နယူးယောက် ၊ သြဂုတ် (၃)
ကုလသမဂ္ဂ အကြီးအကဲ အန်တိုနီယို ဂူတာရက်စ်က ကမ္ဘာကြီးဟာ စစ်အေးတိုက်ပွဲမြင့်တက်လာပြီးကတည်းက မတွေ့မမြင်ရတဲ့ နျူကလီးယား အန္တရာယ်နဲ့ ရင်ဆိုင်နေရပြီး နျူကလီးယား ပပျောက်ခြင်းဟာ လွဲမှားတဲ့ တွက်ချက်မှုတစ်ခုပဲဖြစ်တယ်လို့ တနင်္လာနေ့မှာ သတိပေး ပြောဆိုလိုက်ပါတယ်။
“ကျွန်တော်တို့ အခုအချိန်အထိ ထူးထူးခြားခြား ကံကောင်းနေပါတယ်၊ ဒါပေမယ့် ကံကောင်းခြင်းက ဗျူဟာမဟုတ်သလို ပထဝီဝင်နိုင်ငံရေး တင်းမာမှုတွေကနေ နျူကလီးယား ပဋိပက္ခအထိ တိုးလာတဲ့ အကာအရံလည်း မဟုတ်ဘူး” လို့ နူကလီးယား မပြန့်ပွားရေးစာချုပ်ပါနိုင်ငံများရဲ့ ညီလာခံအစမှာ ဂူတာရက်စ်က ပြောကြားခဲ့ပါတယ်။
ဂူတာရက်စ်ရဲ့ မှတ်ချက်များသည် နူကလီးယားလက်နက်မပြန့်ပွားရေးကို တားဆီးရန် ၁၉၇၀ ခုနှစ်က စတင်အသက်ဝင်ခဲ့တဲ့ နိုင်ငံတကာသဘောတူစာချုပ်ဖြစ်သည့် NPT ရဲ့ (၁၀) ကြိမ်မြောက် ပြန်လည်သုံးသပ်ခြင်းညီလာခံမှာ ထွက်ပေါ်လာခဲ့ခြင်း ဖြစ်ပါတယ်။
နယူးယောက်မြို့ရှိ ကုလသမဂ္ဂဌာနချုပ်တွင် ကျင်းပသည့် အဆိုပါအစည်းအဝေးကို ကိုဗစ်-၁၉ ကပ်ရောဂါကြောင့် ၂၀၂၀ ခုနှစ်ကတည်းက အကြိမ်ကြိမ် ရွှေ့ဆိုင်းထားခဲ့ရပြီး အစည်းအဝေးကို ဩဂုတ်လ ၂၆ ရက်အထိ လုပ်ဆောင်သွားမှာ ဖြစ်ပါတယ်။
ယူကရိန်း ရုရှား စစ်ပွဲနှင့် ကိုရီးယားကျွန်းဆွယ်နှင့် အရှေ့အလယ်ပိုင်းရှိ တင်းမာမှုများကို ကိုးကားပြီး ကွန်ဖရင့်သည် သဘောတူစာချုပ်ကို အားကောင်းစေရန်နှင့် ကျွန်ုပ်တို့ပတ်ဝန်းကျင်ရှိ စိုးရိမ်စရာကမ္ဘာအတွက် အံဝင်ခွင်ကျဖြစ်စေရန်ဖြစ်တယ်လို့ ဂူတာရက်စ်က ပြောကြားခဲ့ပါတယ်။
“ယခုအခါ ကမ္ဘာတစ်ဝှမ်းရှိ နျူလက်နက်ပေါင်း (၁၃၀၀၀) နီးပါးကို လက်နက်တိုက်များတွင် သိမ်းဆည်းထားဆဲဖြစ်ပြီး ပြန့်ပွားမှုအန္တရာယ်များ ကြီးထွားလာနေပြီး တိုးမြင့်လာမှုကို တားဆီးရန် အစောင့်အကြပ်များ အားနည်းလာချိန်မှာ ယင်းအရာအားလုံးဟာလည်း အားနည်းသွားတယ်”လို့ ဂူတာရက်စ်က ပြောကြားခဲ့ပါတယ်။
ဇန်နဝါရီလတွင် ကုလသမဂ္ဂလုံခြုံရေးကောင်စီရဲ့ အမြဲတမ်းအဖွဲ့ဝင်ငါးနိုင်ငံဖြစ်သည့် အမေရိကန်၊ တရုတ်၊ ရုရှား၊ ဗြိတိန်နှင့် ပြင်သစ်တို့က နျူလက်နက်များ ထပ်မံမပြန့်ပွားရေးကို တားဆီးရန် ကတိပြုခဲ့ကြဖူးပါတယ်။
၂၀၁၅ ခုနှစ် နောက်ဆုံးအကြိမ် ပြန်လည်သုံးသပ်မှု ညီလာခံမှာတော့ အစုအဖွဲ့များသည် ရေရှည်ခိုင်မာတဲ့ ကိစ္စရပ်များအတွက် သဘောတူညီမှုမရရှိခဲ့ပါဘူး။
Ref: Bangkok Post