စစ်တွေ၊ မတ် ၄
ရခိုင်ပြည်နယ် တိုက်ပွဲတွေအတွင်း ဖမ်းဆီးရမိခဲ့တဲ့ စစ်ကောင်စီတပ်ဖွဲ့ဝင်တွေနဲ့မိသားစုဝင်တွေကို ထိန်းသိမ်းစောင့်ရှောက်ပေးထားမှုအား ရက္ခိုင့်တပ်တော် AA က ဒီနေ့ မတ် ၄ ရက်နေ့ မွန်းလွဲပိုင်းမှာ မှတ်တမ်းဓာတ်ပုံတွေနဲ့တကွ ထုတ်ပြန်ပါတယ်။
ထိန်းသိမ်းစောင့်ရှောက်ထားတဲ့သူတွေဟာ ဇက်သင်္ဘောတွေ နစ်မြှုပ်စဉ် ကယ်တင်ခဲ့တဲ့သူတွေ၊ လက်နက်ချအညံ့တဲ့သူတွေ၊ တိုက်ပွဲတွေအတွင်း လက်ရဖမ်းဆီးမိတဲ့ စစ်သုံ့ပန်းတွေနဲ့ တပ်မိသားစုဝင်တွေ ပါဝင်တယ်လို့ ထုတ်ပြန်ချက်အရ သိရပါတယ်။
စစ်သုံ့ပန်းနဲ့မိသားစုဝင်တွေကို စစ်ကောင်စီရဲ့ ကြည်း၊ ရေ၊ လေ ပစ်ခတ်တိုက်မှုတွေနဲ့ အခက်အခဲအမျိုးမျိုးကြားထဲမှ ရက္ခိုင့်တပ်တော် AA မှာ ရှိတဲ့ ဆေးဝါးတွေ ရိက္ခာတွေနဲ့ အကောင်းဆုံးကျွေးမွေးစောင့်ရှောက်ထားတယ်လို့ ထုတ်ပြန်ထားပါတယ်။
သတင်း – သံလွင်တိုင်းမ်
ဓာတ်ပုံ – AA