဆောက်အဦတွေ ရှိရာ နေရာမှာ လူထောင်ပေါင်းများစွာ စုဝေးဆန္ဒပြဖို့ စီစဉ်ထားခဲ့တာ ဖြစ်ပါတယ်။
အများပြည်သူ ငြိမ်းချမ်းမှု ထိန်းသိမ်းရေး ဆောင်ရွက်မှုနဲ့အတူ အဲဒီ ခေါင်းဆောင်တွေကို လွှတ်ပေးရေး တရားရုံးက ညွှန်ကြားခဲ့တာ ဖြစ်တယ်လို့ CJP က ကြေညာချက် ထုတ်ပြန်ပါတယ်။
ဒီပကီ လွတ်မြောက်လာပြီးနောက် ပိုးဟပ်တွေ ဘယ်တော့မှ မသေဆုံးဘူးလို့ အဲဒီအဖွဲ့က လူမှုမီဒီယာပေါ်မှာ ရေးပါတယ်။
အိန္ဒိယ ကွန်မြူနစ်ပါတီတွေနဲ့ ဆက်နွယ်နေတဲ့ ကျောင်းသား အဖွဲ့အစည်းတွေက လူတွေ တော်တော်များများ ပါဝင်နေတဲ့ လူငယ် ဆန္ဒပြသူတွေက ဆန္ဒပြသူတွေကို ရဲတပ်ဖွဲ့က ဖမ်းဆီးပြီး မော်တော်ယာဉ်တွေနဲ့ အဝေးကို ခေါ်ဆောင်သွားခဲ့ပြီးနောက် အောက်တိုဘာ ၁၁ ရက် နေ့လယ်ပိုင်းက ပြတ်တောင်းပြတ်တောင်း ဆန္ဒပြခဲ့ကြတာ ဖြစ်ပါတယ်။
အိန္ဒိယ အလုံးစုံ ကျောင်းသား အဖွဲ့အစည်းက ဖမ်းဆီးခံရသူတွေဟာ ယာဉ်တွေပေါ်မှာ ရဲတပ်ဖွဲ့ရဲ့ အကြမ်းဖက်တာ ခံခဲ့ရတယ်လို့ လူမှုမီဒီယာပေါ်မှာ စွပ်စွဲဖော်ပြထား ပါတယ်။
ဖမ်းဆီးထားသူတွေကို ရဲတပ်ဖွဲ့က အကြမ်းဖက်တယ်ဆိုတဲ့ ပြောဆိုမှုတွေကို အတည်ပြုဖို့ မဖြစ်နိုင်ဘူးလို့ ရိုက်တာ သတင်းဌာနက ဖော်ပြပါတယ်။
အခုလို လူငယ်ထု လှုပ်ရှားမှုဟာ အာဏာ တည်မြဲနေတာ ၁၂ နှစ်ကြာပြီ ဖြစ်တဲ့ ဝန်ကြီးချုပ် နရန်ဒရာ မိုဒီအတွက် အကြီးမားဆုံး နိုင်ငံရေး စိန်ခေါ်မှုတွေထဲက တစ်ခု ဖြစ်ပါတယ်။
စာမေးပွဲ မေးခွန်းလွှာ ပေါက်ကြားမှုနဲ့ ပတ်သက်လို့ စောစောပိုင်းလတွေကလည်း အလားတူ ဆန္ဒပြပွဲတွေဖြစ်ပွားခဲ့ပြီး မိုဒီရဲ့ ပညာရေးဝန်ကြီး ရာထူးက နုတ်ထွက်ပေးခဲ့ရပါတယ်။
Ref:Reuters