ချမ်းမြသာစည် – နိုဝင်ဘာ(၃)
မန္တလေးတိုင်း ချမ်းမြသာစည်မြို့နယ် ဂံရွာမှာ ဒီနေ့ နိုဝင်ဘာလ(၃) ရက်နေ့ ညနေ (၅)နာရီက တစ်နာရီကျော်မီးလောင်ကျွမ်းမှုဖြစ်ပွားခဲ့ပြီးနောက် လူနေအိမ်(၅၀) နီးပါးမီးလောင်ဆုံးရှုံးခဲ့တယ်လို့ မြန်မာနိုင်ငံမီးသတ်တပ်ဖွဲ့က သံလွင်တိုင်းမ် ကိုပြောပါတယ်။
မီးလောင်ကျွမ်းခဲ့တဲ့ ရပ်ကွက်ဟာ လမ်းကျဉ်းတာနဲ့ အိမ်ခြေစိပ်တဲ့အတွက် မီးသတ်ကားတွေ ဝင်ရောက်ဖို့အခက်အခဲရှိခဲ့တယ်လို့ သိရပါတယ်။
လက်ရှိအချိန်မှာတော့ မီးစတင်လောင်ကျွမ်းခဲ့တဲ့ အခြေအနေနဲ့ လူထိခိုက်မှုအခြေအနေကို အသေးစိတ်မရရှိသေးဘူးလို့ မီးသတ်တပ်ဖွဲ့တာဝန်ရှိသူတစ်ဦးက ဆိုပါတယ်။
သတင်း -သံလွင်တိုင်းမ်
ဓာတ်ပုံ – MFSD