မင်္ဂလာပါရှင်
သံလွင်တိုင်းမ် သတင်းဌာနရဲ့ အမှန်/အမှားအစီအစဉ်ကနေ ကြိုဆိုလိုက်ပါတယ်။
ဒီအစီအစဉ်ဟာ စစ်တပ်အာဏာသိမ်းပြီးနောက်ပိုင်း နွေဦးတော်လှန်ရေးနဲ့ ပတ်သက်ပြီး လူမှုကွန်ယက်ပေါ်မှာ ပျံ့နှံ့နေတဲ့ သတင်းတု/သတင်းမှားတွေကို စိစစ်ပေးသွားမှာပါ။
ကရင်ပြည်နယ် ကော့ဘိန်းကျေးရွာနဲ့ ဓမ္မသတ်ကျေးရွာတွေကို စစ်ကောင်စီက ပြန်ထိန်းချုပ်ပြီး နောက် ဒေသခံတွေ ထိခိုက်မှုမရှိအောင် ဆောင်ရွက်နေတဲ့အတွက် တည်ငြိမ်အေးချမ်းစွာ ရှိနေ တယ်လို့ စစ်ကောင်စီထိန်းချုပ်ထားတဲ့ ဝါဒဖြန့် သတင်းစာတွေနဲ့ စစ်ကောင်စီလော်ဘီအကောင့် တွေက သတင်းမှားဖြန့်နေတာနဲ့ပတ်သက်ပြီး စိစစ်ပေးသွားမှာဖြစ်ပါတယ်။
ဒီအကြောင်းကို ကြေးမုံသတင်းစာ၊မြန်မာ့အလင်းသတင်းစာ၊MRTV၊MWD၊MOI နဲ့ မှိုင်းဝေ စတဲ့ စစ်တပ်လော်ဘီသတင်းစာတွေနဲ့ ရုပ်သံတွေမှာ ဧပြီလ ၂၆ ရက်နေ့က ဓာတ်ပုံတွေက စတင်ဖြန့် ဝေနေတာပါ။
ဖြစ်စဉ်မှန်မှာတော့ ကော့ဘိန်းနယ်မြေရဲစခန်းကို စစ်ကောင်စီတပ် ပြန်လည်ထိန်းချုပ်ပြီးနောက် ပိုင်း ဒေသခံတွေကို ဖမ်းဆီးနှိပ်စက်တာနဲ့ သတ်ဖြတ်တွေလုပ်ဆောင်နေတယ်လို့ ဒေသတွင်း သတင်းဌာနတွေနဲ့ လွတ်လပ်တဲ့ သတင်းမီဒီယာတွေမှာ ဖော်ပြထားပါတယ်။
ကရင်ပြည်နယ်အခြေစိုက် KIC သတင်းဌာနမှာတော့ ကော့ဘိန်းနယ်မြေရဲစခန်းမှာ စစ်ကောင်စီ တပ်က အခြေချတပ်စွဲနေထိုင်နေပြီး ကျေးရွာထဲမှာတွေ့တဲ့ ဒေသခံအရပ်သားတွေကို ဖမ်းဆီး နှိပ်စက်တာတွေလုပ်နေတဲ့အပြင် ဒေသခံတွေရဲ့ နေအိမ်တွေကို ဖျက်ဆီးခိုးယူမှုတွေရှိနေတယ်လို့ ဖော်ပြထားပါတယ်။
လွတ်လပ်တဲ့သတင်းဌာနဖြစ်တဲ့ DVB မှာတော့ စစ်ကောင်စီတပ်စွဲပြီးနောက်ပိုင်း ကော့ဘိန်းနဲ့ အနီးဝန်းကျင်မှာရှိတဲ့ ဒေသခံတွေဟာ စစ်ဘေးရှောင်နေရဆဲဖြစ်သလို ရွာထဲမှာ ပိတ်မိနေသူတွေ လည်းရှိကာ သူတို့တွေကို စစ်သားတွေက ဖုန်းတွေစစ်ဆေးတာနဲ့ မထင်ရင်မထင်သလို ရိုက်နှက် ဖမ်းဆီးတာတွေ လုပ်နေတယ်လို့ ဒေသခံတွေကို မေးမြန်းပြီးရေးသားထားပါတယ်။
စစ်တပ်အင်အားအလုံးအရင်းနဲ့ ပြန်လည်သိမ်းပိုက်ထားတဲ့ ကော့ဘိန်းနယ်မြေစခန်းတိုက်ပွဲမှာ စစ်ကောင်စီတပ်ရဲ့ ပစ်ခတ်မှုကြောင့် အသက် ၂၂ နှစ်အရွယ်ဒေသခံ အမျိုးသမီးတစ်ဦးသေဆုံး ခဲ့ရတယ်လို့ RFA သတင်းဌာနက ဖော်ပြထားပါတယ်။
KIC သတင်းဌာနကဖော်ပြထားတဲ့သတင်း
DVB သတင်းဌာန ဖော်ပြထားတဲ့သတင်း
RFAသတင်းဌာန ဖော်ပြထားတဲ့သတင်း
ဒီအချက်တွေကြောင့် စစ်တပ်ဝါဒဖြန့် မီဒီယာတွေမှာ ဖော်ပြထားတာတွေဟာ သတင်းအမှား ဖြစ်တယ်လို့ သံလွင်တိုင်းမ်က စိစစ်ဖော်ပြပေးလိုက်ရပါတယ်။
သံလွင်တိုင်းမ်