ကရာချီ – မေ(၆) 

ပါကစ္စတန် အနောက်မြောက်ဘက်ရှိ စာသင်ကျောင်းတစ်ခုမှာ ပစ်ခတ်မှုဖြစ်ပွားခဲ့ပြီး ကျောင်း ဆရာ/ဆရာမ (၇) ဦးသေဆုံးခဲ့ပြီး ဒီပစ်ခတ်မှုဟာ ကျောင်းဆရာတစ်ဦး ပစ်ခတ်ခံခဲ့ ရတဲ့ ဖြစ်စဉ်အတွက် လက်တုံ့ပြန်တာဖြစ်နိုင်တယ်လို့ အာဏာပိုင်တွေက သုံးသပ်ထားပါတယ်။ 

ဒီဖြစ်စဉ်နှစ်ခုဟာ အာဖဂနစ္စတန် နယ်စပ်က ကာရမ်လူမျိုးတွေနေထိုင်ရာ ခရိုင် ပါရာချီနော ဧရိယာထဲမှာ ဖြစ်ပွားခဲ့တာပါ။ 

သတ်ဖြတ်ခဲ့တဲ့ အကြောင်းအရင်းနဲ့ ပတ်သက်ပြီး ဒေသဆိုင်ရာ အာဏာပိုင်တွေက ဆန့်ကျင်တဲ့ အကောင့်တွေကို ပစ်မှတ်ထားနေတယ်လို့ သိရပါတယ်။ 

ဒီအမှုအခင်းဟာ ပိုင်ဆိုင်မှုအငြင်းပွားတဲ့ ကိစ္စနဲ့ ဆက်စပ်တယ်လို့ ခရိုင်ဒေသန္တရ ဝန်ကြီးများရုံး ရဲ့ ထုတ်ပြန်ချက်မှာ ဖော်ပြထားပေမယ့် ဒေသကော်မရှင်နာက လူမျိုးရေး ဂိုဏ်းဂဏ ပြဿနာ ဟာ အကြောင်းအရင်းဖြစ်တယ်လို့ ပြောခဲ့ပါတယ်။ 

ကော်မရှင်နာ ဆိုင်ဖူလ်အစ္စလာမ်က ပထမဖြစ်ရပ်ရဲ့ ပစ်သတ်ခံရတဲ့ ကျောင်းဆရာဟာ ဆွန်နီ မွတ်ဆလင်ဖြစ်ပြီး ဒုတိယပစ်ခတ်မှုမှာ သေဆုံးခဲ့တဲ့သူတွေကတော့ ရှီးယိုက် မွတ်ဆလင် ဖြစ် တယ်လို့ ဆိုပါတယ်။ 

“ဒုတိယပစ်ခတ်မှုသည် ပထမဖြစ်စဥ်ကို လက်တုံ့ပြန်ခြင်းဟုတ် မဟုတ်တော့ မရှင်းလင်းနေပါ ဘူး” လို့ ကော်မရှင်နာက ပြောခဲ့ပြီး လူမျိုးရေ ဂိုဏ်းဂဏ အကြမ်းဖက်မှုကြောင့် တင်းမာမှု တွေ ရှိနေတဲ့ အဲဒီဧရိယာမှာ လုံခြုံရေးတွေ တိုးမြှင့်ထားတယ်လို့လည်း ပြောပါသေးတယ်။ 

အဲဒီခရိုင်အတွင်း ရှီယိုက်လူဦးရေ အများစုနေထိုင်ကြပြီး ဒေသတွင်း တာလီဘန်လှုပ်ရှားမှုမှ စစ်သွေးကြွ ဆွန်နီမွတ်ဆလင်တွေ ရဲ့မကြာခဏတိုက်ခိုက်လေ့ရှိတယ်လို့ သိရပါတယ်။ 

စစ်သွေးကြွ ဆွန်နီလူမျိုးတွေရဲ့ ထင်မြင်ချက်မှာ ရှီးယိုက်မွတ်ဆလင်တွေဟာ အယူမှားသူတွေ ဖြစ်ကြတယ်လို့ သိရပါတယ်။ 

ဒေသတွင်းရဲတပ်ဖွဲ့တွေအနေနဲ့ အဲဒီဖြစ်ရပ်တွေကို စုံစမ်းစစ်ဆေးနေပြီး သတင်းအချက်အလက် တချို့ကို စုဆောင်းနေတယ်လို့ သိရပါတယ်။

Ref:The Straits Times

Leave a Reply

This site uses Akismet to reduce spam. Learn how your comment data is processed.