ပြည်သူ့အသံကို နားထောင်ပြီး ညှိနှိုင်းဆောင်ရွက်ပေးရန် ရေးမြို့သို့ မွန်ဝန်ကြီးချုပ်လာရောက်

ရေး ၊ ဇူလိုင်လ ၂၁

မွန်ပြည်နယ်ဝန်ကြီးချုပ် ဦးမင်းမင်းဦးအနေဖြင့် ပြည်သူ့အသံကိုနားထောင်ပြီး ညှိနှိုင်းဆောင်ရွက်ပေးရန်ရေးမြို့နယ်သို့ လာရောက်ခြင်းဖြစ်ကြောင်း ဇူလိုင်လ ၂၁ ရက်နေ့၊ နံနက်ပိုင်းက ရေးမြို့နယ်ထွေ/အုပ်ခန်းမတွင် ဌာနဆိုင်ရာများ၊ အရပ်ဖက်အဖွဲ့အစည်းများ၊ ရပ်/ကျေးအုပ်ချုပ်ရေးမှူးများ၊ ရပ်မိ/ဖများ၊ လွှတ်တော်ကိုယ်စားလှ

ယ်များ၊ ပြည်သူများနှင့် တွေ့ဆုံစဉ် ၎င်းက ပြောသည်။

“ အခုလိုလာရောက်တွေ့ဆုံတာဟာ နယ်မြေခံလူထုရဲ့သဘောထား၊ လိုအပ်ချက်ကိုသိရှိစေဖို့နဲ့၊ လိုအပ်တာ တွေကို ဥပဒေနဲ့အညီဖြည့်ဆည်းဆောင်ရွက်ပေးရန်၊ ပြည်သူ့အသံကိုနားထောင်ပြီး ညှိနှိုင်းဆောင်ရွက်ပေးရန်နဲ့ လူထုရဲ့အားကို ရယုူရန်အတွက်ဖြစ်ပါတယ် ” ဟု မွန်ပြည်နယ်ဝန်ကြီးချုပ် ဦးမင်းမင်းဦးက ပြောသည်။

ယင်းသို့တွေ့ဆုံစဉ် ပြည်သူများနှင့် ရေးမြို့နယ်အရပ်ဖက်ကိုယ်စားပြုတင်ပြသည့်အချက်များဖြစ်သော တိုင်းရင်းသားအရေး၊ ငြိမ်းချမ်းရေးဆိုင်ရာ၊ တရားဥပဒေစိုးမိုးရေးဆိုင်ရာ၊ အကျင့်ပျက်ခြစားမှုဆိုင်ရာ၊ ပညာရေး၊ ကျန်းမာရေး၊ မူးယစ်ဆေးဝါး၊ ဖွံ့ဖြိုးရေးဆိုင်ရာများနှင့် လယ်ယာမြေပြဿနာများအတွက် ညှိနှိုင်းဆောင်ရွက် ပေးခဲ့သည်။

“ အရပ်ဖက်ကိုယ်စားပြုဆွေးနွေးတိုင်ပင်ထားတဲ့ ဒေသအတွင်းအခြေအနေတွေကို ကိုယ်စားပြုတင်ပြခဲ့ပါတယ်၊ တင်ပြချက်တွေအပေါ်မှာ ဝန်ကြီးချုပ်အနေနဲ့ အလေးနက်ထားဖြေကြားပေးခဲ့သလို ဆက်လက်ပြီးတော့လဲ တင်ပြခဲ့တဲ့အချက်အလက်တွေအပေါ်မှာ ရေးဒေသဖွံ့ဖြိုးရေးအတွက် ဆက်လက်အလေးထားဆောင်ရွက်ပေးဖို့ မျှော်လင့်ပါတယ်” ရေးမြို့နယ်အရပ်ဖက်ကိုယ်စားပြုကိုယ်စားလှယ် တစ်ဦးဖြစ်သူ ဦးအောင်နိုင်ဝင်းက သံလွင်တိုင်းမ်သို့ ပြောသည်။

မွန်ပြည်နယ်ဝန်ကြီးချုပ်အနေဖြင့် အစိုးရသက်တမ်း ရက် ၁၀၀ ကျော်အတွင်း ပထမဆုံး ရေးမြို့သို့လာရောက် ခြင်းဖြစ်ကာ ဝန်ကြီးချုပ်ဖြစ်ပြီး ရေးသို့ ဦးစွာလာရောက်ရန်စီစဉ်ထားခဲ့သော်လည်း လုံခြုံရေးအခြေအနေကြောင့် ယခုမှလာရောက်ခြင်းဖြစ်ကြောင်း၊ မူးယစ်ဆေးဝါးကိစ္စအား အတတ်နိုင်ဆုံးလျော့နည်းကျဆင်းအောင်လုပ် ပေးမှာဖြစ်ကြောင်း၊ ဖြေရှင်းပေးမည်ဖြစ်ကြောင်း၊ လျှပ်စစ်မီးရရှိမှုအနေဖြင့် ADB ဘဏ်ကချေးနေပါကြောင်း၊ လုပ်ပေးသင့်လုပ်ပေးထိုက်သည်များကို လုပ်ပေးမှာ ဖြစ်ကြောင်း၊ လုပ်ဖို့အတွက်လည်း ယခုနေရာသို့ရောက် လာဖြစ်ကြောင်း၊ အချိန်ပေးပါ ဟုပြောကြားလိုပါကြောင်း ပြောကြားခဲ့သည်။

ခရီးစဉ်အတွင်း ဝန်ကြီးချုပ်နှင့်အတူ မွန်ပြည်နယ်လွှတ်တော်ဥက္ကဋ္ဌဒေါ်တင်တင်အိ၊ မွန်ပြည်နယ်အစိုးရအဖွဲ့ဝင် ဝန်ကြီးများ၊ ပြည်နယ်အဆင့် ဌာနဆိုင်ရာအကြီးအကဲများ လိုက်ပါလာပြီး ကိုရင်လေးဆရာတော်သီတင်း သုံးရာသို့လည်းကောင်း၊ ပုပ္ဖဝတီကျေးရွာရှိ မွန်ပညာရေးကျောင်းသို့လည်းကောင်း၊ မွန်-တနင်္သာရီနယ်စပ်သို့ လည်းကောင်း၊ အဘော်လေယာဉ်ကွင်းဟောင်းသို့လည်းကောင်း၊ ပစ္ဆိမာရုံဘုန်းတော်ကြီးကျောင်းသို့လည်း ကောင်း၊ ကမ်းနားလမ်း၊ ကျုံးပတ်လမ်း၊ အဝေးပြေးကားဝင်း၊ ကဗျာဝကျေးရွာသို့လည်းကောင်း သွားရောက် ကြည့်ရှုစစ်ဆေးခဲ့သည်။

သတင်းနှင့် ဓါတ်ပုံ – ရဲနိုင်ဦး