ရန်ကုန်၊ ဧပြီ(၈)
နိုင်ငံတဝန်းမှာ ပြီးခဲ့တဲ့ မတ်လတစ်လအတွင်း အမျိုးသမီး၂၉ ဦးသေဆုံးပြီး ၅၈ ဦးဖမ်းဆီးခံခဲ့ရတယ်လို့ မြန်မာအမျိုးသမီးသမဂ္ဂ(Burmese Women’s Union) က ဧပြီ ၆ ရက်နေ့မှာ ထုတ်ပြန်ပါတယ်။
သေဆုံးသူတွေထဲမှာ တော်လှန်ရေးအားကောင်းတဲ့ စစ်ကိုင်းတိုင်းက ၁၇ ဦး၊ ချင်းပြည်နယ်က ၄ ဦး၊ မကွေး တိုင်း ၃ ဦး ၊ မွန်ပြည်နယ် ၂ ဦး၊ ရှမ်းပြည်နယ်နဲ့ ကရင်ပြည်နယ်တို့မှာ ၁ ဦးစီ ပါဝင်ပါတယ်။
ဖမ်းဆီးခံရသူတွေထဲမှာတော့ စစ်ကိုင်းတိုင်းက ၂၄ ဦး၊ တနင်္သာရီတိုင်း ၁၀ ဦး၊ ရန်ကုန်တိုင်းမှာ ၈ ဦး၊ ဧရာဝတီတိုင်း ၄ ဦး၊ ကချင်ပြည်နယ် ၃ ဦး၊ မကွေးတိုင်း ၃ ဦး၊ ရှမ်းပြည်နယ်၊ မန္တလေးတိုင်းနဲ့ ပဲခူ းတိုင်းတို့မှာ ၂ ဦးစီ ဖမ်းဆီးခံခဲ့ရတာပါ။
မြန်မာနိုင်ငံမှာ စစ်တပ်အာဏာသိမ်းတဲ့ အခုနှစ် မတ်လ ၃၁ ရက်နေ့အထိ အမျိုးသမီး ၄၆၀ ကျော် သေဆုံးထားပြီး အမျိုးသမီး ၃၀၀၀ ကျော်ဟာ ဆက်လက်ဖမ်းဆီးခံထားရတယ်လို့ ထုတ်ပြန်ချက်မှာ ဖော်ပြပါတယ်။
မြန်မာအမျိုးသမီးသမဂ္ဂကတော့ အခုထုတ်ပြန်ထားတဲ့ အချက်အလက်တွေဟာ လွတ်လပ်တဲ့ သ တင်းမီဒီယာ အဖွဲ့အစည်းတွေကနေ ကောက်ယူထားတဲ့ အချက်အလက်တွေဖြစ်ပြီး မြေပြင်မှာ ဒီထက်အများကြီးပိုနိုင်တယ်လို့ ဆိုပါတယ်။
နိုင်ငံရေးအကျဉ်းသားများ ကူညီစောင့်ရှောက်မှုအသင်း(AAPP) ရဲ့ အဆိုအရ စစ်တပ်အာဏာသိမ်းတဲ့ ၂ နှစ် ကျော်ကာလအတွင်း သတ်ဖြတ်ခံရတဲ့ အရပ်သားပြည်သူ ၃၂၀၀ ကျော်အထိ ရှိလာပြီလို့ ဧပြီ ၇ ရက်နေ့မှာ ထုတ်ပြန်ထားပါတယ်။
သတင်း – သံလွင်တိုင်းမ်
ဓာတ်ပုံ – KNU