အမှန်/အမှား
+++++++++
မင်္ဂလာပါရှင်။ သံလွင်တိုင်းမ် သတင်းဌာနရဲ့ အမှန်/အမှားအစီအစဉ်ကနေ ကြိုဆိုလိုက်ပါတယ်။
ဒီအစီအစဉ်ဟာ စစ်တပ်အာဏာသိမ်းပြီးနောက်ပိုင်း နွေဦးတော်လှန်ရေးနဲ့ ပတ်သက်ပြီး လူမှုကွန်ယက်ပေါ်မှာ ပျံ့နှံ့နေတဲ့ သတင်းတု/သတင်းမှားတွေကို စိစစ်ပေးသွားမှာပါ။
ဒီကနေ့မှာတော့ “CRPH အဖွဲ့ဝင်တွေကို ထိုင်းတော်ဝင်ရဲတပ်ဖွဲ့က ဖမ်းဆီးစစ်ဆေးမှုတွေ ပြုလုပ်နေတယ်”ဆိုပြီး စစ်တပ်လော်ဘီတွေက သတင်းအမှားဖြန့်ချီနေတဲ့ အကြောင်းကို စိစစ်ပေးသွားမှာ ဖြစ်ပါတယ်။
ဒီအကြောင်းကို ဒီဇင်ဘာ ၁၁ ရက်နေ့မှာ စစ်ကောင်စီတပ်လော်ဘီဖြစ်တဲ့ Aung min ဆိုသူရဲ့ တယ်လီဂရမ်ချန်နယ်ကနေ စတင်ဖြန့်ဝေခဲ့တာပါ။
ဖြစ်စဉ်မှာတော့ ထိုင်းနိုင်ငံ ဘန်ကောက်မြို့ရှိ ထိုင်းလွှတ်တော်မှာ ဒီဇင်ဘာ ၂ ရက်နေ့ကနေ ၃ ရက်အထိကျင်းပခဲ့တဲ့ နိုင်ငံတကာပါလီမန်များ ဒေသတွင်းညီလာခံကို ပြည်ထောင်စုလွှတ်တော်ကိုယ် စားပြုကော်မတီ CRPH အဖွဲ့ဝင်တွေ တက်ရောက်ခဲ့တယ်လို့ CRPH က ဓာတ်ပုံမှတ်တမ်းတွေနဲ့ သတင်းထုတ်ပြန်ထားပါတယ်။
ညီလာခံကို နိုင်ငံတကာပါလီမန်များအဖွဲ့၊ ထိုင်းလွှတ်တော်နဲ့ ကမ္ဘာ့ကျန်းမာရေး WHO အဖွဲ့တို့က ပူးတွဲကျင်းပခဲ့တာဖြစ်ပြီး နိုင်ငံတကာပါလီမန်များအဖွဲ့IPU က CRPH ကို တက်ရောက်ဖို့ ဖိတ်ကြားခဲ့တာ ဖြစ်တယ်လို့ သတင်းထုတ်ပြန်ထားပါတယ်။
CRPHအဖွဲ့ ထုတ်ပြန်ချက်လင့်
CRPH အဖွဲ့ဝင်တွေကို နိုင်ငံတကာအဖွဲ့အစည်းတွေက လာရောက်အားပေးကြသလို IPU အထွေ ထွေအတွင်းရေးမှူးချုပ်အနေနဲ့လည်း မြန်မာနိုင်ငံက ပဋိပက္ခတွေ အမြန်ဆုံးပြီးဆုံးပါစေကြောင်း တွေ့ဆုံတဲ့အချိန်မှာ ထည့်ပြောသွားတယ်လို့ CRPH နိုင်ငံတကာဆက်ဆံရေးကော်မတီဝင် ဦးအာ ကာမျိုးထက်က ဧရာဝတီသတင်းဌာနကို ဖြေထားပါတယ်။
ဧရာဝတီ သတင်းဌာနက ဖော်ပြထားတဲ့သတင်းလင့်
ဖြစ်စဉ်အရ CRPH အဖွဲ့ဝင် Sithu Maung တင်ထားတဲ့ပို့စ်က ဓာတ်ပုံမှတ်တမ်းတွေကို ကူးယူကာ စစ်တပ်လော်ဘီ Aung Min ဆိုသူက သတင်းအမှား ဖြန့်ချီနေတာကို စိစစ်တွေ့ရှိရပါတယ်။
CRPH အဖွဲ့ဝင် Sithu Maung တင်ထားတဲ့ပို့စ်
BBC သတင်းဌာနကဖော်ပြထားတဲ့လင့်
ဒီအချက်တွေကြောင့် စစ်တပ်ဝါဒဖြန့် မီဒီယာတွေမှာ ဖော်ပြထားတာတွေဟာ သတင်းအမှား ဖြစ်တယ်လို့ သံလွင်တိုင်းမ်က စိစစ်ဖော်ပြပေးလိုက်ရပါတယ်။
သံလွင်တိုင်းမ်