ဘန်ကောက် – ဧပြီ(၁၉)
အမေရိကန်သမ္မတဂျိုးဘိုင်ဒန်ဟာ အာဆီယံခေါင်းဆောင်တွေနဲ့အတူ အမေရိကန် – အာဆီယံ အထူးထိပ်သီးအစည်းအဝေးကို မေလ ၁၂ နဲ့ ၁၃ ရက်တွေမှာ ဝါရှင်တန်ဒီစီမှာ လူတွေ့ကျင်းပသွားမယ်လို့ အိမ်ဖြူတော်က ထုတ်ပြန်လိုက်ပါတယ်။
အထူးထိပ်သီးတွေ့ဆုံပွဲမှာ အာဆီယံအတွက် အမေရိကန်ပြည်ထောင်စုရဲ့ ကတိကဝတ် တွေသေချာစေဖို့ ဆောင်ရွက်မှာဖြစ်ပြီး (၄၅) နှစ်ကြာ အမေရိကန်- အာဆီယံဆက်ဆံရေး ကို အထိမ်းအမှတ်အနေနဲ့ ကျင်းပသွားမှာဖြစ်တယ်လို့ သိရပါတယ်။
“၂၀၂၁ ခုနှစ် အောက်တိုဘာလ လက အမေရိကန် အာဆီယံထိပ်သီးတွေ့ဆုံပွဲမှာ သမ္မတ
ဘိုင်ဒန်ရဲ့ ပူးပေါင်းပါဝင်မှုကိုအခြေခံပြီး ကိုဗစ်-19 ပြန်လည်နာလန်ထူနိုင်ရေး၊
ကျန်းမာလုံခြုံရေး၊ ရာသီဉတုဆိုင်ရာအကျပ်အတည်းတွေကို ရင်ဆိုင်ဖို့နဲ့ စီးပွားရေးဖွံ့ဖြိုး
တိုးတက်မှု မြှင့်တင်ဖို့၊ ကျားမတန်းတူ ညီမျှမှုမြှင့်တင်ဖို့နဲ့ လူ့အသိုင်းအဝိုင်းအချင်းချင်း
စည်းနှောင်မှုတွေကျယ်ပြန့်ဖို့ ကိစ္စရပ်တွေအတွက် အာဆီယံနဲ့စေ့စပ်ဆောင်ရွက်မှု
ချဲ့ထွင်းဖို့ အမေရိကန်ဒေါ်လာ ၁၀၂ မီလျံကို ရှေ့ပြေးအနေနဲ့ ကူညီထောက်ပံ့သွားမှာ”
လို့ အိမ်ဖြူတော်ရဲ့ထုတ်ပြန်ချက်မှာပါရှိပါတယ်။
အိမ်ဖြူတော် မီဒီယာအတွင်းရေးမှူး မစ္စ Psaki ရဲ့ပြောဆိုချက်အရ ဘိုင်ဒန် – ဟဲရစ်အုပ်ချုပ်ရေးရဲ့ အမြင့်ဆုံးဦးတည်ချက်ဟာ အရှေ့တောင်အာရှိမှာ သန်မာပြီး ယုံကြည်စိတ်ချရတဲ့ မိတ်ဖက်အဖြစ်ဆောင်ရွက်ဖို့ ဖြစ်တယ်လို့ သိရပါတယ်။
ဒေသအတွက် တူညီတဲ့ ဆန္ဒနဲ့ အတူပွင့်လင်းလုံခြုံတဲ့ ချိတ်ဆက်မှုတွေနဲ့ ခံနိုင်ရည် ရှိတဲ့ အင်ဒို-ပစိဖိတ်ဒေသကို မြှင့်တင်ဖို့ ကတိကဝတ်တွေကို ပိုမိုခိုင်မာစေပြီး အာဆီယံအတွက် ကန်အစိုးရရဲ့ ရည်မှန်းချက်တွေကို ဝေမျှထားတာဖြစ်တယ်လို့ သိရပါတယ်။