မော်လမြိုင်၊ ဇွန် ၃၀ ယာယီရွေ့ပြောင်းနေထိုင်သူများအား အိမ်ထောင်စုလူဦးရေစာရင်း နှင့် ကိုင်ဆောင်သင့်သည့် သက်သေခံ လက်မှတ်များ ထုတ်ပေးခြင်းမရှိဟု မွန်ပြည်နယ်အစိုးရအဖွဲ့ဝင် စီမံကိန်း၊ ဘဏ္ဍာရေး၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနဝန်ကြီး ဦးဝဏ္ဏကျော်က လွှတ်တော်တွင် ဖြေကြားသည်။
ပေါင်၊ ဇွန် ၂၈ ဇင်းကျိုက်ရေတံခွန်သို့လာရောက်လည်ပတ်ခဲ့ပြီး သထုံမြို့သို့ပြန်သည့် လူငယ်နှစ်ဦးစီးလာသောဆိုင်ကယ်တစ်စီးမှာ မျက်နှာချင်းဆိုင်မှလာသည့်ကားတစ်စီးကိုတိုက်မိခဲ့၍ ကားကြိတ်ခံရပြီး နေရာ၌ပင်နှစ်ဦးစလုံးသေဆုံးခဲ့မှု ပေါင်မြို့ကတွန်ကျေးရွာတွင် ဇွန်လ၂၈ရက်နေ့ မွန်းလွဲပိုင်းက ဖြစ်ပွားခဲ့ကြောင်း သိရသည်။
ရေး ၊ ဇွန် ၂၈ လိုအပ်သည့် ကျောင်းသားကျောင်းသူများအား ပံ့ပိုးကူညီထောက်ပံ့လှူဒါန်းမည့် ရေးမြို့နယ် NLD ၏မျှဝေခြင်းအစီအစဉ်အရ ယခုလ တတိယပတ်မှစတင်ကာ စာရေးကိရိယာများနှင့် ကျောင်းဝတ်စုံများကို ထောက်ပံ့ကူညီ လှူဒါန်းမှုများ ပြုလုပ်နေပြီဖြစ်ကြောင်း ရေးမြို့နယ်NLD တာဝန်ရှိသူများ၏ ပြောကြားချက် အရ သိရသည်။
ရေး ၊ ဇွန် ၂၇ ရေးမြို့နယ်သဘင်ပညာရှင်များအစည်းအရုံး၏ တည်ထောင်ခွင့်ဆိုင်ရာနှင့်လူမှုကူညီစောင့်ရှောက်ရေးဆိုင်ရာ အသိပေးရှင်းလင်းပွဲကို ဇွန်လ ၂၇ ရက်နေ့၊ နံနက်ပိုင်းက ရေးမြို့နယ်အထွေထွေအုပ်ချုပ်ရေး ဦးစီးဌာန၊ ခန်းမဆောင်တွင် ပြုလုပ်ကျင်းပခဲ့သည်ဟု သိရသည်။
မုဒုံ ဇွန် ၂၈ မုဒုံတွင် ယခုနှစ်မှိုရာသီ တောင်ပို့မှိုအထွက်များသော်လည်း တစ်ပိသာဈေးနှုန်းကျပ်(၇၀၀၀)မှ(၁၅၀၀၀) ထိ ရှိနေကြောင်းစုံစမ်းသိရှိရသည်။
မော်လမြိုင်၊ ဇွန် ၂၈ရက် မော်လမြိုင်မြို့ဈေးကြိုရပ်ကွက်တွင် လက်နက်ခဲယမ်းများနှင့် စိတ်ကြွရူးသွပ်ဆေးပြားများ ဖမ်းဆီးရမိခဲ့ကြောင်း သတင်းရရှိသည်။
မော်လမြိုင်၊ ဇွန် ၂၇ ရွေ့ပြောင်းလုပ်သားများအား အိမ်ထောင်စုစာရင်း ထုတ်ပေးခြင်းကိစ္စသည် လုပ်ထုံးစနစ်နည်းလမ်းမကျသည့် အတွက် မွန်ဒေသလုံးဆိုင်ရာ ဒီမိုကရေစီပါတီက ဇွန်လ (၂၇) ရက်တွင် ကန့်ကွက်ကြောင်း တာဝန်ရှိသူများထံ စာပေးပို့ခဲ့သည်။
ပေါင်၊ ဇွန် ၂၇ ပေါင်မြို့နယ်တွင် သွေးလွန်တုပ်ကွေးရောဂါဖြစ်ပွားနေသော ကလေးငယ်အချို့ရှိနေကြောင်း မြို့နယ် ကျန်းမာရေးဦးစီးဌာနမှ သိရသည်။
ရေး ၊ ဇွန် ၂၇ ကျောင်းပြင်ပသို့ ရောက်ရှိနေကြပြီး ကျူရှင်ယူရန် အခက်အခဲရှိနေသည့် တက္ကသိုလ်ဝင်တန်းအဆင့် ကျောင်းသား၊ ကျောင်းသူများအတွက် တက္ကသိုလ်ဝင်တန်းပြင်ပဖြေအခမဲ့ပညာဒါနသင်တန်းကို လာမည့် ဇူလိုင်လအတွင်း ဖွင့်လှစ်သင်ကြားပေးသွားမည် ဖြစ်သည်ဟု တာဝန်ရှိသူများက သံလွင်တိုင်းမ်သို့ ပြောကြားသည်။
သံဖြူဇရပ် ဇွန် ၂၆ သံဖြူဇရပ်မြို့နယ်၊ ကျိုက္ခမီနယ်မြေရဲစခန်းအပိုင်၊ နှစ်ကိုင်ကျေးရွာလမ်းဝတွင် သတင်းအရစောင့်ဆိုင်း စဉ် ထိုင်းနိင်ငံသို့တင်ပို့မည့် တရားမဝင်နွားများကားဖြင့်သယ်ဆောင်လာစဉ်ဖမ်းဆီးရမိကြောင်းသိရှိရသည်။
သံလွင်တိုင်းမ်