အမှန်/အမှား
+++++++++++
မင်္ဂလာပါရှင်။ သံလွင်တိုင်းမ် သတင်းဌာနရဲ့ အမှန်/အမှားအစီအစဉ်ကနေ ကြိုဆိုလိုက်ပါတယ်။
ဒီအစီအစဉ်ဟာ စစ်တပ်အာဏာသိမ်းပြီးနောက်ပိုင်း နွေဦးတော်လှန်ရေးနဲ့ ပတ်သက်ပြီး လူမှုကွန်ယက်ပေါ်မှာ ပျံ့နှံ့နေတဲ့ သတင်းတု/သတင်းမှားတွေကို စိစစ်ပေးသွားမှာပါ။
ဒီကနေ့မှာတော့ “စစ်ကိုင်းတိုင်းက ငလျင်ဖြစ်ပွားရာ နေရာတွေအား ကယ်ဆယ်ရေးလာရောက်တဲ့ ယာဉ်တန်းတွေကို PDF တွေက မိုင်းဆွဲတိုက်ခိုက်တယ်” ဆိုပြီး စစ်ကောင်စီဘက်က သတင်းအမှား ဖြန့်ချီနေတဲ့ အကြောင်းကို စိစစ်ပေးသွားမှာ ဖြစ်ပါတယ်။
ဒီအကြောင်းကို စစ်ကောင်စီတပ်လော်ဘီတွေဖြစ်တဲ့ saw ba maung၊ မှိုင်းဝေ၊ကိုသက်၊ နေပြည်တော်ချန်နယ်နဲ့ ဟန်ငြိမ်းဦးစတဲ့ အကောင့်တွေမှာ သတင်းအမှားတွေကို မတ်လ ၃၀ ရက်နေ့က ဓာတ်ပုံတွေနဲ့တကွ စတင်ဖြန့်ဝေနေတာပါ။
ဖြစ်စဉ်မှာတော့ စစ်ကိုင်းမြို့ကို ကယ်ဆယ်ရေးသွားတဲ့ယာဉ်တန်း မိုင်းဆွဲတိုက်ခံရတဲ့ အကြောင်း အရာ ဖေ့ဘုတ်စ်လူမှုကွန်ယက်စာမျက်နှာတွေမှာ ပျံ့နှံ့မှုနဲ့ပက်သက်ပြီး မတ်လ ၂၈ ရက်၊၂၉ ရက်၊ ၃၀ ရက်နေ့တွေမှာ ကယ်ဆယ်ရေးယာဉ်တန်းတွေ မြင်းမူမြို့နယ်အတွင်း ဖြတ်သန်းသွားလာတာ မရှိခဲ့သလို မြင်းမူမြို့နယ် ပြည်ထောင်စုလမ်းမကြီးတလျှောက် မိုင်းဆွဲတိုက်ခိုက်ခဲ့တဲ့ ဖြစ်စဉ်တွေ မရှိခဲ့ဘူးလို့ မြင်းမူမြို့နယ်သတင်းမှန်ပြန်ကြားရေးဘက်က သတင်းထုတ်ပြန်ထားပါတယ်။
ဒါ့အပြင် စစ်အုပ်စုဘက်က စစ်ကိုင်းမှာကယ်ဆယ်ရေးယာဉ်တွေ တိုက်ခိုက်ခံရပါတယ်ဆိုပြီး လှုံ့ ဆော်ဖြန့်ချိနေတဲ့ ဓာတ်ပုံတွေကလည်း ၂၀၂၃ ခုနှစ် မတ်လ ၂၆ ရက်နေ့က မြေလတ်အသံမှာ ဖော် ပြထားတဲ့ မန္တလေး-ရွှေဘိုလမ်းပိုင်းမှာ ကား ၃ စီးနဲ့ ဆိုင်ကယ် ၁ စီး မိုင်းထိလို့ ရဟန်း ၁ ပါး အပါ အဝင် ၇ ဦး ဒဏ်ရာရခဲ့တဲ့ဖြစ်စဉ်ထဲက သတင်းမှတ်တမ်းဓာတ်ပုံတွေကို စစ်အုပ်စုက လိုသလို အသုံးပြုကာ အခုလက်ရှိဖြစ်နေသယောင် အချိန်ကိုက်ဖြန့်ချိနေခြင်းသာ ဖြစ်တာကို စိစစ်တွေ့ရှိရပါတယ်။
