မူးယစ်ဆေးဝါးပြဿနာကို သုံးနှစ်ကြာသည့်တိုင် အောင်မြင်စွာ မတားဆီးနိုင်သေးဟု မွန်ပြည်နယ်ဝန်ကြီးချုပ်ပြော
Thanlwintimes မော်လမြိုင်၊ ဖေဖော်ဝါရီ ၂ မွန်ပြည်နယ်အတွင်း ဖြစ်ပေါ်နေသည့် မူးယစ်ဆေးဝါးပြဿနာများကို ပြည်နယ်အစိုးရသက်တမ်း (၃)နှစ်ကြာသည့်တိုင် အောင်မြင်စွာမတားဆီးနိုင်သေးဟု မွန်ပြည်နယ်ဝန်ကြီးချုပ်ဒေါက်တာအေးဇံက ဒုတိအကြိမ်လွှတ်တော် (၃)နှစ်ပြည့်နှစ်ပတ်လည်နေ့အခမ်းအနားတွင် ပြောကြားခဲ့သည်။ မွန်ပြည်နယ်အတွင်းရှိ ကျေးရွာများတွင် ဘိန်းစာရွက်ကိုပြုတ်၍ ကိုကာကိုလာနှင့် ရောနှောသောက်သုံးသည့်အလေ့အကျင့်ကို အဆိုးဝါးဆုံးတွေ့ရှိနေရကြောင်း ဒေါက်တာအေးဇံက ပြောသည်။ “ကျွန်တော်တို့အစိုးရအဖွဲ့ရဲ့ အရေးယူဆောင်ရွက်မှုတွေဟာ အင်မတန်ကိုများပြားတယ်ဆိုပေမယ့်လည်း အောင်မြင်တဲ့အခြေအနေ နဂိုအခြေအနေထက်ပိုမဆိုးအောင် ထိန်းချုပ်နိုင်တဲ့အခြေအနေပဲရှိပြီးတော့ ပိုပြီးတိုးတက်အောင်မြင်လာတဲ့အခြေအနေကို မတွေ့ရှိရပါဘူး “…