ကျောင်းသူ ၁၃ ဦးကို အဓမ္မပြုကျင်ခဲ့သည့် ကျောင်းဆရာတဦးကို အင်ဒိုနီးရှားနိုင်ငံရုံးတော်တခုမှ ထောင်ဒဏ်တသက် တကျွန်း ပြစ်ဒဏ်ချမှတ်

ဘန်ဒေါင်း၊ ဖေဖော်ဝါရီ ၁၅

အင်ဒိုနီးရှားရုံးတော်မှ ကျောင်းသူ ၁၃ ဦးကို အဓမ္မပြုကျင့်ခဲ့သည့် ကျောင်းဆရာကို ထောင်ဒဏ် တသက် တကျွန်းချမှတ်ခဲ့ပြီး နိုင်ငံ၏ ဘာသာရေးအခြေပြုစာသင်ကျောင်းများတွင် လိင်အကြမ်းဖက်မှုဖြစ်ပေါ်ခဲ့ သော တစ်နိုင်ငံလုံး၏ အာရုံစူးစိုက်မှုအခံရဆုံး ကိစ္စတရပ်ဖြစ်လာခဲ့သည်။

ကျောင်းနေအရွယ် မိန်းကလေးငယ် ၁၃ ဦးကို အဓမ္မပြုကျင့်ခဲ့ပြီး ထိခိုက်ခံရသူများအနက် ၈ ဦးတွင် သန္ဓေတည်ခဲ့ကာ ၎င်းပြစ်မှုကို ကျူးလွန်သော ဟယ်ရီ ဝီရာဝန်ကို အနောက်ဂျာဗာရှိ ဘန်ဒေါင်ခရိုင်တွင် ရှာဖွေတွေ့ရှိခဲ့သည်။  

စစ်ဆေးကြားနာမှုတွင် အဆိုပါပုဂ္ဂိုလ်သည် ကလေးငယ်များကို အဓမ္ဓပြုကျင့်ခဲ့သည်မှာ ထင်ရှားခဲ့ပြီး ထိုကလေးငယ်များသည် ၅ နှစ်ကျော်ကြာ ပညာသင်စရိတ်ဖြင့် ကျောင်းတက်နေပြီး ဆင်းရဲနွမ်းပါးသော မိသားစုများမှ ဆင်းသက်လာသူများ ဖြစ်ကြသည်။ 

ယမန်နှစ်အတွင်း အဓမ္မပြုကျင့်မှုကြောင့် ကိုယ်ဝန်ရခဲ့သည့်  ဆယ်ကျော်သက် ကျောင်းသူတစ်ဦး၏ မိဘများက ဝီရာဝန်ကို ရဲစခန်းသို့ တိုင်တန်းလိုက်သောအခါ ထိုကဲ့သို့ လိင်ပိုင်းဆိုင်ရာ စော်ကားမှု ဖြစ်စဥ် ပေါ်ထွက်လာခဲ့ခြင်း ဖြစ်သည်။  

တရားခွင်တွင် တရားခံ၏ ထုတ်ဖော်ပြောဆိုမှုများကြောင့် အင်ဒိုနိုင်ငံတစ်ဝှမ်း အမြက်ထွက်ခဲ့ရပြီး အကြီးတန်း အစိုးရအဖွဲ့ အရာရှိတစ်ဦး၏ ပြောကြားချက်အရ သမ္မတ ဂျိုကို ဝီဒိုဒိုသည် အဆိုပါ ဖြစ်စဥ် ကို အထူးအာရုံထားလျှက်ရှိသည်ဟု ပါရှိသည်။ 

အသက် ၃၆ နှစ်အရွယ် ဝီရာဝန်သည် သူ၏ ကလေးငယ်များကို ပြုစုပျိုးထောင်နိုင်ရန် သက်ညှာမှုတရပ် ကို တရားသူကြီးများထံသို့ လျှောက်ထားခဲ့သည်။ 

ထိခိုက်ခံရသူများအတွက် နစ်နာကြေးကို အစိုးရအဖွဲ့မှ ပေးဆောင်သွားမည်ဟု ရုံးတော်မှ ပြောကြားခဲ့ သည်။ 

အင်ဒိုနီးရှားနိုင်ငံတွင် “ပဆန်းတရန် – Pesantren” ဟု အမည်ရသော အစ္စလာမ်ဘာသာအခြေပြု စာသင်ကျောင်းများ ၂၅,၀၀၀ ကျော်ရှိပြီး ကျောင်းဘော်ဒါဆောင်များတွင် နေထိုင်ပြီး စာသင်နေသူ ကျောင်းသားဦးရေ ၅၀၀ မီလီယမ် နီးပါးရှိသည်။ 

ကျောင်းသူ/သားများသည် နေ့အချိန်တွင် ပုံမှန်အတန်းများကို တက်ရောက်ကြရပြီး ညနေခင်းတွင် ကုရ်အာန်လေ့လာမှုများနှင့် အစ္စလာမ့်သွန်သင်ချက်များ ဆက်လက်လေ့လာကြရကာ  သင်ကြားရေး ပုံစံများကို ထိုနည်းလမ်းအတိုင်း ရံဖန်ရံခါ ခွဲခြားထားရှိသည်။ 

ဘန်ဒေါင်ဖြစ်စဥ်သည် စာသင်ကျောင်းများတွင် ဖြစ်ပွားလေ့ရှိသော လိင်အကြမ်းဖက်မှုများကို မီးမောင်း ထိုးပြခဲ့ပြီး ယမန်နှစ်အတွင်းက အမျိုးသားကလေးသူငယ်ကာကွယ်ရေးကော်မရှင်သို့ တိုင်ကြားသော အမှုအခင်း ၁၈ ခုအနက် ၁၄ ခုသည်  ပါဆန်တရန်တွင် ဖြစ်ပွားခဲ့ခြင်းဖြစ်သည်။ 

ဘာသာပြန် – အောင်မျိုးမြတ်  

Ref: The Straits Times