ကီဗ်၊ ဖေဖော်ဝါရီ ၂၄
ရုရှားနှင့် တင်းအားများ အရှိန်မြင့်တက်လာမှုကြောင့် ယူကရိန်းနိုင်ငံတွင် နေထိုင်နေသော ထိုင်းနိုင်ငံသား ၂၅၀ ဦး ဘေးကင်းရာသို့ ပြောင်းရွှေ့ပေးနိုင်ဖို့ အစီအစဥ်တစ်ရပ်ကို ထိုင်းနိုင်ငံခြားရေးဝန်ကြီးဌာန ကြေငြာခဲ့ပါ တယ်။
သတင်းအချက်အလက် ဝန်ကြီးရုံး ဦးစီးဌာန၏ အထွေထွေဒါရိုက်တာ တာနီးဆန်ဂရတ်က လာဗီရှိ လာဗီဒနီလျိုဟာဗက်စကီ နိုင်ငံတကာလေဆိပ်ကို တိမ်းရှောင်ထွက်ခွာနိုင်ရေးအတွက် ပထမဦးဆုံး ရွေးချယ်မယ်လို့ ပြောကြားခဲ့ပါတယ်။
လာဗီမြို့မှာ ယူကရိန်း၏ မြို့တော် ကီဗ်မြို့ အနောက်ဘက် ၅၄၀ ကီလိုမီတာတွင်တည်ရှိပြီး ပိုလန် နယ်စပ်မှ ၇၀ ကီလိုမီတာ အကွာအဝေးတွင်တည်ရှိတာဖြစ်ပါတယ်။
ပိုလန်နိုင်ငံအခြေစိုက် တော်ဝင်ထိုင်းသံရုံးအနေနဲ့ လာဗီသို့ ရောက်ရှိလာမယ့် ထိုင်းနိုင်ငံသား ဝန်ထမ်းများကို ခေါ်ယူနိုင်ရန်အတွက် ပိုလန်နိုင်ငံရှိ လုပ်ငန်းရှင်များကို မေးမြန်းသွားမှာဖြစ်ပါတယ်။
လိုအပ်ပါက သံရုံးအနေနဲ့ လာဗီမြို့တောင်ဘက် ဆိပ်ကမ်းမြို့တော် အိုဒဆာနှင့် မြို့တော် ကီဗ် မှ ထိုင်းနိုင်ငံသား များ သွားလာရေးအတွက် စီစဥ်ပေးမည်ဖြစ်ပြီး သွားလာမည့် ခရီးစဉ် ကြာမြင့်ချိန်မှာ ၈ နာရီ နှင့် ၁၁ နာရီ ခန့် ဖြစ်မည်ဖြစ်ကာ လာဗီမြို့သို့ ရောက်ရှိလာသော ထိုင်းနိုင်ငံသားများ၏ အိမ်ပြန်ခရီးအတွက် သံရုံးမှ စင်းလုံး ငှားလေယာဥ်တစ်စင်း စီစဥ်ပေးမယ်လို့ ဆိုပါတယ်။
လာဗီမြို့မှာ လေကြောင်းသွားလာရေးအတွက် လုံခြုံမှုမရှိပါက ၎င်းမြို့မှ ၄၀၀ ကီလိုမီတာ ကျော် အကွာ အဝေးတွင် တည်ရှိသော ပိုလန်နိုင်ငံ၊ ဝါစောမြို့သို့ သွားရောက်နိုင်ရေးအတွက် ထိုင်းသံရုံးစီစဥ် ပေးမယ်လို့ သိရပါတယ်။
ဝါဆောမြို့သို့ ကုန်းလမ်းခရီးဖြင့် ၆ နာရီခန့်သွားရောက်ရမည်ဖြစ်ပြီး ဝါဆော ချိုပင်လေဆိပ်မှတဆင့် စင်းလုံးငှားလေယာဥ် စီစဥ်ပေးထားမည်ဖြစ်သည်။
ဝါစောမြို့အပြင် လာဗီမြို့မှာပါ စင်းလုံးငှားလေယာဥ်စီစဥ်ဖို့ မဖြစ်နိုင်ပါက အစိုးရအနေဖြင့် နိုင်ငံသားများကို ပြန်လည်ခေါ်ဆောင်နိုင်ဖို့ ထိုင်းနိုင်ငံမှ လေယာဥ်တစ်စင်းပေးပို့စေလွှတ်မယ်လို့ မစ္စတာ တာနီးက ပြောခဲ့ပါ တယ်။
ပိုလန်နိုင်ငံဆိုင်ရာ ထိုင်းသံအမတ် ချက်တာဖန် မက်ဆမ်ဖန်က အရေးပေါ်တိမ်းရှောင်ထွက်ခွာနိုင်ရေး အစီ အစဥ်နှင့်ပတ်သက်ပြီး ပိုလန်နှင့် ယူကရိန်းအစိုးရများနှင့် ဆွေးနွေးထားပြီလို့လည်း သိရပါတယ်။
အခြေအနေများအရ ထိုင်းနိုင်ငံသားများသည် ယူကရိန်းသို့ ခရီးသွားခြင်းမပြုရန် အထူးသဖြင့် ရုရှားတပ်များ ဝင်ရောက်လာသော ဒိုနက်စ်နှင့် လူဂန့်စ်မြို့များသို့ သွားရောက်ခြင်းမပြုရန် မစ္စတာ တာနီးက သတိပေးထား ပါတယ်။
ဘာသာပြန် – အောင်မျိုးမြတ်
Ref: Bangkok Post