မင့်စ် – မတ်(၂၆)
ဘီလာရုစ်နိုင်ငံရဲ့ ၂၀၂၀ ခုနှစ်က ကျင်းပခဲ့တဲ့ ရွေးကောက်ပွဲအပြီး ဒီမိုကရေစီလိုလားတဲ့ ဆန္ဒပြ သူတွေကို ဖြိုခွင်းခဲ့တာနဲ့ ပတ်သက်ပြီး ဆက်နွယ်နေတဲ့ အဖွဲ့အစည်း(၃) ခုနဲ့ လူပုဂ္ဂိုလ် (၉) ဦးကို အမေရိကန်ဘဏ္ဍာရေးဌာနက ပိတ်ဆို့အရေးယူမှု အသစ်တွေချမှတ်ခဲ့ပါတယ်။
ဘဏ္ဍာရေးဝန်ကြီးဌာနက အမေရိကန်လုပ် ဘိုးရင်း 737 ဂျက်လေယာဉ်ကို ရုရှားသမ္မတ ဗလာဒီမာပူတင်ရဲ့ မဟာမိတ်နဲ့ အမေရိကန်က ဒဏ်ခတ်ပိတ်ဆို့ထားတဲ့ ဘီလာရုစ်ခေါင်းဆောင် အလက်ဇန်းဒါး လူကာရှန်ကိုရဲ့ ပိုင်ဆိုင်မှုအဖြစ်လည်း သတ်မှတ်ခဲ့ပါတယ်။
လူကာရှန်ကိုနဲ့ သူ့မိသားစုအသုံးပြုတဲ့ ဇိမ်ခံလေယာဉ်တွေထဲမှာအဲဒီလေယာဉ်ကိုခွဲခြားသတ်မှတ် တာဟာ အမေရိကန်ပြည်ထောင်စုက သူ့ရဲ့အသုံးဝင်မှုကို ထိရောက်စွာ တားဆီးခဲ့တာလည်း ဖြစ်ပါတယ်။
ပိတ်ဆို့အရေးယူမှုတွေဟာ ယေဘူယျအားဖြင့် အမေရိကန်လူမျိုးတွေကို ကြေညာထားတဲ့ အဖွဲ့အစည်း၊ လူပုဂ္ဂိုလ်နဲ့ စီးပွားရေးလုပ်ကိုင်တာတွေကို တားမြစ်ထားပြီး သူတို့နဲ့ အရောင်း အဝယ်ပြုလုပ်တဲ့ ဘဏ္ဍာရေးအဖွဲ့အစည်းဒါမှမဟုတ် လူပုဂ္ဂိုလ်တွေကိုလည်း အလားတူ အစီအမံတွေ ချမျတ်သွားမှာဖြစ်တယ်လို့ ဖော်ပြထားပါတယ်။
ကမ္ဘာ့အကြီးဆုံး ထရပ်ကားကြီးတွေနဲ့ အမှိုက်ထရပ်ကားတွေ ထုတ်လုပ်သူတွေထဲက တစ်ခု ဖြစ်တဲ့ Belarusian Automobile Plant အပါအဝင် အဓိက ဘီလာရုစ်လူမျိုး မော်တော်ကား ထုတ်လုပ်သူ နှစ်ဦးကို ပိတ်ဆို့အရေးယူထားတယ်လို့ ဘဏ္ဍာရေးဝန်ကြီးဌာနရဲ့ ဆိုထားပါတယ်။
Minsk Automobile Plant ကိုလည်း လူကာရှန်ကိုရဲ့ အစိုးရအတွက် ထင်သာမြင်သာရှိတဲ့ ၀င်ငွေအရင်းအမြစ် ဖြစ်တယ်လို့ ဘဏ္ဍာရေးထုတ်ပြန်ချက်မှာ ဖော်ပြထားပြီး ကုမ္ပဏီနှစ်ခုလုံးရဲ့ ဒါရိုက်တာတွေကို ပိတ်ဆို့အရေးယူဖို့ ရှိနေတာဖြစ်ပါတယ်။
မော်တော်ကားစက်ရုံတွေရဲ့ ပြင်းထန်တဲ့ စီမံခန့်ခွဲမှုဟာ သပိတ်တွေနဲ့ ငြိမ်းချမ်းစွာ ဆန္ဒပြမှုတွေ မှာပါဝင်တဲ့ အလုပ်သမားတွေကို ခြိမ်းခြောက်ပြီး ထုတ်ပယ်မှုတွေ ပြုလုပ်ကာ လူကာရှန်ကိုရဲ့ အောင်ပွဲအတွက် ဝန်းရံခဲ့တယ်လို့ ဘဏ္ဍာရေးဝန်ကြီးဌာနက ပြောပါတယ်။
ဘီလာရုစ် ဗဟိုရွေးကောက်ပွဲကော်မရှင်အဖွဲ့ဝင် (၇) ဦးအပြင် ကော်မရှင်ကိုလည်း ပိတ်ဆို့ အရေးယူမှုတွေ ချမှတ်ထားတယ်လို့ ထုတ်ပြန်ချက်မှာဖော်ပြထားပါတယ်။
နောက်ဆုံးမှာ ရုရှားအင်ပါယာမှ ၁၉၈၁ ခုနှစ် လွတ်လပ်ရေးကြေငြာချက်ကို ဂုဏ်ပြုတဲ့ တရားဝင် မဟုတ်တဲ့ အာလပ်ရက်ဖြစ်တဲ့ ဘီလာရုစ်စီးယမ်း လွတ်လပ်ရေးနေ့ အထိမ်း အမှတ် အဖြစ် အစိုးရအရာရှိတွေအပါအဝင် လူပုဂ္ဂိုလ် (၁၄) ဦးကို ဗီဇာ ကန့်သတ်ထားပါတယ်။
ဘီလာရုစ်ခေါင်းဆောင်ရဲ့ ၂၀၂၀ ရွေးကောက်ပွဲအတွက် လူထုဆန္ဒပြပွဲတွေ ဖြစ်ပွားပြီးနောက် သူ့ကို ကျောထောက်နောက်ခံပြုထားတဲ့ ပူတင်ကို လူကာရှန်ကိုက ယူကရိန်းကျူးကျော်မှုမှာ ဘီလာရုစ် နိုင်ငံကို အသုံးပြုခွင့်ပေးထားပါတယ်။
Ref: CNA