အင်တာမီလန်အသင်းဟာ ဒီကနေ့မနက်ပိုင်းက ကစားခဲ့တဲ့ အီတလီစူပါဖလား ဗိုလ်လုပွဲမှာ မြို့ခံပြိုင် ဘက် အေစီမီလန်အသင်းကိုအနိုင်ယူပြီး အီတလီစူပါဖလားကို ဆွတ်ခူးရရှိခဲ့ပါတယ်။
အင်တာမီလန်အသင်းဟာ ဒီပွဲမှာ ဒီဇီကို၊ မာတီနက်ဇ်၊မီခီတာရန်အပါအဝင် ကစားသမားအစုံအလင်နဲ့ ပွဲထွက်လာခဲ့သလို အေစီမီလန်အသင်းကလည်း ဂီရော့၊ လီယို၊ဟာနန်ဒက်ဇ် အပါအဝင် အဓိကအများစုနဲ့ ယှဉ်ပြိုင်ခဲ့တာပါ။
အေစီမီလန်အသင်းဟာ ပြိုင်ဘက်အင်တာမီလန်အသင်းကို ဖိအားပေးကစားနိုင်ခဲ့ပေမယ့် ပွဲအပြီးမှာတော့ ၃ ဂိုး ဂိုး မရှိ ရလဒ်နဲ့ အရှုံးပေးလိုက်ရတာ ဖြစ်ပါတယ်။
အင်တာမီလန်အသင်းအတွက် အနိုင်ဂိုးတွေကိုတော့ ပွဲချိန် ၁၀ မိနစ်မှာ ဒီမာကို၊ ပွဲချိန် ၂၁ မိနစ်မှာ ဒီဇီကို၊ ပွဲချိန် ၇၇ မိနစ်မှာ မာတီနက်ဇ်တို့က အသီးသီး သွင်းယူပေးခဲ့ပါတယ်။
ဒီပွဲရဲ့ အကောင်ဆုံးကစားသမားဆုကိုတော့ အင်တာမီလန်တိုက်စစ်မှူး ဒီဇီကိုက ဆွတ်ခူးရရှိခဲ့တာ ဖြစ်ပါတယ်။
အင်တာမီလန်အသင်းဟာ ဒီနိုင်ပွဲကြောင့် အီတလီစူပါဖလားကို ၇ ကြိမ်မြောက် ဆွတ်ခူးနိုင်ခဲ့တာ ဖြစ်ပြီး မြို့ခံပြိုင်ဘက် အေစီမီလန်အသင်းနဲ့ အရေအတွက် တူညီသွားခဲ့ပါတယ်။