ရန်ကုန် – ဧပြီ(၆)
ရန်ကုန်တိုင်း၊ မင်္ဂလာဒုံလေတပ်စခန်းအနီးမှာ ဒီနေ့ဧပြီလ(၆) ရက်နေ့ ည(၉) နာရီဝန်းကျင်မှာ ပေါက်ကွဲသံတွေဆက်တိုက်ထွက်ပေါ်လာပြီးနောက် ပစ်ခတ်သံတွေဆက်တိုက် ကြားနေရတယ် လို့ ဒေသခံ တွေကပြောပါတယ်။
ည(၉)နာရီ ကျော်လောက်ကစပြီး ပေါက်ကွဲသံ (၅) ချက်လောက်ထွက်ပေါ်လာပြီးနောက် ပစ်ခတ်သံတွေဆက်တိုက် ထွက်ပေါ်လာတာပါ။
ပေါက်ကွဲမှုကြောင့် မင်္ဂလာဒုံ၊မြောက်ဥက္ကလာပ၊မြောက်ဒဂုံမြို့နယ်အတွင်းမှာ အသံကျယ်လောင်စွာ ထွက်ပေါ် ခဲ့ပြီး ပေါက်ကွဲမှုအားပြင်းတယ်လို့လည်း သိရပါတယ်။
ဒီဖြစ်စဉ်နဲ့ ပတ်သက်ပြီး အသေးစိတ်အခြေအနေကို သံလွင်တိုင်းမ် အနေနဲ့ ဆက်လက်စုံစမ်း နေပါတယ်။
သတင်း – သံလွင်တိုင်းမ်
ဓာတ်ပုံ – မင်္ဂလာဒုံလေတပ်စခန်း (ပုံအဟောင်း)