မော်လမြိုင် – အောက်တိုဘာ(၂၅)
ကချင်ပြည်နယ်၊ မိုးမောက်မြို့နယ်က အောင်ဂျာစခန်းသိမ်းအောင်ပွဲဟာ တော်လှန်ရေးတပ်တွေ ရဲ့ ဌာနချုပ်ကို ခြိမ်းခြောက်လိုတဲ့ စစ်ကောင်စီရဲ့ အိပ်မက်ကို ရိုက်ချိုးနိုင်ခဲ့သလို မဟာဗျူဟာ ထိုးစစ်ရဲ့ကနဦးခြေလှမ်းဖြစ်တယ်လို့ NUG ကာကွယ်ရေးဝန်ကြီး ဦးရည်မွန်က ပြောပါတယ်။
တိုက်ပွဲမှာ စစ်ကောင်စီတပ်ရဲ့ အင်အား ရာကျော်ကို ချေမှုန်းနိုင်ခဲ့သလို PDF တပ်မတော်ပါဝင်ပြီး KIA ဦးဆောင်တဲ့ မဟာမိတ်တွေရဲ့အားနဲ့ ရယူခဲ့တဲ့ အောင်ပွဲဖြစ်တယ်လို့ ဆိုထားတာပါ။
“ဝန်ကြီးရေ ကောက်လို့တော့ မပြီးသေးဘူး၊လက်နက်ငယ်တွေကော လက်နက်ကြီးတွေပါ PDFတစ်ရင်းစာ တပ်ဆင်နိုင်လောက်အောင် ရလိမ့်မယ်ဗျ “လို့ စခန်းသိမ်းပြီးနောက်ရက်မှာ စစ်ဒေသမှူးက လှမ်းပြောတယ်လို့ NUG ကာကွယ်ရေးဝန်ကြီးက ရေးသားဖော်ပြခဲ့ပါတယ်။
ကျားတက်ထိုးပြီး ဝင်ရောက်သိမ်းယူခဲ့ရတဲ့ စခန်းသိမ်းအောင်ပွဲနေ့က PDF ရဲဘော်တွေရဲ့ ရဲစွမ်းသတ္တိကို KIA စစ်ဦးစီးချုပ်/စစ်ဒေသမှူး ဗိုလ်ချုပ်ကြီး ခေါင်လွန်းက ချီးကျူးခဲ့တယ်လို့လည်း ဆိုထားပါတယ်။
အဲဒီစခန်းသိမ်းအောင်ပွဲကို AA၊CNF၊ABSDF၊KNA-Burma၊K-PDFနဲ့ PDF ရဲဘော်တွေ ပူးပေါင်းပါဝင်ခဲ့တာဖြစ်တယ်လို့ သိရပါတယ်။
သတင်း – သံလွင်တိုင်းမ်
ဓာတ်ပုံ – လူမှုကွန်ရက်See translation