ပိုမိုလက်လှမ်းမီတဲ့ တွေ့ဆုံဆွေးနွေးရေးအတွက် အာဆီယံသံတမန်က မြန်မာကို ဖိအားပေးနေ

ဘန်ဒါဆီရီဘီဂါဝန်၊ စက်တင်ဘာ ၄

ဘရူးနိုင်းသံအမတ်သည် အောက်တိုဘာလကုန်ပိုင်းမတိုင်ခင်တွင် လာရောက်ရန်နှင့် ဒေါ်အောင်ဆန်းစုကြည်ကို တွေ့ဆုံဆွေးနွေးနိုင်ရန်အတွက် မျှော်လင့်နေသည်။

မြန်မာနိုင်ငံဆိုင်ရာ အာဆီယံအထူးကိုယ်စားလှယ်အဖြစ် ခန့်အပ်ခံထားရသော ဘရူနိုင်းသံအမတ်သည် မြန်မာနိင်ငံ ခရီးစဥ်နှင့်ပတ်သက်၍ တပ်မတော်နှင့်် ဆွေးနွေးညှိနှိုင်းနေပြီး အဖယ်ရှားခံလူထုခေါင်းဆောင် ဒေါ်အောင်ဆန်းစု ကြည် နှင့် လက်လှမ်းမီနိင်ရန်အတွက် နည်းလမ်းရှာနေဆဲဖြစ်သည်။

အာဆီယံသည် ဖေဖော်ဝါရီလအတွင်းက ရွေးကောက်ခံအစိုးရကို ဖြုတ်ချပြီးနောက် အာဆီယံသည် မြန်မာနိုင်ငံ အတွင်းရှိ အကြမ်းဖက်မှုကို ရပ်ဆိုင်းရန်နှင့် စစ်တပ်အုပ်ချုပ်သူများနှင့် ယင်းတို့၏ ယှဥ်ပြိုင်ဖက်များအကြား ဆွေး နွေးညှိနှိုင်းရေးကို ခင်းကျင်းသွားနိုင်ကြရန် ကြိုးစားနေပြီးဖြစ်ပါသည်။

နိုင်ငံ ၁၀ နိုင်ငံပါဝင်သော အစုအဖွဲ့သည် (အာဆီယံ) ဘရူနိုင်းနိုင်ငံ ဒုတိယနိုင်ငံခြားရေးဝန်ကြီး Erywan Yusof ကို အဆိုပါလုပ်ငန်းများကို ဆောင်ရွက်ရန်အတွက် လွန်ခဲ့သောလအတွင်းက ခန့်အပ်ထားခဲ့သည်။

“ယခုအခါမှာ မြန်မာနိုင်ငံသို့ သွားရောက်ရေးက အထူးလိုအပ်ချက်တစ်ခုပါ။ ဒါပေမယ့် အဲ့ဒီအရာအားလုံးမတိုင်ခင် မှာ ကျွန်ုပ်တွေးတောမိတာက ယုံကြည်စိတ်ချရမှုဆိုတာကို လိုအပ်ပါတယ်။ ကျွန်ုပ်အနေနဲ့ ဘာကိုလုပ်ဆောင်ချင် တာတွေ၊ ကျွန်ုပ်သွားရောက်တဲ့အခါ ဆောင်ရွက်စရာတွေကို သူတို့က ဘယ်လောက်ခွင့်ပြုမလဲဆိုတာတွေအတွက် ရှင်းလင်းတဲ့ အခြေအနေတစ်ခု ဖြစ်နိုင်ဖို့ လိုအပ်ပါတယ်” ဟု Erywan က ရိုက်တာသတင်းဌာနသို့ ပြောကြားခဲ့သည်။

Erywan သည် အာဆီယံခေါင်းဆောင်များအကြား တွေ့ဆုံရန် စီစဥ်ထားသည့် အောက်တိုဘာလ အကုန်ပိုင်း မတိုင်ခင်တွင် မြန်မာနိုင်ငံသို့ သွားရောက်လိုပြီး ရက်စွဲအတိအကျကို သတ်မှတ်ထားနိုင်ခြင်းမရှိသေးပါ။  

Erywan ပြောကြားချက်အရ အာဏာသိမ်းစစ်ခေါင်းဆောင် မင်းအောင်လှိုင် ဦးဆောင်သော နိုင်ငံတော်စီမံအုပ်ချုပ် ရေးကောင်စီထံ ဒေါ်အောင်ဆန်းစုကြည်ကို လက်လှမ်းမီနိုင်ဖို့ တောင်းဆိုချက်တွေကို ပြုလုပ်ထားပြီးဖြစ်ပါသည်။ သို့သော်လည်း ဧပြီလအတွင်းက အာဆီယံက ထုတ်ပြန်ထားသော အချက် ၅ ချက် သဘောတူညီချက်အရ အဖယ်ရှားခံခေါင်းဆောင်ထံ လက်လှမ်းတွေ့ဆုံနိုင်ရေးသည် အဓိက လိုအပ်ချက်မဟုတ်ကြောင်းဟူ၍ ၎င်းသံတမန် မှ ထည့်သွင်းပြောကြားခဲ့သည်။

