ရေး၊ ဖေဖော်ဝါရီ ၄
မွန်ပြည်နယ် ရေးမြို့နယ် ကျောင်းရွာအခြေစိုက် စစ်ကော်မရှင်ရဲ့ အမှတ် ၅၉၁ ခြေမြန်တပ်ရင်းကို သွားရောက်တိုက်ခိုက်ခဲ့တယ်လို့ ပြည်သူ့ကာကွယ်ရေးတပ်မတော် လက်အောက်ခံ ရေးပြောက် ကျား တပ်ထံကနေ သိရပါတယ်။
ဇန်နဝါရီ ၃ ရက်နေ့ မနက် ၅ နာရီအချိန်လောက်မှာ ခမရ ၅၉၁ တပ်ကို တော်လှန်ရေးမဟာမိတ်ပူး ပေါင်းတပ်ဖွဲ့တွေက လက်နက်ကြီးလက်နက်ငယ်တွေနဲ့ သွားရောက် ပစ်ခတ်တိုက်ခိုက်ခဲ့တာပါ။
အဲဒီတိုက်ခိုက်မှုကြောင့် နှစ်ဖက် အပြန်အလှန် ပစ်ခတ်မှု အချိန် နာရီဝက်နီးပါးအကြာ ဖြစ်ပွားခဲ့ပြီး တော်လှန်ရေးတပ်ဖွဲ့တွေဘက်က အထိအခိုက်မရှိ ဆုတ်ခွာနိုင်ခဲ့တယ်လို့ ရေးပြောက်ကျားတပ် YGF တာဝန်ရှိသူ တစ်ဦးက သံလွင်တိုင်းမ်ကို ပြောပါတယ်။
အဲဒီပစ်ခတ်မှုအတွင်း စစ်ကော်မရှင်ဘက်က လေးဦးး ထက်မနည်း ထိခိုက်သေဆုံးနိုင်ပြီး အသေး စိတ်ကိုတော့ စုံစမ်းနေဆဲလို့ ဆိုပါတယ်။
ဒီတိုက်ခိုက်မှုကို ကရင်အမျိုးသားလွတ်မြောက်ရေးတပ်မတော် KNLAတပ်ရင်း ၂၇ ၊ ရာမညမွန်တပ်တော် RMA နဲ့ ရေးပြောက်ကျားတပ်တို့က ပူပေါင်းပါဝင်ခဲ့ပါတယ်။
နှစ်ဖက်အပြန်အလှန် ပစ်ခတ်မှုပြီးနောက် စစ်ကော်မရှင်တပ်က ပိတ်ဆို့ရှာဖွေ စစ်ဆေးတာနဲ့ ကျေး ရွာချင်းဆက်လမ်းပိုင်းတချို့ကို ယာယီပိတ်ပင်ခဲ့တယ်လို့ ဒေသခံတွေထံကနေ သိရပါတယ်။
သတင်း – သံလွင်တိုင်းမ်
ဓာတ်ပုံ-YGF