မြို့နယ်ပြင်ပတွင် ခွင့်ပြုချက်မရှိနေထိုင်လျက်ရှိသော နိုင်ငံခြားသားများကို စစ်ဆေးအရေးယူမည်
Thanlwintimes ရေး ၊ စက်တင်ဘာ ရေးမြို့ပေါ်မှအပ မြို့နယ်ပြင်ပကျေးရွာများတွင် ခွင့်ပြုချက်ရယူခြင်းမရှိဘဲ နေထိုင်လျက်ရှိသော နိုင်ငံခြားသားများအား စစ်ဆေးအရေးယူဆောင်ရွက်သွားမှာဖြစ်ကြောင်း ရေးမြို့နယ်လူဝင်မှုကြီးကြပ်ရေးနှင့်အမျိုးသားမှတ်ပုံတင်ရေးဦးစီးဌာန၊ မြို့နယ်ဦးစီးမှူး ဦးမျိုးခိုင်က ပြောကြားသည်။ စက်တင်ဘာလ ၁၂ ရက်နေ့မွန်းလွဲပိုင်းက ရေးမြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူးရုံးခန်းအတွင်း နိုင်ငံခြားသားများလုပ်ကိုင်လျက်ရှိသော ကုမ္ပဏီများအားတွေ့ဆုံစဉ် ၎င်းက ပြောကြားလိုက်ခြင်းဖြစ်သည်။ ဦးမျိုးခိုင်က ” နိုင်ငံတော်သမ္မတရုံးရဲ့ညွှန်ကြားချက်အရ ရေးမြို့ပေါ်ကို နိုင်ငံခြားသားများကိုခွင့်ပြုထားတယ်၊ မြို့ပြင်ကိုသွားမယ်ဆိုရင်တော့ သက်ဆိုင်ရာအဖွဲ့အစည်းတွေရဲ့ခွင့်ပြချက်လိုအပ်မှာပါ၊ ခွင့်ပြုချက်မရှိဘူးလို့…