ထိုသဘောတူညီချက်တွင် အကြမ်းဖက်မှုကို အဆုံးသတ်ရန်နှင့် အစုအဖွဲ့များအားလုံးကြား ငြိမ်းချမ်းရေးစကားဝိုင်း များ စတင်နိုင်ရန်သာ ပါရှိခဲ့ပါသည်။

“အဲ့ဒါကတော့ လတ်တလောအားဖြင့် မြန်မာနိုင်ငံမှာရှိတဲ့ အာဏာပိုင်တွေကို ပြောဆိုနေတဲ့ အကြောင်းအရာ တွေပါပဲ။ ကျွန်ုပ်အနေနဲ့ ပါဝင်ပတ်သက်တဲ့ အစုအဖွဲ့များအားလုံးနှင့် စကားပြောဖို့လိုအပ်ပြီး အဲ့ဒါကိုလည်း ဆွေးနွေးညှိနှိုင်းဆဲဖြစ်ပါတယ်” ဟု Erywan က ပြောကြားခဲ့သည်။  

မြန်မာစစ်ခေါင်းဆောင်ပြောရေးဆိုခွင့်ရှိသူသည်လည်း အဆိုပါ အခြေအနေအတွက် ချက်ချင်းဆိုသလို မှတ်ချက်ပေးပြောဆိုဖို့ မဖြစ်နိုင်ခဲ့ပါ။

Erywan က မြေပြင်ရှိ စစ်အစိုးရအပါအဝင် အစုအဖွဲ့များအားလုံးနှင့် သူ၏ ဆွေးနွေးတိုင်ပင်မှုများသည် “အတော်လေး တိုးတက်ကောင်းမွန်”ခဲ့သည်ဟု ပြောကြားခဲ့သည်။

သံတမန်တစ်ယောက်အဖြစ် သူ၏ အခန်းကဏ္ဍကို အထောက်အပံ့ပေးနိုင်ရန်အတွက် အကြံပေးများပါဝင်သော အဖွဲ့ငယ်တစ်ခုကိုလည်း စုဖွဲ့သွားရန် လုပ်ဆောင်နေခဲ့သည်ဟု Erywan က ပြောကြားခဲ့သည်။ အဆိုပါအဖွဲ့တွင် မြန်မာနိုင်ငံ၏ အိမ်နီးချင်းများဖြစ်သော အိန္ဒိယနိုင်ငံနှင့် ဘင်္ဂလားဒေ့ရှ်နိုင်ငံတို့လည်း ပါဝင်နိုင်ခဲ့သည်ဟု တဆက် တည်းတွင် ပြောကြားခဲ့သည်။

စစ်တပ်သည် နိုင်ငံတော်အာဏာကိုရယူပြီးသောအခါ ဒေါ်အောင်ဆန်းစုကြည်ဦးဆောင်သော အမျိုးသားဒီမိုကရေ စီအဖွဲ့ချုပ်သည် နိုဝင်ဘာလအတွင်းက ကျင်းပခဲ့သော ရွေးကောက်ပွဲတွင် ပုံသဏ္ဍာန်မမှန်မှုများ ရှိနေခဲ့သည်ဟု စွပ်စွဲပြောကြားခဲ့သည်။ ထိုအချိန်တွင် ရွေးကောက်ပွဲကော်မရှင်နှင့် နိုင်ငံတကာလေ့လာစောင့်ကြည်သူများက စစ်တပ်၏ စွပ်စွဲချက်များသည် မှားယွင်းနေခဲ့သည်ဟု ပြောကြားခဲ့သည်။

တဆက်တည်းမှာ စစ်တပ်သည် ဂျူလိုင်လအတွင်းတွင် ရွေးကောက်ပွဲကော်မရှင်အသစ်ကို ခန့်အပ်ခဲ့ပြီး အဆိုပါကော်မရှင်၏ အစီရင်ခံစာအရ တိုင်းပြည်အဝှမ်းရှိ မဲဆန္ဒနယ်တိုင်းတွင် ပုံမှန်မဟုတ်ခြင်းနှင့်အတူ မဲစာရင်းမှားယွင်းမှု ၁၁ ခန့်ကို ရှာဖွေတွေ့ရှိခဲ့သည်ဟူ၍ ပါရှိသည်။

စစ်ဘက်ဆိုင်ရာ အာဏာပိုင်များကလည်း အာဏာသိမ်းခြင်းသည် အခြေခံဥပဒေအရ ညီညွတ်သောကြောင့်  စစ်အာဏာသိမ်းမှုဟု ခေါ်ဝေါ်သုံးစွဲမှုမပြုသင့်ဟု ပြောကြားခဲ့သည်။

ဘာသာပြန် – အောင်မျိုးမြတ်

Ref – Bangkok Post