ခေါင်ခိုက်နေတဲ့ ကုန်ဈေးနှုန်းကြောင့် ပြည်သူတွေ စားဝတ်နေရေးပိုကျပ်လာ
Thanlwintimes မော်လမြိုင်၊ သြဂုတ်(၅) အာဏာသိမ်း စစ်ကောင်စီလက်ထက်မှာ တစ်ဆထက်တစ်ဆမြင့်တက်လာတဲ့ ကုန်ဈေးနှုန်းနဲ့အတူ ဝင်ငွေနဲ့ထွက်ငွေ မမျှတမှုပြဿနာကြောင့် မိသားစုစားဝတ်နေရေး ပိုမိုကျပ်တည်းလာတယ်လို့ အိမ်ရှင်မတွေနဲ့ ဝန်ထမ်းတွေက တညီတညွတ်တည်း ညဉ်းတွားလာပါတယ်။ မီးဖိုချောင်သုံး ကုန်ပစ္စည်းတွေဖြစ်တဲ့ ဆန်အပါအဝင် အခြေခံစားသောက်ကုန်ဈေးနှုန်းတွေဟာ စစ်တပ်အာဏာသိမ်းတဲ့ နှစ်နှစ်ခွဲကျော်ကာလအတွင်း စစ်ကောင်စီရဲ့ စီမံခန့်ခွဲမှုအလွဲတွေနဲ့အတူ တင်းကျပ်ထားတဲ့ ကန့်သတ်ချက်တွေကြောင့် ဈေးပြန်မကျဘဲ တရွေ့ရွေ့မြင့်တက်နေတာပါ။ အဲဒီထဲမှာ အာဏာသိမ်းမသိမ်းခင် တစ်အိတ်ကျပ် ၃၀,၀၀၀…