မင်္ဂလာပါရှင်
သံလွင်တိုင်းမ် သတင်းဌာနရဲ့ အမှန်း/အမှန် အစီအစဉ်ကနေ ကြိုဆိုလိုက်ပါတယ်။
ဒီအစီအစဉ်ဟာ စစ်တပ်အာဏာသိမ်းပြီးနောက်ပိုင်း နွေဦးတော်လှန်ရေးနဲ့ ပတ်သက်ပြီး လူမှုကွန်ယက်ပေါ်မှာ ပျံ့နှံ့နေတဲ့ သတင်းတု/သတင်းမှားတွေကို စီစစ်ပေးသွားမှာပါ။
နောင်ချို သံဘိုရွာ တိုက်ပွဲမှာ စစ်ကောင်စီတပ်ရဲ့ စစ်ကြောင်းမှူး ဒုဗိုလ်မှူးကြီး သက်အောင်ကို PDF တွေဖမ်းမိတာမရှိသေးဘူးလို့ စစ်တပ်လော်ဘီတွေ ဖြန့်ဝေနေတဲ့ ဓာတ်ပုံကို ဒီနေ့မှာ စိစစ် ပေးသွားမှာဖြစ်ပါတယ်။
ဒီအကြောင်းကို စစ်တပ်ဝါဒဖြန့်မီဒီယာတွဖြစ်တဲ့ DGF21news နဲ့ ဟန်ငြိမ်းဦး တယ်လီဂရမ် ချန်နယ်တွေကနေ ဇန်နဝါရီလ ၅ ရက်နေ့မှာ စတင်ဖြန့်ဝေခဲ့ကြတာပါ။
သံလွင်တိုင်းမ်က စစ်ဆေးကြည့်ရာမှာတော့ စစ်ကောင်စီထောက်ခံသူတွေ ရဲ့ အကောင့်တုတွေက လိမ်လည်ဖြန့်ချီနေတဲ့ သတင်းအမှားဖြစ်တယ်လို့ စိစစ်တွေ့ရှိရပါတယ်။
ဖြစ်စဉ်အမှန်မှာ ရှမ်းပြည်နယ်မြောက်ပိုင်း၊ နောင်ချိုမြို့နယ် သံဘိုရွာအခြေစိုက် စစ်ကောင်စီ တပ်စခန်းကို TNLA နဲ့ မန္တလေး PDF ပူးပေါင်းအဖွဲ့က ဇန်နဝါရီလ ၃ ရက်နေ့မှာ သိမ်းပိုက်ခဲ့ပြီး စစ်ကောင်စီ စစ်ကြောင်းမှူး ဒုဗိုလ်မှူးကြီး သက်အောင်ကို အရှင်ဖမ်းဆီးရမိခဲ့တာဖြစ်တယ်လို့ မန္တလေး PDF က ဓာတ်ပုံမှတ်တမ်းတွေနဲ့ ထုတ်ပြန်ထားပါတယ်။
ရှမ်းပြည်နယ်မြောက်ပိုင်း၊နောင်ချိုမြို့နယ် မေမြို့-မိုးကုတ်လမ်းဘေးက သံဘိုရွာ စစ်စခန်းဟာ ရှမ်းမြောက်နဲ့ မန္တလေးကြားက အရေးပါတဲ့ စခန်းတစ်ခုဖြစ်ပြီး MDY-PDF နဲ့ TNLA တို့ပူးပေါင်း တိုက်ခိုက်ခဲ့တာဖြစ်တယ်လို့ မန္တလေး PDF ပြန်ကြားရေးတာဝန်ခံက ပြောထားပါတယ်။
ဖြစ်စဉ်နဲ့ ပတ်သက်ပြီး Mandalay People Defence Forceအဖွဲ့ရဲသတင်းထုတ်ပြန်ချက်
RFAတင်းဌာနက ဖော်ပြထားတဲ့ သတင်း
MFPသတင်းဌာနက ဖော်ပြထားတဲ့ သတင်း
https://fb.watch/pnTGjkyh4o/?mibextid=Nif5oz
ဒီအချက်တွေကြောင့် လူမှုကွန်ရက်ပေါ်မှာ စစ်တပ်ထောက်ခံသူတွေဖြန့်ဝေနေတဲ့ နောင်ချို သံဘိုရွာ တိုက်ပွဲမှာ စစ်ကောင်စီ စစ်ကြောင်းမှူး ဒုဗိုလ်မှူးကြီး သက်အောင်ကို PDF တွေ ဖမ်းမိထားတာမဟုတ်ဘူးဆိုတဲ့ သတင်းဓာတ်ပုံဟာ သတင်းအမှားတစ်ခုသာ ဖြစ်တယ်လို့ သံလွင်တိုင်းမ် ပရိသတ်တွေအတွက် စိစစ်ပေးလိုက်ရပါတယ်။
သံလွင်တိုင်းမ်