အမှန်/အမှား
+++++++++++
မင်္ဂလာပါရှင်။ သံလွင်တိုင်းမ်သတင်းဌာနရဲ့ အမှန်/အမှားအစီအစဉ်ကနေ ကြိုဆိုလိုက်ပါတယ်။
ဒီအစီအစဉ်ဟာ စစ်တပ်အာဏာသိမ်းပြီးနောက်ပိုင်း နွေဦးတော်လှန်ရေးနဲ့ ပတ်သက်ပြီး လူမှုကွန်ယက်ပေါ်မှာ ပျံ့နှံ့နေတဲ့ သတင်းတု/သတင်းမှားတွေကို စိစစ်ပေးသွားမှာပါ။
ဒီကနေ့မှာတော့ “ဘုတလင်မှာ စစ်ကြောင်းထိုးနေတဲ့ စစ်ကောင်စီတပ်ဖွဲ့ဝင်တွေက ဒေသခံရွာသားတွေကို ဖမ်းဆီးသတ်ဖြတ်မှု ကျူးလွန်ခဲ့တာမရှိဘူး” လို့ စစ်ကောင်စီက သတင်းမှားဖြန့်ချီနေတာကို စိစစ်ပေးသွားမှာ ဖြစ်ပါတယ်။
ဒီအကြောင်းကို စစ်ကောင်စီ ဝါဒဖြန့်ကြေးမုံသတင်းစာ၊ MOI စတဲ့ တယ်လီဂရမ်ချန်နယ်တွေမှာ နိုဝင်ဘာ ၁၂ ရက်နေ့က ဓာတ်ပုံတွေနဲ့တကွ စတင်ဖြန့်ဝေနေတာပါ။
ဖြစ်စဉ်မှာတော့ စစ်ကိုင်းတိုင်း ဘုတလင်မြို့နယ်မှာ စစ်ကြောင်းထိုးနေတဲ့ စစ်ကောင်စီတပ်က ဒေ သခံရွာသားတွေကို ဓားစာခံအဖြစ် ဖမ်ဆီးပြီး သတ်ဖြတ်မှုတွေ ကျူးလွန်နေတယ်လို့ လွတ်လပ်သောသတင်းဌာနတွေမှာ ဖော်ပြထားပါတယ်။
အဲဒီဖြစ်စဉ်တွေထဲက စစ်ကိုင်းတိုင်း ဘုတလင်မြို့နယ် သပြေပင်ရွာအနီးမှာ စစ်အုပ်စုဖမ်းဆီးခေါ်ဆောင်ပြီး သတ်ဖြတ်စွန့်ပစ်ခဲ့တဲ့ သဖန်းကျေးရွာနေ အသက် ၅၀ အရွယ် ကိုတိုးတိုးမင်းရဲ့ ရုပ်အ လောင်းတစ်လောင်း ထပ်မံတွေ့ရှိခဲ့တယ်လို့ ဒေသခံသတင်းရင်းမြစ်တွေက MFP ကို ပြောထားပါတယ်။
ဘုတလင်မြို့ရဲ့ အရှေ့ဘက်က အိမ်ခြေ ၂၆၀ ရှိတဲ့ သဖန်းကျေးရွာကို စစ်အုပ်စုက နိုဝင်ဘာ ၅ ရက်မှာ စတင်ကာစီးနင်းပြီး ဒေသခံပြည်သူတချို့ကို ဓားစာခံအဖြစ် ဖမ်းဆီးခဲ့တာပါ။
စစ်အုပ်စုဟာ သဖန်ကျေးရွာထဲ သုံးရက်ကြာ တပ်စွဲပြီး ထင်တိုင်းကျဲ ဖောက်ထွင်းလုယက်ဖျက် ဆီးကာ နိုဝင်ဘာ ၇ ရက်မှာ ရွာကို တစ်နာရီကျော်ကြာ မီးရှို့ဖျက်ဆီးပြီးနောက် ပြန်ထွက်သွားတာ ဖြစ်ပါတယ်။
အင်အား ၁၂၀ ကျော်ပါတဲ့ စစ်ကောင်စီစစ်ကြောင်းဟာ ဓားစာခံအဖြစ် ဒေသခံအမျိုးသား၂၀ နီးပါးကို ဖမ်းဆီးခေါ်ဆောင်ထားပြီး ရွာစဉ်လှည့်စစ်ကြောင်းထိုးနေတယ်လို့ မဇ္ဈိမသတင်းဌာနမှာလည်း ဖော်ပြထားပါတယ်။
MFP သတင်းဌာနက ဖော်ပြထားတဲ့လင့်
မဇ္ဈိမသတင်းဌာနက ဖော်ပြထားတဲ့လင့်
ဒီအချက်တွေကြောင့် စစ်တပ်ဝါဒဖြန့် မီဒီယာတွေမှာ ဖော်ပြထားတာတွေဟာ သတင်းအမှား ဖြစ်တယ်လို့ သံလွင်တိုင်းမ်က စိစစ်ဖော်ပြပေးလိုက်ရပါတယ်။
သံလွင်တိုင်းမ်