ကော့သောင်း၊ ဧပြီ ၂၇
တနင်္သာရီတိုင်း ခမောက်ကြီးမြို့အခြေစိုက် အမှတ် ၂၀ စစ်ဆင်ရေးကွပ်ကဲမှုဌာနချုပ်ထံ သွား ရောက်ပို့ဆောင်မယ့် ငွေကျပ်သိန်းငါးရာကျော်ကို သိမ်းဆည်းလိုက်တယ်လို့ ကော့သောင်းမြို့နယ် ပကဖ ပြန်ကြာရေးတာဝန်ခံက သံလွင်တိုင်းမ်ကို ပြောပါတယ်။
ဧပြီ ၂၆ ရက်နေ့ မနက်ပိုင်း ၉ နာရီအချိန်ခန့်မှာ ကော့သောင်း ပကဖ ပူးပေါင်းတပ်ဖွဲ့တွေက ဆိပ်ဖူးရွာနဲ့ အောင်ချမ်းသာရွာကြားမှာ နယ်မြေလုံခြုံရေးအတွက် ရှောင်တခင်စစ်ဆေးရေးမှုတွေ လုပ် ဆောင်ခဲ့တာပါ။
အဲလိုစစ်ဆေးနေစဉ် အေးချမ်းသာကျေးရွာဘက်ကနေ မောင်းလာတဲ့ နာရေးကူညီမှုအသင်းကားကို မသင်္ကာလို့ စစ်ဆေးကြည့်ရာမှာ စစ်ကောင်စီထံ သွားရောက်ပို့ဆောင်မယ့် ငွေကျပ်သိန်းငါးရာနဲ့ မြ စိမ်းရောင်ချေးငွေစီမံကိန်းက ကိုယ်စားလှယ်ငါးဦး တွေ့ရှိခဲ့တာပါ။
အဲဒီနောက် မြစိမ်းရောင်စီမံကိန်းက ကိုယ်စားလှယ်တွေအား စစ်ဆေးမေးမြန်းရာမှာ ငွေကျပ်သိန်းငါးရာဟာ ဒေသခံတွေကို ချေးပေးတာမဟုတ်ဘဲ စစ်ကောင်စီတပ်ထံ သွားရောက်ပို့ဆောင်မယ့် ငွေဖြစ်ကြောင်း ထွက်ဆိုတဲ့အတွက် သိမ်းဆည်းလိုက်တာလို့ ဆိုပါတယ်။
စစ်ကောင်စီတပ်ထံ သွားရောက်ပို့ဆောင်မယ့် ငွေကျပ်သိန်းငါးရာကို သိမ်းဆည်းပြီးနောက် မြ စိမ်းရောင်ချေးငွေစီမံကိန်းက ကိုယ်စားလှယ်တွေ ကောင်းမွန်စွာ ပြန်လွှတ်ပေးလိုက်တယ်လို့ ဆိုပါတယ်။
သိမ်းဆည်းလိုက်တဲ့ ငွေကျပ်သိန်းငါးရာကိုတော့ အမျိုးသားညီညွတ်ရေးအစိုးရ NUG သက်ဆိုင်ရာဝန်ကြီးဌာနထံတင်ပြပြီး ညွှန်ကြားချက်အတိုင်း လုပ်ဆောင်သွားမယ်လို့ ကော့သောင်းမြို့နယ် ပကဖထံမှ သိရပါတယ်။
သတင်း – သံလွင်တိုင်းမ်
ဓာတ်ပုံ-ကော့သောင်းပကဖ