ဝါရှင်တန်၊ မတ် ၁၂
ယူကရိန်းအပေါ် ရက်စက်ကြမ်းကြုတ်သော လုပ်ဆောင်မှုတွေ ရုရှားလုပ်ခဲ့တယ်လို့ စွပ်စွဲလိုက်ပြီး ရုရှားသမ္မတ ဗလာဒီမာပူတင်သည် သံတမန်ရေးညှိနှိုင်းမှုအပေါ် စိတ်ဝင်စားတဲ့ လက္ခဏာမပြကြောင်း အမေရိကန် ဒုသမ္မတ ကာမလာ ဟဲရစ်က ပြောကြားခဲ့သည်။
“အမေရိကန်သည် သံတမန်ရေးရာတွင် တက်ကြွစွာပါဝင်ရန် စိတ်ရင်းမှန်ဖြင့် ကြိုးပမ်းနေပြီး ကျွန်ုပ်တို့ သိရှိမျက်မြင်တွေ့ခဲ့ရသမျှမှ ပူတင်သည် လေးနက်သော သံခင်းတမန်ခင်းတွင် ပါဝင်ပတ်သက်ရန် အရိပ် အယောင်ကို မပြနိုင်ပေ” ဟု ရိုမေးနီးယားသို့ အလည်အပတ်ရောက်ရှိနေသည့် ဟားရစ်က ပြောကြားခဲ့သည်။
“သံတမန်ဆက်ဆံရေးသည် ပြဿနာများကို ဖြေရှင်းရန် နည်းလမ်းဖြစ်သည် သို့သော် ကျွန်ုမတို့၏ မဟာမိတ် များအနေဖြင့် အားကောင်းပြီး ရုရှား၏ လုပ်ရပ်များအတွက် ပြင်းထန်သော အကျိုးဆက်များနှင့် တာဝန်ခံမှုရှိရန် ကျွန်ုပ်တို့၏ ကတိကဝတ်များနှင့်အတူ နေထိုင်သွားရမည်” ဟု ဟားရစ်က ရိုမေးနီးယားနိုင်ငံ သမ္မတ ကလော့စ် လိုဟာနစ်နှင့် ဘူဂါရက်စ်တွင် ပြုလုပ်သည့် သတင်းစာရှင်းလင်းပွဲတွင် ပြောကြားခဲ့သည်။
“ဒါကြောင့် ကျွန်မတို့ဟာ သမိုင်းဝင် ပိတ်ဆို့အရေးယူမှုတွေမှာ ပါဝင်နေပါတယ်” ဟု ဖေဖော်ဝါရီ ၂၄ ရက် ကျူး ကျော်မှုအပေါ် အနောက်နိုင်ငံများ၏ တုံ့ပြန်မှုကို မစ္စကမ်မလာမှ ပြောကြားပြီး “ရက်စက်ကြမ်းကြုတ်ပြီး ဆင်ခြင်မဲ့တဲ့ အပြုအမူအတွက် ပြင်းထန်သော အကျိုးဆက်များကို သေချာစေရန် နောက်ထပ်လုပ်ဆောင်ရမည့် လုပ်ဆောင်ချက်များရှိတဲ့ အကြောင်း”ကိုလည်း သတိပေးခဲ့သည်။
အရပ်သားများကို ပစ်မှတ်ထားတိုက်ခိုက်ခြင်းသည် စစ်ရာဇ၀တ်မှုတစ်ခုဖြစ်ကြောင်း ကျွန်ုပ်တို့ ရှင်းရှင်းလင်း လင်းသိရမည့် အချိန်ကာလဖြစ်သည်” ဟု ယူကရိန်းဆိပ်ကမ်းမြို့ မာရီယူပူး ရှိ သားဖွားဆေးရုံတွင် ရက်သတ္တပတ် အတွင်း တိုက်ခိုက်မှုကို ရည်ညွှန်းပြီး ကလေးတစ်ဦးအပါအဝင် လူသုံးဦးထက်မနည်း သေဆုံးခဲ့ကြောင်း ဟဲရစ် က ပြောကြားခဲ့သည်။
ကမ္ဘာ့ကျန်းမာရေးအဖွဲ့ (WHO) သည် ပဋိပက္ခစတင်ကတည်းက ယူကရိန်းရှိ ကျန်းမာရေးအဆောက်အအုံများ တွင် တိုက်ခိုက်မှုပေါင်း ၂၆ ကြိမ် ဖြစ်ပွားခဲ့ပြီး အနည်းဆုံး ၁၂ ဦး သေဆုံးခဲ့ကြောင်း ထုတ်ပြန်ခဲ့သည်။
ဟဲရစ်သည် ယူကရိန်းနှင့် သက်ဆိုင်ရာ နယ်နိမိတ်များအတွင်း ပဋိပက္ခများ ပြင်းထန်နေချိန်တွင် အမေရိကန်၏ ထောက်ခံမှုကို ပြသရန် နေတိုးမဟာမိတ် ပိုလန်နှင့် ရိုမေးနီးယားသို့ ယခုသီတင်းပတ်အတွင်း သွားရောက် လည်ပတ်ခဲ့ခြင်းဖြစ်သည်။
ဝါရှင်တန်သည် ပြီးခဲ့သောလတွင် ဂျာမနီမှ ရိုမေးနီးယားသို့ ပင်လယ်နက်တွင် အမေရိကန်တပ်ဖွဲ့ဝင်အင်အား ၁၀၀၀ အား ပြောင်းရွှေ့ချထားပေးခဲ့ပြီး ၎င်းနိုင်ငံတွင်းရှိ အမေရိကန်တပ်ဖွဲ့ဝင်အင်အားကို နှစ်ဆတိုးခဲ့ခြင်း ဖြစ်သည်။
ဘာသာပြန် – အာသစ်
Ref: CAN