ယာဉ်စည်းကမ်း၊ လမ်းစည်းကမ်းလိုက်နာရန် လွှတ်တော်ကိုယ်စားလှယ်များ ဟောပြော

ကျိုက်ထို၊ မေ ၂၈ သတင်း – မင်းဥဒါန်း

ကျိုက်ထိုမြို့နယ်၊ ပြည်သူ့ဈေးကြီးရှေ့တွင် မေလ(၂၈)ရက်နေ့က ကျင်းပပြုလုပ်သော ယာဉ်စည်းကမ်း၊ လမ်းစည်းကမ်းအသိပညာပေးဟောပြောပွဲတွင် ကျိုက်ထိုမြို့နယ်လွှတ်တော်ကိုယ်စားလှယ်များက ပြည်သူများ အနေဖြင့် ယာဉ်စည်းကမ်း၊ လမ်းစည်းကမ်းများလိုက်နာကြရန် အသိပေးခဲ့ကြောင်း သတင်းရရှိပါသည်။

အဆိုပါ ပညာပေးဟောပြောပွဲတွင် ကျိုက်ထိုမြို့နယ်၊ ပြည်သူ့လွှတ်တော်ကိုယ်စားလှယ် ဒေါက်တာခင် ဆောင်နှင့် ပြည်နယ်လွှတ်တော်ကိုယ်စားလှယ် ဒေါက်တာအေးဇံတို့အပြင် ရဲမှူးဝင်းမြင့်မှလည်း ယာဉ်စည်း ကမ်း၊ လမ်းစည်းကမ်းဆိုင်ရာဥပဒေများနှင့် ယာဉ်အန္တရယ်များအကြောင်း ဟောပြောခဲ့ပြီး လက်ကမ်းစာစောင် များ ဝေငှခဲ့သည်။

“လူတွေကတော့အခက်သားဗျ၊ စည်းကမ်းတွေဘယ်လိုဘဲထုတ်ထုတ်၊ ဘယ်လိုဘဲအရေးယူဆောင်ရွက်နေပါစေ လိုက်နာသူကတော့တော်တော်နည်းတယ်။ အခုလည်းကြည့် လာတဲ့သူအများစုဆိုင်ကယ်သာစီးနေကြတယ် ဆိုင်ကယ်ဦးထုတ်ဆောင်းလာသူရှိလွန်ရင် တစ်ဆယ်၊ နှစ်ဆယ်အများဆုံးဘဲ။ ကိုယ့်အသက်အန္တရာယ်ကိုမနှမြောကြရော့လေသလားမသိဘူးဗျာ”ဟု ကံ့ကော်ရပ်ကွက်က ကိုကံကြီးကပြောသည်။

ယင်းနောက်ဆိုင်ကယ်ဦးထုတ်မပါရှိသူ ဆိုင်ကယ်မောင်းနှင်သူ (၁၂၀)ဦးတို့အား ခန့်မှန်းတန်ဖိုးငွေ (၅၂၈၀၀၀)တန်ဖိုးရှိ ဆိုင်ကယ်ဦးထုပ်များပေးဝေခဲ့ကြောင်းလည်းသိရသည်။