မော်လမြိုင် ၊ နိုဝင်ဘာ (၄)
တနင်္သာရီတိုင်း၊ ထားဝယ်မြို့နယ်၊ မြေးခန္တီးကျေးရွာအနားမှာ နိုဝင်ဘာလ ၃ ရက်နေ့ မနက်အစောပိုင်းက စစ်ကောင်စီတပ်ဖွဲ့ဝင်တွေ မိုင်းဆွဲတိုက်ခိုက်ခံခဲ့ရတယ်လို့ ဒေသခံတွေ ပြောပါတယ်။
စစ်ကောင်စီတပ်ဖွဲ့ဝင်တွေဟာ ရေဖြူမြို့နယ် သစ်ကတိုးရွာကနေ မြေးခန္တီကျေးရွာကို ချီတက်လာစဉ် မိုင်းဆွဲ တိုက်ခိုက်ခံရလိုက်ရတာ ဖြစ်ပါတယ်။
မိုင်းဆွဲတိုက်ခိုက်ခံရတာကြောင့် မိုင်းသုံးလုံးပေါက်ကွဲပြီး စစ်ကောင်စီဘက်က ၅ ဦးသေဆုံးကာ ၂ ဦးဒဏ်ရာရရှိခဲ့တယ်လို့ ဒေသခံတွေက ပြောပါတယ်။
စစ်ကောင်စီကောင်စီတပ်ဖွဲ့တွေကို ဒေသခံ PDF အဖွဲ့တွေက မိုင်းဆွဲတိုက်ခိုက်ခဲ့တာ ဖြစ်ပြီး နှစ်ဖက်အပြန်အလှန် ပစ်ခတ်မှုအချို့ ရှိခဲ့တယ်လို့ ဆိုပါတယ်။
မိုင်းဆွဲတိုက်ခိုက်ခံခဲ့ရတဲ့ စစ်ကောင်စီတပ်ဖွဲ့ဟာ ပြီးခဲ့တဲ့ နိုဝင်ဘာလ ၂ ရက်နေ့ကတည်းက ရေဖြူမြို့နယ်၊ သစ်ကတိုးရွာမှာ လာရောက်တပ်စွဲထားတာ ဖြစ်ပြီး၊ အင်အား ၁၀၀ လောက် ရှိတယ်လို့ ဒေသခံတွေက ပြောပါတယ်။
သတင်း – သံလွင်တိုင်းမ်
