အမှန်/အမှား
++++++++++
မင်္ဂလာပါရှင်။
သံလွင်တိုင်းမ် သတင်းဌာနရဲ့ အမှန်/အမှားအစီအစဉ်ကနေ ကြိုဆိုလိုက်ပါတယ်။
ဒီအစီအစဉ်ဟာ စစ်တပ်အာဏာသိမ်းပြီးနောက်ပိုင်း နွေဦးတော်လှန် ရေးနဲ့ ပတ်သက်ပြီး လူမှုကွန်ယက်ပေါ်မှာ ပျံ့နှံ့နေတဲ့ သတင်းတု/သ တင်းမှားတွေကို စိစစ်ပေးသွားမှာပါ။
ဒီကနေ့မှာတော့”ကျိုက်မရောက စစ်ရှောင်နေအိမ်တွေကို စစ်ကောင်စီတပ်သားတွေက ဖောက် ထွင်းခိုးယူ ကားနဲ့တင်ကာ မော်လမြိုင်မှာ သွားရောက်ရောင်းချနေတာကို သတင်းအမှားဆိုပြီး” စစ်တပ်လက်အောက်ခံ သတင်းဌာနတွေက ဖြန့်ချိနေတာနဲ့ ပတ်သက်ပြီး စိစစ်ပေးသွားမှာဖြစ်ပါတယ်။
ဒီအကြောင်းကို စစ်ကောင်စီလက်အောက်ခံ ကြေးမုံသတင်းစာ၊မြန်မာ့အလင်း၊MOIစတဲ့ သတင်းဌာနတွေက မေ ၉ ရက်နေ့မှာ ဓာတ်ပုံတွေနဲ့တကွ စတင်ဖြန့်ဝေနေတာပါ။
ဖြစ်စဉ်မှာတော့ မွန်ပြည်နယ်၊ ကျိုက်မရောဒေသအတွင်းရှိ ဓမ္မသ၊ ကော့စွယ်၊ ကော့သပ်၊ တရနာ၊ သံကလောင်၊ ကျွန်းကုန်းပိုင်းရွာ အပါအဝင် ကော့ဘိန်း၊ ကော့ပေါက်၊ ကော့ပလိုင်ရွာတို့ရှိ တန်ဖိုးကြီး ဆိုင်ကယ်အပြင်၊ မီးခံသေတ္တာ၊ နေအိမ်အသုံးအဆောင်ပစ္စည်းနဲ့ ပရိဘောဂတို့ကို စစ်ကောင်စီတပ်သားတွေက တစ်ရက်လျှင် ကားဆယ်စီးစာမက ခိုးယူသယ်ဆောင်နေတယ်လို့ ကျိုက်မရောဒေသခံတွေကိုမေးမြန်းပြီး Myanmar peace monitor က ဖော်ပြပါတယ်။
စစ်ကောင်စီတပ်သားတွေဟာ သူတို့ယူဆောင်သွားတဲ့ တန်ဖိုးကြီးအ သုံးအဆောင်ပစ္စည်းတွေနဲ့ ဆိုင်ကယ်တွေကို မော်လမြိုင်မြို့ ရခိုင်ကုန်းဈေးနဲ့ ဘားအံမြို့ ဇာသပြင်ဘက်တွေမှာ ပြန်လည်ရောင်းချနေတာ တွေ့ရှိရတယ်လို့ စစ်ဘေးရှောင်အရေး ကူညီပေးသူတစ်ဦးရဲ့ ပြောပြချက်ကို Myanmar peace monitor က ဖော်ပြထားပါတယ်။
သံလွင်တိုင်းမ်သတင်းဌာနမှာတော့ ကျိုက်မရောမြို့နယ် ချောင်းနှစ်ခွတိုက်ပွဲကာလအတွင်း စစ်ရှောင်ဒေသခံတွေရဲ့ နေအိမ် ၁၀၀၀ ထက်မနည်း ဖောက်ထွင်းခိုးယူခံခဲ့ရပြီး ဒေသခံတွေရဲ့ ပြောဆိုချက်တွေအရ နေအိမ်ဖောက်ထွင်းခံရမှုကို စစ်ကောင်စီတပ်နဲ့ ရဲတပ်ဖွဲ့တွေက အများဆုံးကျုးလွန် သွားတာဖြစ်တယ်လို့ ဒေသခံတွေကို မေးမြန်းကာ ဖော်ပြထားပါတယ်။
Myanmar peace monitorရဲ့ သတင်းထုတ်ပြန်ချက်လင့်
Than lwin timeသတင်းဌာနက ဖော်ပြထားတဲ့သတင်း
DVBသတင်းဌာနက ဖော်ပြထားတဲ့သတင်း
ဒီအချက်တွေကြောင့် စစ်တပ်ဝါဒဖြန့် မီဒီယာတွေမှာ ဖော်ပြထားတာတွေဟာ သတင်းအမှား ဖြစ်တယ်လို့ သံလွင်တိုင်းမ်က စိစစ်ဖော်ပြပေးလိုက်ရပါတယ်။
သံလွင်တိုင်းမ်