ဘန်ကောက်၊ နိုဝင်ဘာ ၁၁
ထိုင်းနဲ့ အမေရိကန်ကြား အခွန်ဆိုင်ရာ ညှိနှိုင်းမှု ရလဒ်တွေကို ကျေနပ်လိမ့်မယ်လို့ နှစ်နိုင်ငံစလုံးရဲ့ ယုံကြည်မှုနဲ့အတူ ညှိနှိုင်းမှုတွေ မူအားဖြင့် ပြီးဆုံးပြီ ဖြစ်တယ်လို့ နိုင်ငံခြားရေးဝန်ကြီး ဆီဟာဆက် ဖူအန် ကက်ကွေးက ပြောလိုက်ပါတယ်။
ထိုင်းက တရုတ်နဲ့ စီးပွားရေးနဲ့ နည်းပညာ ပူးပေါင်း ဆောင်ရွက်မှု အားကောင်းအောင် ကြိုတင် ဆောင်ရွက်နေချိန်မှာ ဒီ သဘောတူညီမှုကို လွှတ်တော်က စဉ်းစားဆုံးဖြတ်ဖို့ လိုအပ်နေပါသေးတယ်။
အမေရိကန်နဲ့ အခွန် ညှိနှိုင်းမှု အခြေအနေနဲ့ နိုဝင်ဘာ ၁၃ ရက်မှာ ထိုင်းသို့ လာရောက်မယ့် တရုတ် ဝန်ကြီးချုပ် လီကီကျန်းရဲ့ ခရီးစဉ်နဲ့ ပတ်သက်လို့ အစိုးရအိမ်တော်မှာ ဆီဟာဆက်က သတင်းထောက်တွေကို ရှင်းလင်းခဲ့တာ ဖြစ်ပါတယ်။
အခွန် ညှိနှိုင်းမှုတွေ ပြီးသွားပြီလားလို့ မေးမြန်းချိန်မှာ ဒုတိယဝန်ကြီးချုပ်လည်း ဖြစ်တဲ့ ဆီဟာဆက်က အဓိက မူတွေအရ သဘောတူညီချက် တစ်ရပ် ရရှိပြီ ဖြစ်ကြောင်း အတည်ပြုပါတယ်။
ဒါပေမဲ့ အသေးစိတ် အချက်အလက်တွေ အများကြီးကို ဖြေရှင်းဖို့ လိုအပ်နေတုန်းပဲလို့ ဆိုပါတယ်။
သဘောတူညီမှုမှာ အသေးစိတ် အချက်အလက်တွေ အများကြီး ပါဝင်ပြီး လွှတ်တော်သို့ တင်ပြဖို့ လိုလိမ့်မယ်လို့ သူက ပြောပါတယ်။
ကုန်သွယ်ရေး ဆွေးနွေးမှုတွေကို ဒုတိယဝန်ကြီးချုပ်နဲ့ စီးပွားရေးဝန်ကြီး ဆူဖာဂျီတို့က ကိုင်တွယ်ခဲ့တာ ဖြစ်ပြီး ညှိနှိုင်းမှု ပြီးဆုံးပြီ ဖြစ်ကြောင်း တရားဝင် ထုတ်ပြန်နိုင်ခြေရှိတယ်လို့ ဆီဟာဆက်က ဆိုထားပါတယ်။
အဲဒီ ကိစ္စကို လာမယ့် အာဆီယံ အစည်းအဝေးနဲ့ အေပက် အဖွဲ့ အစည်းအဝေးတို့မှာလည်း ဆွေးနွေးနိုင်တယ်လို့ သူက ဖြည့်စွက် ပြောဆိုပါတယ်။
တရုတ် ဝန်ကြီးချုပ် လီကီကျန်းရဲ့ နိုဝင်ဘာ ၁၃ ခရီးစဉ်က နှစ်နိုင်ငံ နိုင်ငံရေးနဲ့ စီးပွားရေး ဆက်ဆံမှုတွေ ပိုမို နက်ရှိုင်းလာစေဖို့ မျှော်လင့်ကြောင်း ဆီဟာဆက်က ဆိုပါတယ်။
တရုတ်ဟာ ထိုင်းရဲ့ အဓိက ကုန်သွယ်ဖက်နိုင်ငံ ဖြစ်ပြီး အဓိက ပို့ကုန် ဈေးကွက်လည်း ဖြစ်ပါတယ်။
Ref:Khaosodenglish