လန်ဒန် – ဇူလိုင်(၁၀)
ဗြိတိန်ဘဏ္ဍာရေးဝန်ကြီးဟောင်း ရီရှီဆူနက်ဟာ ဝန်ကြီးချုပ်ဘောရစ်ဂျွန်ဆင် ရာထူးက နှုတ်ထွက်ပြီး (၃) ရက်အကြာမှာပဲ ဝန်ကြီးချုပ်တာဝန်ယူသွားမှာဖြစ်တယ်လို့ ဇူလိုင်လ(၈) ရက်နေ့က ပြောဆိုခဲ့ပါတယ်။
ကွန်ဆာဗေးတစ်ပါတီမှာ အစုလိုက်အပြုံလိုက်တော်လှန်ပုန်ကန်မှုအပြီး လူထုရဲ့ ယုံကြည်မှုကို ဆိုးရွာစွာ ထိခိုက်စေခဲ့တဲ့ အရှုပ်တော်ပုံတွေဆက်တိုက်ဖြစ်ပွားခဲ့ပြီးနောက်မှာတော့ ဂျွန်ဆင်ဟာ ရာထူးက နှုတ်ထွက်ဖို့ ကြေညာခဲ့တာပါ။
ဂျွန်ဆင် ထွက်ခွာခါနီးမှာ နိုင်ငံရေးမသေချာမရေးရာမှုတွေ၊ငွေကြေးဖောင်းပွမှု မြင့်တက်လာတာ တိုးတက်မှုနှေးကွေးတာနဲ့ စက်မှုမငြိမ်မသက်မှုတွေ ဆက်တိုက်ဖြစ်ပေါ်ခဲ့ပါတယ်။
“တစ်စုံတစ်ယောက်က ဒီအချိန်ကို ဆုပ်ကိုင်ထားပြီး မှန်ကန်တဲ့ ဆုံးဖြတ်ချက်တွေ ချရပါမယ်။ အဲဒါကြောင့် ကွန်ဆာဗေးတစ်ပါတီရဲ့ ခေါင်းဆောင်နဲ့ ၀န်ကြီးချုပ်ဖြစ်ဖို့ ရပ်တည်နေပါတယ်” လို့ Sunak က Twitter မှာ ထုတ်ပြန်ခဲ့တဲ့ မဲဆွယ်ပွဲ ဗီဒီယိုမှာ ပြောခဲ့ပါတယ်။
ဆူနက်နဲ့ ကျန်းမာရေးဝန်ကြီး Sajid Javid တို့ဟာ ပြီးခဲ့တဲ့ဇူလိုင်လ(၅) ရက်နေ့က အစိုးရအဖွဲ့ ကနေနှုတ်ထွက်ခဲ့ပြီး ဂျွန်ဆင်ရဲ့ ရာထူးကထွက်ခွာဖို့ ဆုံးဖြတ်ခဲ့တဲ့ အဖြစ်အပျက်တွေရဲ့ ကွင်းဆက်တစ်ခုအဖြစ် ပါဝင်နေပါတယ်။
ဂျွန်ဆင်ရဲ့နေရာကို အစားထိုးဖို့ ပြိုင်ပွဲအတွက် စည်းမျဉ်းတွေနဲ့ အချိန်ဇယားကို ပါတီကော်မတီ ကလာမယ့် သီတင်းပတ်အတွင်းထုတ်ပြန်မှာဖြစ်တယ်လို့ သိရပါတယ်။
ဆူနက်ရဲ့ နှုတ်ထွက်စာမှာ သူ့ရဲ့စီပွားရေးချဉ်းကပ်ပုံဟာ ဂျွန်ဆင်နဲ့ ကွာခြားလွန်းတယ်လို့ သိလာခဲ့ပြီးနောက်ပိုင်း သူတို့နှစ်ဦးဟာ တိုင်းပြည်အတွက် နောက်ထပ်ခြေလှမ်းတွေကို သဘောတူဖို့ ကြိုးစားခဲ့တာဖြစ်တယ်လို့ ဖော်ပြထားပါတယ်။
“ဒီနေ့ကျွန်ုပ်တို့ ချမှတ်လိုက်တဲ့ ဆုံးဖြတ်ချက်တွေဟာ နောင်လာနောက်သား ဗြိတိန်လူမျိုးတွေ ပိုမိုကောင်းမွန်တဲ့ အနာဂတ်အတွက် အခွင့်အလမ်း ရှိမရှိ ဆုံးဖြတ်ပေးမှာပါ” လို့ ဝန်ကြီးချုပ်လောင်း ဆူနက်က ပြောခဲ့ပါတယ်။
ပြိုင်ပွဲဝင်ဖို့ လိုအပ်တဲ့ ထောက်ခံမဲအရေအတွက်ကို မကြေညာသေးပေမယ့် ပါလီမန်စီပွားရေး ကိုတာဝန်ခံတဲ့ အကြီးတန်းလွှတ်တော်အမတ် Mark Spencer က ထောက်ခံကြောင်း ကြေညာ ထားပါတယ်။
“ပြင်းထန်တဲ့ အချိန်တွေမှာ သက်သေပြနိုင်တဲ့ မှတ်တမ်းရှိတဲ့ လူတစ်ယောက်ကို လိုအပ်တယ်။ Rishi သည်ကျွန်ုပ်၏ထောက်ခံမှုအပြည့်အဝရရှိပါသည်” လို့ တွစ်တာမှာပြောခဲ့ပါတယ်။
ဘဏ္ဍာရေးဝန်ကြီးဟောင်း ရီရှီဆူနက် ဟာ ပြီးခဲ့တဲ့ ၂၀၁၆ ခုနှစ်က ဗြိတိန်ကို ဥရောပသမဂ္ဂက ထွက်ခွါဖို့ မဲပေးခဲ့သူဖြစ်ပါတယ်။
Ref: Reuters