မွန်ပါတီဝန်းရံသူတွေ အင်အားပြလှည့်လည်တာကိုUSDPပါတီဝင်တွေ ထောက်ခံကြိုဆို
မော်လမြိုင်၊ အောက်တိုဘာ(၁၃) သောင်းနဲ့ချီတဲ့ မွန်ညီညွတ်ရေးပါတီရဲ့ ဝန်းရံသူတွေ လှည့်လည်အင်အားပြတာကို USDP ပါတီဝင်တွေက ထောက်ခံကြိုဆိုခဲ့ကြပါတယ်။ မွန်ညီညွတ်ရေးပါတီရဲ့ ဝန်းရံသူအင်အား တစ်သောင်းကျော်ဟာ အောက်တိုဘာလ ၁၃ ရက်နေ့မှာ ရေးမြို့ပေါ်နဲ့ ကျေးရွာတွေမှာ အင်အားပြလှည့်လည်ခဲ့ကြပြီး ဒေသခံ ပြည်ခိုင်ဖြိုးပါတီဝင်တွေက ကြိုဆိုအားပေးခဲ့ကြတာပါ။ NLD အင်အားကောင်းတဲ့ ရေးမြို့နယ်အနောက်ပိုင်းက အစင်စံပြကျေးရွာနဲ့ ဇီးဖြူသောင်ကျေးရွာမှာရှိတဲ့ ပြည်ခိုင်ဖြိုးပါတီဝင်တွေက မွန်ပါတီဝန်းရံသူတွေကို အချိုရည်တွေတိုက်ကျွေးတာတွေအပြင် အားပေးစကားတွေကို…