နေပြည်တော် ၊ ဖေဖော်ဝါရီ ၂၀
လက်ရှိဖြစ်ပွားနေတဲ့ လက်နက်ကိုင်ပဋိပက္ခချုပ်ငြိမ်းရေးကို ချင်းတိုင်းရင်းသားတွေအပါအဝင် တိုင်းရင်းသားပြည်သူအားလုံးက စစ်ကောင်စီနဲ့အတူ လက်တွဲကြိုးပမ်းဖော်ဆောင်ကြဖို့ စစ်ခေါင်း ဆောင်က တိုက်တွန်းပါတယ်။
နိုင်ငံတည်ငြိမ်ရေးနဲ့ တရားဥပဒေစိုးမိုးရေးဟာ နိုင်ငံဖွံ့ဖြိုးတိုးတက်မှုနဲ့ နိုင်ငံတည်ဆောက်ရေးအ တွက် အရေးပါတဲ့အလျောက် လက်နက်ကိုင်ပဋိပက္ခတွေချုပ်ငြိမ်းဖို့ သူဦးဆောင်တဲ့ အစိုးရနဲ့အတူ လက်တွဲဖို့ ပြောဆိုတာပါ။
ဖေဖော်ဝါရီ ၂၀ ရက်နေ့မှာ ကျရောက်တဲ့ (၇၇) နှစ်မြောက် ချင်းအမျိုးသားနေ့အခမ်းအနားသို့ ပေးပို့တဲ့ သဝဏ်လွှာမှာ စစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်က ထည့်သွင်းပြောဆိုခဲ့တာဖြစ် ပါတယ်။
စစ်ကောင်စီအနေနဲ့ အထွေထွေရွေးကောက်ပွဲကို အောင်မြင်စွာ ကျင်းပပေးနိုင်ဖို့စီမံနေပြီး ဒေသအ လိုက် လက်နက်ကိုင်ပဋိပက္ခတွေ ချူပ်ငြိမ်းမှသာ လွတ်လပ်မျှတမှုအပြည့်ရှိတဲ့ ရွေးကောက်ပွဲတွေ ကျင်းပနိုင်မယ်လို့ ဆိုပါတယ်။
ဒါ့အပြင် လက်နက်ကိုင်ပဋိပက္ခတွေ ချုပ်ငြိမ်းရေး NCA ပါ သဘောတူညီချက်တွေအတိုင်း အ ကောင်အထည်ဖော်သွားမှာဖြစ်တာကြောင့် တိုင်းရင်းသားလက်နက်ကိုင်အဖွဲ့တွေနဲ့ ဆက်လက်ဆွေးနွေးဖို့ ငြိမ်းချမ်းရေးတံခါး အမြဲဖွင့်ကြိုဆိုနေတယ်လို့ စစ်ခေါင်းဆောင်က ပြောပါတယ်။
ရွေးကောက်ပွဲကျင်းပရေး နိုင်ငံတစ်ဝန်းတည်ငြိမ်ဖို့ လိုအပ်တဲ့အတွက် ချင်းတိုင်းရင်းသားတွေကလည်း ဒေသချစ်စိတ်၊ နိုင်ငံချစ်စိတ်၊ ပြည်ထောင်စုချစ်စိတ်ကိုအရင်းခံကာ စည်းလုံးစွာ ဒေသတွင်း တည်ငြိမ်ရေးနဲ့ ရွေးကောက်ပွဲအောင်မြင်အောင် ဝိုင်းဝန်းပေးကြဖို့ သူကတိုက်တွန်းတာပါ။
ချင်းအမျိုးသားတပ်ဦး CNF ကတော့ စစ်ကောင်စီရဲ့ မသမာတဲ့နိုင်ငံရေးလှည့်ကွက် စစ်ရေးအကြမ်း ဖက်မှုတွေအပေါ် မိမိတို့အနေနဲ့ စစ်ရေးနိုင်ငံရေးသတိ ရှင်ရှင်ထားပြီး ပြည်ထောင်စုတစ်ဝန်း စစ်ကောင်စီအမြစ်ပြတ် ချေမှုန်းရေးအတွက် ဘဝတူအင်အားစုတွေနဲ့ ဆက်လက်တိုက်ပွဲဝင်သွားမယ်လို့ ကြေညာထားပါတယ်။
သတင်း – သံလွင်တိုင်းမ်
ဓာတ်ပုံ-Social Media