မော်လမြိုင် ၊ ဇန်နဝါရီ (၂)
တနင်္သာရီတိုင်းမှာ ဒီဇင်ဘာတစ်လအတွင်း တက္ကသိုလ်ကျောင်းသားတွေ အပါအဝင် နိုင်ငံရေးတက်ကြွလှုပ်ရှားသူ ၃၀ နီးပါး ဖမ်းဆီးခံလိုက်ရတယ်လို့ မြိတ်တက္ကသိုလ် ကျောင်းသားသမဂ္ဂအဖွဲ့က ပြောပါတယ်။
ဖမ်းဆီးခံရသူ အများစုမှာတော့ တက္ကသိုလ်ကျောင်းသားတွေ၊ သမဂ္ဂအဖွဲ့ဝင်တွေနဲ့ တက္ကသိုလ်ကျောင်းသားဟောင်းတွေ ပါဝင်နေတာ ဖြစ်ပါတယ်။
ဖမ်းဆီးခံရတဲ့သူတွေကိုတော့ စစ်ကေင်စီက နိုင်ငံတော်အကြည်ညိုပျက်စေမှု ပုဒ်မတွေ၊ အကြမ်းဖက်တိုက်ဖျက်ရေး ဥပဒေ ပုဒ်မတွေနဲ့ တရားစွဲထားပါတယ်။
ဖမ်းဆီးခံရတဲ့သူ အများစုဟာ စစ်အုပ်စုထောက်ခံသူတွေနဲ့ သတင်းပေးဒလန်တွေကြောင့် အဖမ်းခံခဲ့ရတာ ဖြစ်တယ်လို့ မြိတ်တက္ကသိုလ် ကျောင်းသားသမဂ္ဂအဖွဲ့ အမှုဆောင် တစ်ဦးက ပြောပါတယ်။
လက်ရှိမှာတော့ ဖမ်းဆီးခံရတဲ့သူတွေကို စစ်ကောင်စီက စစ်ကြောရေးသို့ ပို့ဆောင်ထားတာ ဖြစ်ပြီး တစ်ဦးတစ်ယောက်မှ ပြန်လည် လွတ်မြောက်လာတာ မရှိဘူးလို့ ဆိုပါတယ်။
ဖမ်းဆီခံရတဲ့သူတွေကိုဟာ လက်ရှိအချိန်ထိ မိသားစုနဲ့ တွေ့ခွင့်မရသေးသလို တချို့မိသားစုဝင်တွေဆိုရင် စစ်ကောင်စီရဲ့ မတရားဖမ်းဆီးတာကို ခံနေရတာ ဖြစ်ပါတယ်။
တနင်္သာရီတိုင်းမှာတော့ စစ်အာဏာရှင် ဆန့််ကျင်တဲ့သူတွေကို စစ်ကောင်စီက ပုဒ်မအမျိုးမျိုးတပ်ပြီး အမြင့်ဆုံး ပြစ်ဒဏ်တွေ ချမှတ်အရေးယူနေတာ ဖြစ်ပါတယ်။
သတင်း – သံလွင်တိုင်းမ်