ဆောက်သန်းမြန်မာ အသင်းနှင့် ကစားသမားအသစ်များ စာချုပ်သစ်ချုပ်ဆို

မော်လမြိုင်၊ နိုဝင်ဘာ ၉

မွန်ပြည်နယ်နှင့် တနင်္သာရီတိုင်းဒေသကြီး အခြေစိုက် ဆောက်သန်းမြန်မာအသင်းအနေဖြင့် မော်လမြိုင်မြို့တွင် စိစစ်ရွေးချယ်ခဲ့သည့် ကစားသမားများထဲမှ ကစားသမား(၉) ဦးကို စာချုပ်ချုပ်ဆိုလိုက်ပြီဖြစ်ကြောင်း သတင်းရရှိသည်။

အဆိုပါကစားသမား(၉) ဦးကို (၂) နှစ်စာချုပ်သက်တမ်းဖြင့်ချုပ်ဆိုထားပြီး ဇေယျာရွှေမြေအသင်းမှ ကစားသမား(၆) ဦး၊ ရတနာပုံမှ ကစားသမားတစ်ဦး၊ ဖုန်ကန်မှ ကစားသမားတစ်ဦးနှင့် တက္ကသိုလ်မှ တစ်ယောက် စုစုပေါင်း(၉) ဦးကို စာချုပ်ဆိုခဲ့ပြီးဖြစ်ကြောင်းသိရသည်။

“အခုလက်ရှိတော့ (၂၃) ယောက်ရှိပါပြီ။ နောက်ထပ်(၃)ယောက်ကို အမြန်ဆုံးခန့်ပါမယ်။ စုစုပေါင်း အယောက်(၃၀) ကိုထပ်ပြီးလျာထားတယ်။ အသင်းအတွက် ကိုယ်စားပြုသုံးနိုင်မယ့်သူတွေကိုရှာနေတယ်။ အခုသူတို့ကို မြန်မာနည်းပြ (၁၀) ယောက်နဲ့ အသင်း(၃) သင်းကိုလေ့ကျင့်ပေးနေပါတယ်” ဟု အဆိုပါအသင်း၏ အသင်းမန်နေဂျာ ဦးမြင့်ကြူက သံလွင်တိုင်းမ်သို့ပြောကြားသည်။

သတင်း-TU Arkar Min