ဝင်းရော်ဒေသထဲ စစ်ကြောင်းထိုးလာတဲ့ စစ်ကောင်စီတပ်အတွက် ရွာလူကြီးတွေ ရိက္ခာပို့ပေးနေရ
Thanlwintimes မြဝတီ၊ ဒီဇင်ဘာ(၄) ကရင်အမျိုးသားအစည်းအရုံး(KNU) တပ်မဟာ(၆)နယ်မြေ ဝင်းရော်ဒေသထဲမှာ စစ်ရေးဝင်ရောက်လှုပ်ရှားနေတဲ့ စစ်ကောင်စီတပ်အတွက် ရိက္ခာတွေကို ရွာလူကြီးက ပေးပို့နေရတယ်လို့ ဝင်းရော်ဒေသနွေဦးတော်လှန်ရေး လှုပ်ရှားလူငယ်တွေထံက သိရပါတယ်။ စစ်ကောင်စီတပ်ဟာ ပြီးခဲ့တဲ့ နိုဝင်ဘာလကုန်ပိုင်းကစပြီး တပ်မဟာ(၆)နယ်မြေ ဝင်းရော်ဒေသဖြစ်တဲ့ ပုလိန်ကျေးရွာထဲကို စစ်ကြောင်းထိုးဝင်ရောက်လာခဲ့ပြီး အဲ့ဒီနောက် ခလယ်တံခွန်တိုင်ကျေးရွာဘက်ကို စစ်ကြောင်းထိုးကာ ဝင်ရောက်လှုပ်ရှားလာခဲ့တာဖြစ်ပါတယ်။ စစ်ကောင်စီတပ်ဟာ စစ်ကြောင်းထိုးဝင်ရောက်လှုပ်ရှားလာစဉ်အတွင်း ဒေသခံပြည်သူတွေကို လူသားဒိုင်းကာအဖြစ် ဖမ်းဆီးခေါ်ဆောင်မှုတွေရှိသလို ကျေးရွာတွေအတွင်း…