မြေလတ်အသံမှာ ဖော်ပြထားတဲ့ သတင်းလင့်
ငလျင်ဒဏ်သင့် ဒေသတွေနဲ့ ဆက်စပ်တဲ့ ခရိုင်တွေအတွင်း ခုခံကာကွယ်စစ်ကလွဲပြီး ထိုးစစ်အားလုံး ရက်သတ္တ နှစ်ပတ်ကြာ မတ် ၃၀ ရက်ကနေ ဧပြီ ၁၂ ရက်ထိ ရပ်ဆိုင်းထားဖို့နဲ့ ပြည်တွင်းပြည်ပ ကူညီကယ်ဆယ်ရေးအဖွဲ့တွေကို လိုအပ်တဲ့ အကူအညီနဲ့ ကာကွယ်စောင့်ရှောက်မှုပေးဖို့ အမျိုးသားညီညွတ်ရေးအစိုးရ NUG ကာကွယ်ရေးဝန်ကြီးဌာနက မတ်လ ၂၉ ရက်နေ့မှာ သတင်းထုတ်ပြန်ထားပါတယ်။
ငလျင်ဒဏ်ကြောင့် ပျက်စီးသွားတဲ့ တံတားတွေကို ပြည်သူတွေနဲ့အတူ PDF ရဲဘော်တွေ ပူးပေါင်းပြုပြင်နေတဲ့ ဓာတ်ပုံမှတ်တမ်းတွေကိုလည်း ဧပြီ ၁ရက်နေ့မှာ NUG နဲ့ ခရိုင်အသီးသီးရှိ ပြည်သူကာကွယ်ရေးတပ်ဖွဲ့တွေက သတင်းထုတ်ပြန်ထားပါတယ်။
PDF များလမ်း၊တံတားများ ပြုပြင်ပေးနေတဲ့ဓာတ်ပုံမှတ်တမ်းများပါတဲ့လင့်
NUGကာကွယ်ရေးဝန်ကြီးဌာနထုတ်ပြန်ချက်လင့်
စစ်တပ်နဲ့ရဲတပ်ဖွဲ့ဝင်တွေနဲ့စုဖွဲ့ထားတဲ့ စစ်ကောင်စီ ဝါဒဖြန့် မှိုင်းဝေ၊KP THET,SAW BA MAUNGစတဲ့ အကောင့်တွေဟာ လူမျိုးရေး၊ဘာသာရေးမုန်းတီးမှုကို ဖြစ်စေတဲ့ အရေးအသားတွေ၊ တော်လှန် ရေးကို ပုံဖျက်ထားတဲ့ အကြောင်းအရာတွေကိုသာ ဖြန့်ချိနေတဲ့ သတင်းအမှားဖြန့်ချိရေး တယ်လီဂရမ်ချန်နယ်တွေ ဖြစ်တာကို စိစစ်တွေ့ရှိရပါတယ်။
စစ်ကောင်စီဒေါက်တိုင် ဝါဒဖြန့်အကောင့်တွေကတဆင့် နွေဦးတော်လှန်ရေးအပေါ် ပြည်သူလူထုအထင်မှား ၊အမြင်မှားဖြစ်အောင် ဝါဒဖြန့်သတင်းမှားတွေ ဖြန့်ချီနေတာကြောင့် ပြည်သူလူထုအနေနဲ့ လွတ်လပ်သော သတင်းမီဒီယာတွေက သတင်းတွေနဲ့တိုက်ဆိုင်စစ်ဆေးပြီး သတင်းမှန်တွေကို ဖတ်ရှုပေးပါဖို့ လိုအပ်ပါတယ်။
NUG RADIOမှာ ဖော်ပြထားတဲ့လင့်
မြင်းမူမြို့သတင်းမှန်ပြန်ကြားရေးထုတ်ပြန်ချက်လင့်
ဒီအချက်တွေကြောင့် စစ်တပ်ဝါဒဖြန့် မီဒီယာတွေမှာ ဖော်ပြထားတာတွေဟာ သတင်းအမှား ဖြစ်တယ်လို့ သံလွင်တိုင်းမ်က စိစစ်ဖော်ပြပေးလိုက်ရပါတယ်။
သံလွင်တိုင်းမ်