ကုလသမဂ္ဂ၊ သြဂုတ် ၂
လုပ်ဆောင်ချက်တွေ ထိရောက်မှု ရှိစေရေးနဲ့ ကုန်ကျစရိတ် လျှော့ချရေး တွေအပြင် မိမိတို့ရဲ့ အစီရင်ခံစာတွေကို အများသူငါ ဖတ်ရှုမှု မရှိကြောင်း ကုလသမဂ္ဂ အစီရင်ခံစာ တစ်ရပ်မှာ ဖော်ပြထားပါတယ်။
အထွေထွေညီလာခံ ဒါမှမဟုတ် လုံခြုံရေးကောင်စီလို အဖွဲ့အစည်းတွေက ပေးအပ်ထားတဲ့ လုပ်ပိုင်ခွင့် ထောင်ပေါင်းများစွာကို ကုလဝန်ထမ်းတွေက ဘယ်လို အကောင်အထည် ဖော်မလဲဆိုတာ အဓိကထားတဲ့ UN80 ပြုပြင်ပြောင်းလဲရေးအဖွဲ့က ထုတ်ပြန်ထားတဲ့ အစီရင်ခံစာနဲ့ ပတ်သက်လို့ ကုလ အတွင်းရေးမှူးချုပ် အန်တိုနီယို ဂူတာရက်ဇ်က သြဂုတ် ၁ ရက်မှာ နိုင်ငံအများကို ရှင်းပြခဲ့ပါတယ်။
ပြီးခဲ့တဲ့နှစ်က အဖွဲ့အစည်းပေါင်း ၂၄၀ ပါဝင်တဲ့ အစည်းအဝေးပေါင်း ၂၇၀၀၀ နဲ့ ကုလသမဂ္ဂက ထောက်ခံ အားပေးနေတဲ့ စနစ်က အစီရင်ခံစာပေါင်း ၁၁၀၀ ထုတ်ပြန်ခဲ့ပြီး ၁၉၉၀ ပြည့်နှစ်နောက်ပိုင်း ၂၀ ရာခိုင်နှုန်း ပိုများလာတယ်လို့ အတွင်းရေးမှူးချုပ် ဂူတာရက်ဇ်က ပြောပါတယ်။
ဒီလို အစီရင်ခံချက် အများစုကို အများက ဖတ်ရှုမှု မရှိဘူးလို့လည်း သူက ဆိုတာပါ။
ကုလသမဂ္ဂ အဖွဲ့ဝင် ၁၉၃ နိုင်ငံဟာ သူတို့ လုပ်ဆောင်ရမယ့် တာဝန်တွေကို အချိန်မီ ဒါမှမဟုတ် အပြည့်အဝ ဆောင်ရွက်မှု မရှိဘူးလို့ ၇ နှစ်လောက် ရန်ပုံငွေ အခက်အခဲနဲ့ ကြုံတွေ့ရပြီးနောက်မှာ ကုလသမဂ္ဂ ပြုပြင်ပြောင်းလဲရေး မတ်လကစပြီး ဆောင်ရွက်နေတာ ဖြစ်ပါတယ်။
အစည်းအဝေးတွေ လျှော့ချဖို့ အစီရင်ခံချက် ထုတ်ပြန်တာတွေ လျှော့ချဖို့နဲ့ လုပ်ပိုင်ခွင့်တွေ အားလုံးရဲ့ လိုအပ်ချက်တွေကို အပြည့်အဝ ဆောင်ရွက်နိုင်အောင် လုပ်ဆောင်ဖို့လည်း အရေးကြီးကြောင်း အစီရင်ခံစာမှာ ဖော်ပြပါတယ်။
အိမ်ဖြူတော်သို့ ဒေါ်နယ်ထရန့် ထပ်မံပြီး ရောက်ရှိလာပြီးနောက်မှာ အမေရိကန်က ကုလ ရန်ပုံငွေတွေကို လျှော့ချထားပြီး ကုလသမဂ္ဂဟာ လက်တွေ့ အကောင်အထည် ဖော်ဆောင်နိုင်မှုနဲ့ ပတ်သက်လို့ ပြင်းထန်တဲ့ ဝေဖန်မှုတွေနဲ့ ရင်ဆိုင်ခဲ့ရတာကြောင့် ပြုပြင်ပြောင်းလဲရေး တိုက်တွန်း ပြောဆိုမှုတွေ ပိုများလာခဲ့တာ ဖြစ်ပါတယ်။
Ref:Reuters