မကွေး မတ် ၃၁
အင်အားပြင်း ငလျင်လှုပ်ခတ်ပြီးနောက်ပိုင်း မကွေးတိုင်း စလင်းမြို့နယ်မှာ စစ်ကောင်စီက အင်အားဖြည့်တင်းကာ လေကြောင်း တိုက်ခိုက်မှုတွေပြုလုပ်နေတယ်လို့ ဒေသခံတွေက သံလွင်တိုင်းမ်ကို ပြောပါတယ်။
စစ်ကောင်စီတပ်ဟာ မတ် ၃၀ ရက်မှာ အင်အား ၁၀၀ ဝန်းကျင်နဲ့ အမည်မသိလက်နက်ကြီးတွေကို ဖြည့်တင်းတာတွေ ရှိသလို မတ် ၃၁ ရက်မှာ လေကြောင်းကနေ တိုက်ခိုက်မှုအထိ လုပ်ဆာင်ခဲ့တာပါ။
“မနေ့က သူတို့က မင်းဘူးဘက်ကနေ ကားတွေနဲ့ လာတာ။ လက်နက်ကြီးက တခါမှ မမြင်ဖူးဘူး။ မိုးကာ အုပ်ထားတာ အကြီးကြီးပဲ။ လမ်းက မလွတ်တဲ့ ဓာတ်ကြိုးတွေကိုလည်း တိုက်သွားတာ။” လို့ ပွင့်ဖြူ-စလင်းလမ်းပိုင်းမှ ဒေသခံတစ်ဦးက သံလွင်တိုင်းမ်ကို ပြောပါတယ်။
လက်နက်ကြီးတွေ တင်ဆောင်လာတဲ့ကား အပါအဝင် ကား ၄ စီးနဲ့ အင်အား ၁၀၀ ဝန်းကျင်ဟာ တောစိမ့်စစ်တပ်ကို အင်အားဖြည့်တင်းခဲ့တာပါ။
မတ် ၃၁ ရက်မှာတော့ စလင်းမြို့နယ် တစ်နေရာကို စစ်ကောင်စီတပ်သားတွေက ဂျက်ဖိုက်တာ ၃ စီးနဲ့ လေကြောင်းကနေ ဗုံးကြဲတိုက်ခိုက်တာတွေ ပြုလုပ်တယ်လို့ သိရပြီး အခြေအနေအသေးစိတ်ကို သံလွင်တိုင်းမ်အနေနဲ့ စုံစမ်းနေဆဲဖြစ်ပါတယ်။
မြန်မာနိုင်ငံ စစ်ကိုင်းနဲ့ မန္တလေးမှာ မတ် ၂၈ ရက်က ပြင်းအား ၇.၇ ရစ်ချက်တာစကေးရှိတဲ့ ငလျင်လှုပ်ခတ်ပြီးတဲ့ NUG က ငလျင်ဖြစ်ပွားရာဒေသတွေမှာ ထိုးစစ် နှစ်ပတ်ရပ်နားမယ်လို့ ကြေညာထားပေမယ့် စစ်ကောင်စီကတော့ နေစဉ် ဗုံးကြဲတိုက်ခိုက်နေတာလို့ သိရပါတယ်။
သံလွင်တိုင်းမ်