ရေး၊ ဇွန် ၁၉
မွန်ပြည်နယ် ရေးမြို့နယ် အာယုတောင်ကျေးရွာ အခြေစိုက် အမှတ် ၅၈၇ ခြေမြန်တပ်ရင်းက လက်နက်တိုက်ပုံ လိုင်းပေါ်တင်တဲ့ တပ်ကြပ်ကြီးပါ သုံးဦးကို ထောင်ဒဏ် ၇ နှစ် ချမှတ်လိုက်တယ်လို့ တပ်တွင်းသတင်းရင်းမြစ်တွေက သံလွင်တိုင်းမ်ကို ပြောပါတယ်။
ထောင်ဒဏ်ပြစ်ဒဏ်ချမှတ်ခံရသူတွေဟာ ခမရ ၅၈၇ တပ်ရင်းက လက်နက်တိုက် တာဝန်ခံ တပ်ကြပ်ကြီး မျိုးအောင်နဲ့တပ်သား ၂ ဦးတို့ဖြစ်ပြီး ပြီးခဲ့တဲ့ ဇွန် ၁၅ ရက်နေ့မှာ အရှေ့တောင်တိုင်းစစ်ဌာနချုပ် စစ်ခုံရုံးကနေ ထောင်ဒဏ် ၇ နှစ် ပြစ်ဒဏ်ချမှတ်လိုက်တာပါ။
လက်နက်တိုက် တာဝန်ခံ တပ်ကြပ်ကြီး မျိုးအောင်ဟာ ပြီးခဲ့တဲ့ ဇွန် ၉ ရက်နေ့က ခမရ ၅၈၇ တပ်ရဲ့ လက်နက်တိုက်ပုံကို ဓာတ်ပုံရိုက်ကူးပြီး သူရဲ့ လူမှုကွန်ရက်စာမျက်နှာမှာ ပြန်လည်ဖြန့်ဝေခဲ့တာပါ။
လက်နက်တိုက်ပုံ လိုင်းပေါ်တင်မှုကို အရှေ့တောင်တိုင်းစစ်ဌာနချုပ် တိုင်းမှူးအမိန့်နဲ့ စုံစမ်းစစ်ဆေးပြီးနောက် ပြီးခဲ့တဲ့ ဇွန် ၁၀ ရက်နေ့မှာ လက်နက်တိုက် တာဝန်ခံ တပ်ကြပ်ကြီး မျိုးအောင်နဲ့ တာဝန်ကျ ရဲဘော် နှစ်ဦးကို ဖမ်းဆီးခဲ့ပါတယ်။
အဲဒီနောက် တပ်ကြပ်ကြီး မျိုးအောင်နဲ့ တာဝန်ကျ ရဲဘော် နှစ်ဦးကို တပ်တွင်း စစ်လက်နက်ပစ္စည်း ပေါက်ကြားမှု တပ်မတော်အက်ဥပဒေ ပုဒ်မ ၃၅(စ)အရ ထောင်ဒဏ် ၇ နှစ် ပြစ်ဒဏ်ချမှတ်လိုက်တာ ဖြစ်ပါတယ်။
သတင်း – သံလွင်တိုင်းမ်
ဓာတ်ပုံ-CJ