ဘာလင်၊ ဇူလိုင်(၁၈)
ယူကရိန်းကို ရုရှားကျူးကျော်မှုအပြီးမှာ နိုင်ငံတွေက သူတို့ရဲ့တပ်တွေကို ပြင်ဆင်ဖို့ အတတ်နိုင်ဆုံး ကြိုးပမ်း နေကြတာကြောင့် ဂျာမနီကလည်း လာမယ့် ၂၀၂၅ ခုနှစ်မှာ ဥရောပနေတိုးမဟာမိတ်တွေကြားမှာ အကောင်း ဆုံး တပ်ဆင်ဖြည့်တင်းထားတဲ့ စစ်တပ်ဌာနခွဲတစ်ခု ရှိလာနိုင်ဖို့ မျှော်မှန်းထားကြောင်း ရိုက်တာသတင်းမှာ ဖော်ပြထားပါတယ်။
တပ်ဖွဲ့ဝင် ၂ သောင်းကျော်ပါဝင်တဲ့ စစ်သည်အင်အားဖြင့် တိုက်ခိုက်ဖို့ အဆင်သင့်ရှိတဲ့ တပ်ခွဲတစ်ခုကို၂၀၂၅ ခုနှစ်မှာတော့ လည်ပတ်နိုင်ဖို့ ရည်မှန်းထားပြီး ဒုတိယဌာနခွဲကို ၂၀၂၇ ခုနှစ်တွင် လုပ်ဆောင်ဖို့ ရည်မှန်းထား တာ ဖြစ်ပါတယ်။
“ကျွန်တော်တို့ ပထမအပိုင်းကို ၂၀၂၅ မှာ ပြီးမြောက်စေမယ်လို့ ကျွန်တော်ထင်ပါတယ်” လို့ ဒုတိယဗိုလ်ချုပ်ကြီး က တနင်္လာနေ့မှာ ပြောကြားခဲ့ပြီး အဲဒီဌာအတွက်လိုအပ်တဲ့ ဝန်ထမ်းအင်အားရဲ့ ၈၀ရာခိုင်နှုန်းမှ ၉၀ရာခိုင်နှုန်း အထိထားရှိမည်ဖြစ်ပြီး အစီအစဉ်တွေကို နေတိုးနဲ့သဘောတူညီခဲ့တယ်လို့ ပြောခဲ့ပါတယ်။
“ဘယ်လိုပင်ဖြစ်ပါစေ ၂၀၂၅ ခုနှစ်မှာ ဥရောပ နေတိုးမိတ်ဖက်တွေအားလုံးရဲ့ အကောင်းဆုံး တပ်ဆင်ရေး ဌာနခွဲကို ပံ့ပိုးကူညီဖို့ လုံလောက်မှာဖြစ်ပါတယ်။ အနည်းဆုံးတော့ ဒတ်ခ်ျမိတ်ဖက်တွေနဲ့ ပူးပေါင်းထားတဲ့ ပန်းတိုင်ဖြစ်တယ်” လို့ ဒုတိယဗိုလ်ချုပ်ကြီးက ပြောကြားခဲ့တာပါ။
အီရတ် သို့မဟုတ် အာဖဂန်နစ္စတန်မှာ ဆယ်စုနှစ်များစွာကြာ စစ်ပွဲငယ်တွေကို တိုက်ခိုက်နေခဲ့တဲ့ အနောက် တိုင်း နိုင်ငံတွေဟာ သူတို့ကိုလျစ်လျူရှု ခွဲထုတ်ပြီး လက်နက်ခဲယမ်းမီးကျောက်တွေ ဖယ်ရှားပစ်တာကို မြင်တွေ့ခဲ့ရပြီးနောက် အနောက်နိုင်ငံတွေဟာ သူတို့ရဲ့ ကွဲပြားမှုတွေကို ပြန်လည်တည်ဆောက်ဖို့နဲ့ ပြန်လည်တပ်ဆင်ဖို့ ရုန်းကန်နေရတာ ဖြစ်ပါတယ်။
အနောက်နိုင်ငံတွေက ကိယက်ဗ်ကို ကျည်အမြောက်အမြား ပေးနေတဲ့အချိန်၂၀၂၅ မှာ တပ်ခွဲကို လက်နက်ခဲ ယမ်း အလုံအလောက် ထောက်ပံ့ပေးဖို့ ရည်မှန်းချက်ကြီးကြီးထားပြီး စစ်အေးတိုက်ပွဲ ပြီးဆုံးချိန်ကတည်းက စတော့ရှယ်ယာတွေ ဆိုးဆိုးရွားရွား ကျဆင်းသွားတယ်လို့သူ က အသိအမှတ်ပြု ပြောဆိုပါတယ်။
“ကျွန်တော်တို့ ယူကရိန်းကို ခဲယမ်းမီးကျောက်တွေ အလျင်စလိုလုပ်ဖို့ အမိန့်အသစ်တွေ မဝင်လာမချင်း ကျွန်တော်တို့မှာ ခဲယမ်းမီးကျောက်တွေ မရနိုင်ပါဘူး” လို့လည်း ပြောခဲ့ပါတယ်။
မူဝါဒဆိုင်ရာ အဓိကအပြောင်းအရွှေ့တစ်ခုအဖြစ် ဂျာမန်အဓိပတိအိုလက်ဖိစကော့က ရုရှားမှ ယူကရိန်းကို ကျူးကျော်ပြီးနောက် သမိုင်းဝင်အချိုးအကွေ့ကို ကြေညာခဲ့ပြီး ဆယ်စုနှစ်များစွာ ငွေကြေးဆိုင်ရာ လျစ်လျူရှု မှုခံနေရတဲ့ ဂျာမန်စစ်တပ်ကို ခေတ်မီစေဖို့ အထူးရန်ပုံငွေကို တည်ထောင်ခဲ့တာ ဖြစ်ပါတယ်။
Ref: Reuters