ရန်ကုန် – မတ်(၉)
နိုင်ငံကျော်အဆိုတစ်ဦးဖြစ်သူ တေးသံရှင် တွံတေးစိုးအောင်ဟာ ဒီနေ့ မတ်လ(၉) ရက်နေ့ မနက်(၂) နာရီ ဝန်းကျင်မှာ ရုတ်တရက်ကွယ်လွန်သွားခဲ့တယ်လို့ မိသားစုက အသိပေးထားပါတယ်။
တေးသံရှင် တွံတေးစိုးအောင်ဟာ ဦးနှောက်သွေးကြောပြတ်ပြီး ရုတ်တရက် ကွယ်လွန်သွားတာဖြစ် တယ်လို့ သိရပါတယ်။
“ဒီမနက်။ ၂ နာရီ ၃ မိနစ်က ကျွန်တော့်ရဲ့ အဖေ နိုင်ငံကျော်တေးသံရှင် တွံတေးစိုးအောင် ကွယ်လွန်သွားပါပြီ” လို့ တွံတေးဟိန်းကျော်က ပရိသတ်တွေကိုအသိပေးထားပါတယ်။
တွံတေးစိုးအောင်ဟာ မယ်ဒလင်တစ်လက်နဲ့ ကိုယ်ပိုင်သီချင်းများစွာ ရေးစပ်ကာနိုင်ငံကျော်ခဲ့သူ ဖြစ်ပြီး ရုပ်ရှင်နဲ့ ဗီဒီယိုဇာတ်ကားတွေမှာလည်း သရုပ်ဆောင်ခဲ့သူဖြစ်ပါတယ်။
တေးသံရှင်တွံတေးစိုးအောင်ကို တွံတေးမြို့၊ကျုံးကြီးရပ်ကွက် မှာမွေးဖွားခဲ့တာဖြစ်ပြီး အနုပညာ မျိုးရိုးမရှိဘဲ မိဘတွေဟာတောင်ယာလုပ်ငန်းနဲ့ အသက်မွေးဝမ်းကျောင်းသူတွေဖြစ်တယ်လို့ သိရပါ တယ်။
ကွယ်လွန်သွားခဲ့ပြီဖြစ်တဲ့ တေးသံရှင်တွံတေးစိုးအောင်ရဲ့ ပထမဆုံး တစ်ကိုယ်တော် စီးရီးဟာ “ကိုကိုလို့ခေါ်ပါ” ဆိုတဲ့ တေးစီးရီးဖြစ်ပြီး နောက်ပိုင်းမှာ တေးစီးရီးပေါင်း (၁၀၀) ကျော်လောက် ထွက်ရှိခဲ့တာဖြစ်တယ်လို့ နီးစပ်သူတွေက ဆိုပါတယ်။
သတင်း – သံလွင်တိုင်းမ်