အမှန်/အမှား
++++++++++++
မင်္ဂလာပါရှင်။ သံလွင်တိုင်းမ် သတင်းဌာနရဲ့ အမှန်/အမှားအစီအစဉ်ကနေ ကြိုဆိုလိုက်ပါတယ်။
ဒီအစီအစဉ်ဟာ စစ်တပ်အာဏာသိမ်းပြီးနောက်ပိုင်း နွေဦးတော်လှန် ရေးနဲ့ ပတ်သက်ပြီး လူမှုကွန်ယက်ပေါ်မှာ ပျံ့နှံ့နေတဲ့ သတင်းတု/သတင်းမှားတွေကို စိစစ်ပေးသွားမှာပါ။
ဒီကနေ့မှာတော့” ရခိုင်ပြည်နယ်အတွင်းရှိ ရိုဟင်ဂျာလူမျိုးစုတွေအပေါ် ရက္ခိုင့်တပ်တော် AA က လူ့အခွင့်အရေးချိုးဖောက်မှု၊ ရာဇဝတ်မှုကျူး လွန်ခဲ့တယ်ဆိုပြီး အမျိုးသားညီညွတ်ရေးအစိုးရ NUG လူ့အခွင့်ရေးဆိုင်ရာဝန်ကြီးဌာနအမည်နဲ့ ထုတ်ပြန်စာ (အတု)ကို စစ်တပ်လော်ဘီအကောင့်တွေက ဖြန့်ချီနေတာနဲ့ ပတ်သက်ပြီး စိစစ်ပေးသွားမှာဖြစ်ပါတယ်။
ဒီအကြောင်းကို စစ်တပ်လော်ဘီတွေက လူမှုကွန်ရက်နဲ့ တယ်လီဂရမ်ချန်နယ်တွေမှာ မေ ၂၃ ရက်နေ့က ဓာတ်ပုံတွေနဲ့တကွ စတင်ဖြန့်ဝေနေတာပါ။
ဖြစ်စဉ်မှာတော့ ရခိုင်ပြည်နယ်မှာ AA က ရိုဟင်ဂျာလူမျိုးစုတွေအပေါ် လူ့အခွင့်အရေးချိုးဖောက်မှု၊ ရာဇဝတ်မှုကျူးလွန်ခဲ့တယ်ဆိုပြီး လွတ် လပ်သော သတင်းဌာနတွေမှာ ဖော်ပြထားတာမရှိသလို လူမှုကွန်ရက်ပေါ်မှာ ဖြန့်ဝေနေတဲ့ အကြောင်းအရာဟာ ထုတ်ပြန်စာ (အတု) ဖြစ် ကြောင်း NUG လူ့အခွင့်ရေးဆိုင်ရာဝန်ကြီးဌာန ပြည်ထောင်စုဝန်ကြီး ဦးအောင်မျိုးမင်းက မေ ၂၃ ရက်နေ့မှာ အသိပေးထုတ်ပြန်ထားပါတယ်။
NUG လူ့အခွင့်ရေးဆိုင်ရာဝန်ကြီးဌာန ပြည်ထောင်စုဝန်ကြီး ဦးအောင်မျိုးမင်းရဲ့ သတင်းထုတ်ပြန်ချက်လင့်
Ministry of human RIGHT ရဲ့ထုတ်ပြန်ချက်
ဒီအချက်တွေကြောင့် စစ်တပ်ဝါဒဖြန့် မီဒီယာတွေမှာ ဖော်ပြထားတာတွေဟာ သတင်းအမှား ဖြစ်တယ်လို့ သံလွင်တိုင်းမ်က စိစစ်ဖော်ပြပေးလိုက်ရပါတယ်။
သံလွင်တိုင်းမ်